簡淑兒 整容前

簡淑兒離巢後首個專訪回應整容前後傳聞:連阿媽都唔認得嗰個係我

娛樂

廣告

32歲簡淑兒(Jessica)有一對「腰果眼」和甜美笑容作標記,但一直以來她都備受整容傳聞困擾,日前她接受由林柏希主持的網上節目《月傾會》訪問,就對這個話題作出了終極回應,又講到自己參選港姐時的一張相片經常都被傳媒翻炒,她好嬲又好笑地指連她阿媽看到這張相時,都認不出她來!

簡淑兒 整容前 簡淑兒 簡淑兒日前接受由林柏希主持的網上節目《月傾會》訪問。
簡淑兒日前接受由林柏希主持的網上節目《月傾會》訪問。(圖片來源:《月傾會》圖片)

簡淑兒:由我一入行講到依家

簡淑兒自2012年參加香港小姐落選後入行,至今已有10年,講到傳足咁多年的整容話題,簡淑兒冇咁好氣話:「由我一入行到依家,選完(港姐)出嚟就已經咁講,其實我已經答過無數咁多次,我已經唔想再答喇!如果要繼續講,呢個當然我控制唔到,但係我就選擇咗唔會再答呢個問題!」

簡淑兒 整容前 簡淑兒 簡淑兒過去曾多次否認整容,並一再強調只係妝容與角度問題。
簡淑兒過去曾多次否認整容,並一再強調只係妝容與角度問題。(圖片來源:《月傾會》圖片)
簡淑兒 整容前 簡淑兒 2012年參選港姐時的簡淑兒。
2012年參選港姐時的簡淑兒。(圖片來源:《月傾會》圖片)

唔開心10年前舊照經常被翻炒

簡淑兒又講到在無綫10年最不開心的事,原來係因為一張相而起,她好嬲又好笑地說:「依家每一次睇關於我嘅報道,都會有一張好核突嘅相喺隔離,哈哈哈!我媽咪話有一次睇報紙,見到我張相隔籬有個女人,佢唔認得嗰個係我囉!」

簡淑兒 整容前 簡淑兒選港姐照
就係呢張簡淑兒選港姐時嘅官方舊相,經常被傳媒翻炒。(圖片來源:tvb.com)
簡淑兒 整容前 簡淑兒 簡淑兒話連佢阿媽都唔認得佢以前個樣!
簡淑兒話連佢阿媽都唔認得佢以前個樣!(圖片來源:《月傾會》圖片)

最開心識到陳婉衡

至於在無綫10年最開心的事,簡淑兒就話:「最開心就係我識到依家嘅best friend,大家係同一屆入選嘅Alycia(陳婉衡)!我諗我呢10年裏面,如果冇佢喺身邊,日子未必會咁開心囉!」

簡淑兒 整容前 簡淑兒 簡淑兒同陳婉衡係best friend。
簡淑兒同陳婉衡係best friend。(圖片來源:IG@kan_jessica)

拒認有錢女:屋企搵幾多都唔關我事

除了整容傳聞外,簡淑兒亦一直被傳係有錢女,屋企好富貴,對此簡淑兒一直堅持父母只是在美國做珠寶小生意,仲話有錢過佢嘅人大把:「我真係唔係好有錢,屋企人就算搵幾多都好,都同你冇乜關連,因為你自己都要有你自己生活,冇理由呢一世都係靠屋企㗎嘛!」

簡淑兒 整容前 簡淑兒的家族珠寶店於09年在香港創建了一個珠寶品牌「Dazzle」,並由她親自做代言人賣廣告。
簡淑兒的家族珠寶店於09年在香港創建了一個珠寶品牌「Dazzle」,並由她親自做代言人賣廣告。(圖片來源:微博@簡淑兒Jessica)
簡淑兒 整容前 兩年前珠寶公司獲商業大獎,簡淑兒亦現身頒獎禮贈興,並與公司員工及高層合照。
2018年珠寶公司獲商業大獎,簡淑兒亦曾現身頒獎禮贈興,並與公司員工及高層合照。(圖片來源:新傳媒照片庫)

簡淑兒在美國讀書時曾被霸 凌

簡淑兒仲透露自己當年在美國讀書慘被霸 凌,甚至試過被人剪頭髮及推落樓梯:「我喺香港出世,但係我喺美國大,我啱啱過到去唔識講英文,所以嗰時成日畀人蝦,試過畀人剪頭髮呀、推我落樓梯呀,令我性格變到好內向,佢哋(父母)見到就覺得我出嚟做嘢會好蝕底,所以想我去見識下,去參加港姐識多啲嘢,但就冇諗過我會留喺呢行!」

簡淑兒 整容前 簡淑兒 簡淑兒8歲便隨家人移民美國,曾在美國紐約州立大學帕切斯分校修讀心理學學士,副修藝術設計。
簡淑兒8歲便隨家人移民美國,曾在美國紐約州立大學帕切斯分校修讀心理學學士,副修藝術設計。(圖片來源:《月傾會》圖片)

簡淑兒離開TVB跳出舒適圈

簡淑兒在6月20日出po宣告離開無綫,她直言不經不覺已入行10年,因此決心要跳出舒適圈:「10年前嘅我,都係因為跳出咗自己嘅comfort zone,先會入到呢一行;10年之後,不如再試下跳出comfort zone,睇下會唔會有更多進步!嚟到呢個位,自己好似stuck住咗,所以想跳出去囉!」

簡淑兒 整容前 簡淑兒 32歲的簡淑兒,突然宣布離巢無綫。
32歲的簡淑兒,早前突然宣布離巢無綫。(圖片來源:IG@kan_jessica)
簡淑兒 整容前 簡淑兒 簡淑兒向公司及合作過的人道謝。
簡淑兒向公司及合作過的人道謝。(圖片來源:IG@kan_jessica)

自由身唔一定要簽公司

問到離開無綫後大計,簡淑兒話:「依家自由身,有好多嘢自己想試囉,唔一定要有公司,先有你嘅價值,一個人嘅價值,應該去到邊度都有!我依家就好努力去build up自己價值,睇下嚟緊會唔會有唔同project,或者自己試下拍片!」

簡淑兒 整容前 簡淑兒 簡淑兒話離開TVB後有好多嘢想試。
簡淑兒話離開TVB後有好多嘢想試。(圖片來源:《月傾會》圖片)

簡淑兒哽咽:我唔肯放棄!

簡淑兒回想入行初期,有同事曾經同佢講過一番說話:「佢話呢一行,靚嘅女仔大把,你又冇名銜、又唔係讀藝訓、又冇讀過演藝,你又冇後台,你覺得自己憑咩呢?」今時今日嘅簡淑兒想同對方講:「我好想可以同番佢講,我憑咩呢?就係憑我真係好鍾意呢一行,同埋我真係唔肯放棄囉!」講講下,簡淑兒忍唔住哽咽:

「好想話畀大家聽,如果你真係好鍾意嘅話,你就去做!」

明星同演員,簡淑兒想做邊樣?佢諗都唔使諗:「我想做演員!」

簡淑兒 整容前 簡淑兒 講到對演藝事業嘅堅持,簡淑兒講到喊。
講到對演藝事業嘅堅持,簡淑兒講到喊。(圖片來源:《月傾會》圖片)

簡淑兒兜巴星視后田蕊妮驚到震

講番喺無綫嘅作品,當年一齣《迷》,簡淑兒做田蕊妮個女,仲要兜巴星阿媽,呢個角色都好深入民心,她說:「嗰時大家啱啱認識我,跟住會覺得點會咁大膽冚視后,其實我係好驚,因為嗰日係我第一日拍嗰套劇!田蕊妮好nice,佢知道我係新人,會同我對晒(稿),佢直頭話真係冚落嚟啦一take過,但係我都驚!」

簡淑兒 整容前 簡淑兒 簡淑兒第一日拍《迷》已經要大膽冚視后!
簡淑兒第一日拍《迷》已經要大膽冚視后!(圖片來源:《月傾會》圖片)
簡淑兒 整容前 簡淑兒 佢話驚到震!
佢話驚到震!(圖片來源:《月傾會》圖片)

「少女標本」Kabby最啱傾

再問到曾經組過女團「少女標本」,簡淑兒同三位隊友許雅婷(Kabby)、袁紫僑(CoCo)同溫心(Swan),邊個最friend?同邊個最冇偈傾呢?她回答:「我諗最唔熟嘅係溫心囉,因為大家都知,其實佢出現咗一個公開活動之後就冇,所以唔係不和嘅,係完全唔熟囉!少女標本其實一開始唔係我㗎,我係replacement,出道前一個月改咗人,攝咗我落去。最close多啲偈傾係Kabby(許雅婷),因為佢係一個好大情大性嘅人!」

簡淑兒 整容前 2015年,簡淑兒與許雅婷、袁紫僑和溫心等人,組成香港女子音樂組合「少女標本」,不過甚少合體演出,漸漸地各有發展,而簡淑兒就在無綫專注拍劇。
2015年,簡淑兒與許雅婷、袁紫僑和溫心等人,組成香港女子音樂組合「少女標本」,不過甚少合體演出,漸漸地各有發展。(圖片來源:新傳媒照片庫)
簡淑兒 整容前 簡淑兒 簡淑兒話喺少女標本中同Kabby許雅婷右二)最啱傾,另外左一為袁紫僑、左二為溫心。
簡淑兒話喺少女標本中同Kabby許雅婷(右二)最啱傾,另外左一為袁紫僑、左二為溫心。(圖片來源:新傳媒照片庫)

同麥大力拍拖「唔認唔得」

今次離開無綫的決定,男友麥大力梗係支持啦,眨下眼兩人拍拖已經超過1年。簡淑兒話當初真係冇諗過公開:「好老實講,真係因為影到,嗰陣時大家都冇諗住公開㗎!」有傳聞話簡淑兒離開無綫,係為咗方便同本身為機師嘅男友,等通關後周圍飛?佢話:

「據我所知,佢仲未飛返㗎,因為都仲係封緊關,所以佢都仲未飛到,同埋據我所知,佢都仲係(無綫)合約演員!」

簡淑兒 整容前 簡淑兒 麥大力
麥大力自爆對簡淑兒一見鍾情。(圖片來源:IG@kan_jessica)
簡淑兒 整容前 簡淑兒 麥大力
簡淑兒和麥大力因合作《SUPER FIVE》一拍即合,擦出愛火花﹗(圖片來源:IG@kan_jessica)

男友麥大力上山下海追求

同麥大力拍拖超過1年,男友做過最sweet一件事?簡淑兒話,當初同麥大力發展,對方真係上天下海乜都做齊:「我問佢有冇興趣去行山,因為我係夜晚黑去行,跟住之後就去潛水啦,仲有一次就係我去捐血!行山嗰次,佢本身諗住女仔行山都係行下啫,但係嗰次我哋攞埋繩去爬,跟住就刮損咗佢!上山下海,佢就話,如果我都追唔到呢個女仔,我都唔知仲有啲咩可以做喇,佢講完畀我聽,我都覺得有少少感動!」

簡淑兒 整容前 簡淑兒 麥力力
簡淑兒同麥大力一起學潛水一起去考牌,志趣相投,麥大力亦曾指同簡淑兒好夾好多共同嗜好,大家都有潛水牌,不時會在「水底談情」,非常浪漫。(圖片來源:IG@derekmackesy)

試過前男友出軌 拒check男友電話

而問到兩人鬧交最勁嗰次係為乜嘢?簡淑兒表示:「我記得有一次係因為我電話冇signal收唔到,之後佢搵唔到我就好擔心,但係我嘅性格就覺得,我都唔知你打畀我,唔關我事㗎嘛!」問到有冇互相check對方電話,係咪有齊對方電腦、手機密碼?同埋如果麥大力出軌,簡淑兒會點處理?佢話:「我冇佢電話、電腦password呀,佢都冇我嘅!我從來都冇睇過佢電話,唔好話check,就算佢玩緊電話,我都係連望都冇望!」簡淑兒話試過前男友出軌:「以前都試過男朋友出軌,跟住畀佢氹到囉,我冇真係捉姦在床嗰啲,我選擇算啦、信佢啦,但係依家我就唔會喇!」

簡淑兒 整容前 離開公司上車後,男友忙講電話,簡淑兒全程木無表情,到達黃埔海逸豪園寓所,簡淑兒獨自先返家,二人全程甚少交流,不過臨落車都有goodbye kiss。
簡淑兒過去曾有個圈外男友Marcus,二人拍拖數年,分手後又再度復合,2020年Marcus更被本刊影到親自駕車接送簡淑兒返工放工,雖然簡淑兒在去年表示已同Marcus分手,但卻直言心中仍會為舊愛永遠留下一個位置。(圖片來源:新傳媒照片庫)
簡淑兒 整容前 簡淑兒多年來非常保護男友,甚至說過之前的經理人公司反對她拍拖。
簡淑兒前男友Marcus。(圖片來源:新傳媒照片庫)

即將踏入33歲

最後仲有驚喜彩蛋,林柏希預備咗蛋糕,為即將生日(7月18日)嘅簡淑兒提早慶生。簡淑兒話係今年第一個生日蛋糕,驚喜之餘最希望就係疫情快啲過去!

簡淑兒 整容前 簡淑兒 林柏希為簡淑兒提早慶祝33歲生日。
林柏希為簡淑兒提早慶祝33歲生日。(圖片來源:《月傾會》圖片)
簡淑兒 整容前 簡淑兒 簡淑兒的生日願望係希望疫情快啲過去!
簡淑兒的生日願望係希望疫情快啲過去!(圖片來源:《月傾會》圖片)

即睇簡淑兒《月傾會》訪問:

簡淑兒曾回應整容傳聞:我以前只係黑同肥

雖然簡淑兒出名樣子甜美,但其實由佢16年加入《愛回家之八時入席》出演秘書仔時開始,整容傳聞就傳到㷫烚烚。當時簡淑兒經已反客為主,自post在2011年回流前美國留學舊照,自嘲曾經又肥又黑、再自嘲EQ差、話傳媒專揀妝頭出事的相片對比,水蛇春咁長hashtags,曲線自辯係女大十八變唔係整容囉!

簡淑兒 整容前 簡淑兒 簡淑兒曾貼出在美國留學時的舊照,自嘲以前又肥又黑。
簡淑兒曾貼出在美國留學時的舊照,自嘲以前又肥又黑。(圖片來源:IG@kan_jessica)
簡淑兒 整容前 簡淑兒 《愛回家之八時入席》演秘書仔時的簡淑兒。
《愛回家之八時入席》演秘書仔時的簡淑兒。(圖片來源:《愛回家之八時入席》截圖)

真面目判若兩人

對於簡淑兒的變臉疑雲,本刊曾獲得一批2012年香港小姐競選官方照,當年簡淑兒20強不入,一早做咗炮灰。係同屆黃心穎、朱千雪、湯洛雯等太高質,還是簡淑兒方面、細眼、扁鼻實力差太遠?雖然話女大十八變啫,點解事隔多年冇人話心穎BB同千雪BB唔同晒樣嘅?又點解可以變變吓變咗撞埋Baby樣呢?

簡淑兒 整容前 簡淑兒選港姐照
簡淑兒選港姐照(圖片來源:TVB)
簡淑兒 整容前 簡淑兒選港姐照
簡淑兒選港姐照(圖片來源:TVB)
簡淑兒 整容前 簡淑兒選港姐照
簡淑兒選港姐照(圖片來源:TVB)

簡淑兒愈大愈靚

事隔10年,簡淑兒已面目全非,愈大愈靚,她曾經解釋係當初官方妝頭出事喎!

簡淑兒 整容前 簡淑兒 腰果眼加心形嘴,現時的簡淑兒已變身成宅男女神。
腰果眼加心形嘴,現時的簡淑兒已變身成宅男女神。(圖片來源:IG@kan_jessica)
簡淑兒 整容前 簡淑兒 同初入行時嘅佢判若兩人。
成功迷倒不少宅男。(圖片來源:IG@kan_jessica)

簡淑兒進化史

12年:面型尖咗,個鼻直咗,不過本來輪廓仲喺度,當年仲有少少似張慧儀。

簡淑兒 整容前 簡淑兒 2012年時的簡淑兒。
2012年入無綫做主持時的簡淑兒。(圖片來源:IG@kan_jessica)
簡淑兒 整容前 簡淑兒 有少少似張慧儀。
有少少似張慧儀。(圖片來源:IG@kan_jessica)

13年:明顯下巴更尖,鼻型筆直,對眼都比選港姐時圓咗又深咗。

簡淑兒 整容前 簡淑兒 2013年時的簡淑兒。
2013年時的簡淑兒。(圖片來源:微博@簡淑兒Jessica)

14年:多咗大眼仔美化對眼,不過明顯雙眼又大又圓,已見腰果眼初型。

簡淑兒 整容前 簡淑兒 2014年時的簡淑兒。
2014年時的簡淑兒。(圖片來源:微博@簡淑兒Jessica)
簡淑兒 整容前 簡淑兒 已見腰果眼初型。
已見腰果眼初型。(圖片來源:IG@kan_jessica)

16年:間尺鼻成型、嘴唇突然飽滿,角度突登低抄,其實拍埋一齊邊個係Baby,邊個係簡淑兒已經好難分!

簡淑兒 整容前 簡淑兒 2016年時的簡淑兒。
2016年時的簡淑兒。(圖片來源:微博@簡淑兒Jessica)

16年:進化成功再加埋全新化妝,簡淑兒連pose表情都有意無意以Baby為藍本,正式變身成為新一代女神。

簡淑兒 整容前 簡淑兒 愈來愈似Angelababy。
愈來愈似Angelababy。(圖片來源:IG@kan_jessica)
簡淑兒 整容前 簡淑兒 有對腰果眼加間尺鼻。
有對腰果眼加間尺鼻。(圖片來源:微博@簡淑兒Jessica)
簡淑兒 整容前 簡淑兒 少女味十足。
少女味十足。(圖片來源:微博@簡淑兒Jessica)

17-18年:新一代女神地位奠定,腰果眼笑臉已成招牌,整體樣貌都無咩改變,最多都係齊陰髮型有時會變吓。

簡淑兒 整容前 簡淑兒 2017年開始,簡淑兒個樣已再無咩變化。
2017年開始,簡淑兒個樣已再無咩變化。(圖片來源:IG@kan_jessica)
簡淑兒 整容前 簡淑兒 最多會變吓個髮型。
最多會變吓個髮型。(圖片來源:新傳媒照片庫)
簡淑兒 整容前 簡淑兒 2018年《平安谷之詭谷傳說》演淼淼。
2018年《平安谷之詭谷傳說》演淼淼。(圖片來源:《平安谷之詭谷傳說》截圖)
簡淑兒 整容前 簡淑兒 同年《波士早晨》演秘書仔Hanna。
同年《波士早晨》演秘書仔Hanna。(圖片來源:《波士早晨》劇照)
簡淑兒 整容前 簡淑兒 現在的簡淑兒,外貌冇再進化,但身形就不斷改善,狂操腹肌。
現在的簡淑兒,外貌冇再進化,但身形就不斷改善,狂操腹肌。(圖片來源:IG@kan_jessica)

簡淑兒如何回應整容傳聞?

對於簡淑兒的變臉疑雲,本刊曾獲得一批2012年香港小姐競選官方照。
12年:面型尖咗,個鼻直咗,不過本來輪廓仲喺度,當年仲有少少似張慧儀。
13年:明顯下巴更尖,鼻型筆直,對眼都比選港姐時圓咗又深咗。
14年:…點擊即睇:簡淑兒樣貌進化史

簡淑兒與麥大力如何認識?

簡淑兒同麥大力拍拖超過1年,當初同麥大力發展,對方真係上天下海乜都做齊…詳情請看

撰文:東方新地圖片來源:《月傾會》圖片、TVB、IG@kan_jessica資料或影片來源:原文刊於東方新地