林海峰唔想再頒「我最喜愛」！一句話暗示MIRROR時代終結？網民：而家先講?!

林海峰直言頒獎禮好沉重

對於多年來負責頒發叱咤樂壇「我最喜愛」系列獎項，林海峰坦言呢個任務對佢嚟講非常沉重，更自爆其實早喺兩年前已經暫停頒發呢個獎。佢直言「一早唔應該頒」，覺得自己喺頒獎禮上存在太耐，似乎早已萌生退意。佢甚至半開玩笑咁講，如果大家會因此而高興，佢唔介意缺席，一切都係「為大家好」，言談間流露出對呢個崗位嘅疲態。

一番話被指暗示MIRROR時代終結

當被問及MIRROR或會缺席叱咤記招時，林海峰嘅回應更係充滿玄機。佢表示歌手有來有走係頒獎禮嘅常態，更強調：「無理由一個頒獎禮由第一年開始搞，搞咗廿年三十年都係嗰幾個人攞獎，係無理由。」佢認為唯一不變嘅可能只有頒獎嘉賓，但呢個情況亦可能需要有少少改變。呢番說話被外界解讀為暗示樂壇將會改朝換代，似乎意有所指。

網民反應兩極

林海峰嘅言論一出，即時喺網上引發兩極反應。有網民認為佢嘅說話係暗示緊一個時代嘅終結，留言表示：「軟硬話頒獎禮冇理由幾十年來會係同樣嘅人攞獎…咁即係暗示mirror嘅時代已經終結」。不過，亦有大批網民對佢嘅言論提出質疑，認為佢喺呢個時機發言係為商台護航，有網民狠批：「有着數個陣又唔見你條友講呢啲，而加人哋反你商台 ，你走出離護主」。

更多網民狠批林海峰言論

唔少網民對林海峰嘅講法唔收貨，認為佢嘅言論有欠公允，更有人直指佢本人都應該被換走：「其實你都應該要換啦！林海峰已經由敢言做到而家係慎言」。亦有留言質疑商台本身嘅做法：「同商台咁多年夠淨係比晒啲配音廣告你做、唔分比其他dj，等你賺晒啲外快，又唔見你講商台咁多年都係益你同個幾個自己友」

精選林海峰 叱咤歷年金句「敢言變慎言」

《叱咤樂壇流行榜頒獎典禮》是每年樂迷都期待的盛事，林海峰的作為嘉賓的「棟篤笑」經常爆出金句，每年抽水緊扣社會議題，不過近年已被評為「敢言變慎言」！

「今日嘅標準係，性經驗越少係越多人支持。」

林海峰解釋：「我聽啲同事講好鍾意姜B，係因為佢未『咩』，仲係『咩』㗎嘛。即係呢，性經驗越少係越多人支持！」他更點名Dear Jane主音Tim和RubberBand主音6號，笑問：「阿Tim你太太幾好嗎？你個細蚊仔都好得意吖！」以及「RubberBand 6號同Tim Lui，冇理由結咗婚咁耐都洞房吖？」 林海峰更大膽宣布：「我正式宣布，Dear Jane同RubberBand係已經玩完㗎喇！」並叮囑Supper Moment：「剩番嘅係Supper靠你哋喇，你哋幾個要忍住呀！最緊要係Sunny呀，我睇你呀，你為咗音樂，為咗Supper，為咗樂迷，為咗香港Band Sound，切就唔使切㗎喇，我贈你一隻字——忍！一破勢就永劫輪迴呀！」

「劫富濟貧嘅羅賓漢我哋見過，有冇見過打劫自己嘅羅賓漢吖？」

林海峰點名張敬軒：「張敬軒絕對有心有力，軒仔開咗一間高級法國餐廳，去保育一間香港碩果僅存嘅巨型錄音室！」他又幽默建議：「人哋成副身家瞓咗落去保育一間錄音室，你係咪應該都成副身家去佢間法國餐廳嗌多幾碟生蠔咁呀？」令軒仔即刻連聲說「唔該晒」。

「有人話，呢啲叫『戇居』，但其實有咩形容詞可以將呢個階段嘅你形容得更貼切？咪就係青春囉！」

林海峰以叱咤的態度解釋：「當大家聽緊外國語歌嘅時候，叱咤唱好中文歌；流行改編歌，叱咤堅持原創歌。」青春就是敢於堅持自己的信念！

「邊個話30歲唔可以繼續年青？就算嚟個double嘅話，Do姐都可以再Shopping啦！」

林海峰提到：「方皓玟話『你是你本身的傳奇』，所以肥妹都可以變女神。Supper Moment創作一個又一個Super Moment。陳柏宇用一塊又一塊嘅磚頭，砌上自己紅館嘅舞台。所以邊個話30歲唔可以繼續年青？」

「叱咤到頭來係咪你最喜愛其實唔重要，最重要係叱咤可以繼續表達你最喜愛的。如果人生有一張票，你會點投呀？」

這句話讓人思考選擇與堅持的意義。

「喺雞蛋同高牆之間，我問你哋，你會企喺邊一邊吖？」

2017年林海峰提到我最喜愛的女歌手欣宜：「蛋就人見人撐，但牆就人見人拆，所以欣宜如果我係你，彩唔好攞咁盡，你仲後生的提議你即時放棄角逐。宣布放棄角逐啦，家庭理由囉，我哋好支持㗎。」

「搞騷唔一定要去紅館，RubberBand喺麥花臣都可以有四面台。雖然個台細咗少少，但唔緊要吖，依家唔興大台吖嘛！」

這句話幽默中帶出對本地音樂場地的支持。