肥媽紅館演唱會入座率備受關注 「自由神像」造型𢭃利是
肥媽紅館騷票價最高$880
6年前曾公開告別幕前的肥媽，今次再開個唱票價最高$880，有傳媒報道指在現場除了山頂有部分吉位外，入座率約有八成。
紅館現場被指多空凳
不過有持$580票入場的網民，就在社交網專頁中出po，直言：「開場同散場都咁多人。好想唱返首”空凳”慶祝下。」
建議改名 MC Mirror VS Mirror
有網民更提議肥媽將今次的《肥媽面對面演唱會》改名繼續賣飛，表示：「改名做 MC Mirror VS Mirror 咁咪賣清光囉！」
嘉賓鼎盛憶亡夫泣不成聲
呢日台上亦都有環節悼念同肥媽相依多年嘅亡夫，肥媽表示今次演出最遺憾係「老公唔喺度」！台上佢自爆曾經窮到冇錢買餸 ，而一講啲孫亦即刻錫到啜啜聲、感觸到淚流不止，果然係大情大性：
肥媽6年前高調榮休一鋪清
69歲的肥媽(Maria Cordero)於2016年舉行《友誼長存30週年香港演唱會》後宣布正式退休，這6年前肥媽經歷喪夫之痛，情緒一度不穩，近年見她出返來表演登台，靠工作有寄託，生活重回正軌，今次一連兩晚重返紅館開演唱會，事前她接受傳媒透問時，表示唔會再輕易講「告別」或「退休」，因為她自爆退休後3年，發生了一件大事，令她覺悟原來個天要佢「繼續做嘢」，唔可以話告別唔做。
信朋友入5,000萬科技股蝕入肉！
肥媽在訪問中自爆，當日因為手持4、5千萬現金，所以才告別幕前，點知後來投資失利蝕入肉，老公當時更患重病，最後病逝，肥媽憶述此事時真係喊得一句句，因為信朋友，她入了5千萬關於電燈的香港科技股，朋友仲保證蝕錢會畀返佢，點知最後那位朋友都要破產，根本冇得賠，隻股票最後停埋牌。
8蚊跌到8毫子！相關股票跌到除牌
肥媽好記得當日在無綫錄影節目，睇住股價由8蚊跌到得8毫子，幾日後跌到得8個仙，結果她輸剩200萬，好彩唔係炒孖展，後果更加不堪設想。據財經界分析，肥媽係買咗德普科技(3823)，業務主要從事製造及銷售鋁電解電容器。總部位於江蘇省，可惜相關股份已除牌。亦有網民分析，肥媽若今年3月份用5,000萬買TVB(511.HK)，賬面只係蝕緊約15%-20%，未至於歸$0！
肥媽「重創」後領悟人生
肥媽蝕入肉後反而變得更積極，她反過來安慰自己不要緊，因為個天給她健康的身體可以繼續工作，而早年她在世界各地投資的物業及鋪位全部都已供滿，雖然損失了近5,000萬現金，但她仍然可以平穩生活，得閒登台表演賺吓錢仲可以做善事。
