陳嘉倩拉筋片瘋傳！畫面極誘人被批似「色誘」7字反擊網民負評

Apr 3 2024

前新聞主播陳嘉倩自2017年離巢TVB後，便開始轉戰幕前，不時在社交網大派福利，不過日前她分享一條做運動短片，片中展示拉筋動作的畫面被指意淫，更被網民擺上連登討論區食花生！事後影片一度「被消失」，其後又重新上載，陳嘉倩再出PO回應hater 。

陳嘉倩拉筋片瘋傳被批似「色誘」一面倒負評

影片中，陳嘉倩首次做禪柔運動（gyrotonic），她身穿全套瑜伽服，鏡頭由背面開始影，close up每一下拉筋動作，畫面都十分優雅同吸引。不過，有人卻批評陳嘉倩淪落到要拍攝「色誘」片，負評包括「越來越暴露」、「唔夠pure」、「太俗氣」、「公道講句好似唔係做gym」、「好有機心」

陳嘉倩陳嘉倩身穿全套瑜伽服，鏡頭由背面開始影，close up每一下拉筋動作。（圖片來源：陳嘉倩 Chan Ka Sin@Facebook） — 陳嘉倩身穿全套瑜伽服，鏡頭由背面開始影，close up每一下拉筋動作。（圖片來源：陳嘉倩 Chan Ka Sin@Facebook）

陳嘉倩畫面都十分優雅同吸引（圖片來源：陳嘉倩 Chan Ka Sin@Facebook） — 畫面都十分優雅同吸引（圖片來源：陳嘉倩 Chan Ka Sin@Facebook）

陳嘉倩不過，有人卻批評陳嘉倩淪落到要拍攝「色誘」片！（圖片來源：陳嘉倩 Chan Ka Sin@Facebook） — 不過，有人卻批評陳嘉倩淪落到要拍攝「色誘」片！（圖片來源：陳嘉倩 Chan Ka Sin@Facebook）

陳嘉倩回應hater ：放鬆啲啦香港人

成功引起討論後，相關影片在陳嘉倩IG一度「被消失」，不過陳嘉倩似乎沒有受負評影響心情，隔天再出po回應hater ，然後影片再度開放，得到超過4,000讚好，陳嘉倩又留言說：

放鬆啲啦香港人𝐆𝐘𝐑𝐎𝐓𝐎𝐍𝐈𝐂®️係一項對身心靈都有療癒效果嘅活動除咗拉筋之外因為緩慢嘅動作同音樂對個人放鬆都非常有益建議身心壓力大嘅人都做多啲🧘‍♀️近排返嚟要復操跳舞、Yoga、Gyrotonic🤸無野可以阻到我。

不少網友亦支持她：「其實樂在其中就好，無需太理會別人點諗」「唔使理其他人點講」「有咩問題？好正常」

陳嘉倩陳嘉倩似乎沒有受負評影響心情，隔天再出po回應hater （圖片來源：陳嘉倩 Chan Ka Sin@Facebook） — 陳嘉倩似乎沒有受負評影響心情，隔天再出po回應hater （圖片來源：陳嘉倩 Chan Ka Sin@Facebook）

即睇影片：

P牌陳嘉倩接受駕駛大挑戰網民冠「公路炸彈」6宗罪惡名

陳嘉倩2021年在ViuTV真人騷《學神出沒注意》接受駕駛大挑戰，成功考獲車牌半年的陳嘉倩不諱言實際行車經驗僅三次，《學神出沒注意》安排她接連串大考驗，最後不但要搵師傅補鐘，更被網民洗版鬧爆「公路炸彈」，大數陳嘉倩6宗罪，更呼籲吊銷其牌照﹗

陳嘉倩陳嘉倩在《學神出沒注意》接受駕駛大考驗前信心滿滿，揚言希望盡快甩走P牌。 — 陳嘉倩在《學神出沒注意》接受駕駛大考驗前信心滿滿，揚言希望盡快甩走P牌。

《學神出沒注意》陳嘉倩被插公路炸彈險象環生

陳嘉倩在節目《學神出沒注意》中透露取得駕駛牌照後，只揸過3次車，而且未曾上過公路，絕對是初哥，在節目中嘉倩BB接受多個大考驗，包括由荃灣到屯門、港島多彎路的山路遊車河，以及在戶外及在停車場泊車，行車經驗尚淺的嘉倩BB，期間險象環生，發生不少驚險事件，睇到網民又驚又嬲，節目出街後成功吸嬲，洗版留言鬧爆嘉倩BB罔顧道路安全，揸車態度好有問題﹗

陳嘉倩陳嘉倩一開始便將水潑及指揮燈掣搞錯。 — 陳嘉倩一開始便將水潑及指揮燈掣搞錯。

第一宗罪：公路上左搖右擺

嘉倩BB接受第一個考驗是由荃灣到屯門，並安排了專業駕駛拍檔Alex在旁指導，Alex一上車問嘉倩BB的基本常識，嘉倩BB自信爆棚答：「梗係識﹗」點知指揮燈掣卻錯開了水潑。正式道路測試，上到公路，Alex不斷提醒，但嘉倩BB還是左搖右擺，更妙問：「上咗公路喇？」駕駛常識欠奉。

陳嘉倩陳嘉倩一直認叻指朋友坐過佢車都讚夠安全及穩陣，她表示行車經驗只有三次，今次是首次上公路。 — 陳嘉倩一直認叻指朋友坐過佢車都讚夠安全及穩陣，她表示行車經驗只有三次，今次是首次上公路。

陳嘉倩陳嘉倩在公路上不是偏右便是偏左，Alex不斷提醒嘉倩BB仍然唔知自己錯乜。 — 陳嘉倩在公路上不是偏右便是偏左，Alex不斷提醒嘉倩BB仍然唔知自己錯乜。

第二宗罪：行車態度差唔聽指令

陳嘉倩在公路上的車速一直維持時速三十多，嘉倩BB還一臉得意問：「點解啲車不停都回頭望嘅？」坐後座的同事笑指因為見到靚女，嘉倩BB天真嬌開心笑了出來，Alex更正指她車速太慢，嘉倩BB唔服氣：「吓？慢，我開到七十喇喎﹗」Alex指她只有一下試過七十時速，嘉倩BB即晦氣話：「咁我加速囉﹗我要加油囉﹗」又不自量力指好想試吓爬人車頭﹗

陳嘉倩網民講出重點，指過頭車的司機只是因為嘉倩BB揸車揸到出晒線，又左搖右擺，才回頭怒睥，絕對非望靚女﹗ — 網民講出重點，指過頭車的司機只是因為嘉倩BB揸車揸到出晒線，又左搖右擺，才回頭怒睥，絕對非望靚女﹗

第三宗罪：唔專心搞到撞欄仲姓賴

嘉倩BB完成公路及戶外泊車考驗後，被安排到闊落的室內停車場泊車，陳嘉倩表現信心滿滿，Alex落車讓她獨力接受挑戰，但Alex不放心一直在旁跟車睇實，嘉倩BB見Alex一直跟住自己㗎車，忘形興奮大叫：「嘩Alex追星呀，嘩瘋狂粉絲追星呀﹗」事後撞欄仍然唔知錯更怪責節目組安排這個考驗。

陳嘉倩見到Alex追車，陳嘉倩好興奮不停大叫「追星呀﹗」 — 見到Alex追車，陳嘉倩好興奮不停大叫「追星呀﹗」

嘉倩BB只顧望住左面Alex追車，最後撞向右邊的鐵欄，闖禍後的陳嘉倩在車上一臉惘然：「咩事呀？做咩呀？乜事呀？冇事㗎麻﹗」Alex及工作人員好頭痛，唯獨嘉倩BB還抵賴指睇唔到右邊欄杆，是因望住Alex追車。

陳嘉倩 Alex問佢：「你睇唔到右邊個欄杆？」陳嘉倩聲大大答：「見唔到喎﹗」 — Alex問佢：「你睇唔到右邊個欄杆？」陳嘉倩聲大大答：「見唔到喎﹗」

陳嘉倩陳嘉倩撞車後完全無落車睇睇發生咩事﹗ — 陳嘉倩撞車後完全無落車睇睇發生咩事﹗

第四宗罪：補鐘只顧電師傅

陳嘉倩最後被安排搵教車師傅補鐘，一見師傅即拉住人隻手問師傅有冇信心「我得得唔得？」然後又九唔搭八話：「師傅，我專登著條短裙嚟﹗」師傅答：「呢樣冇乜幫助﹗」師傅先在駕駛學院內熱身並示意在需要時會使用他的手掣協助，問嘉倩BB會否介意？嘉倩BB：「我諗用唔到吓話？」師傅解釋在場外才有機會用到，嘉倩BB還不服氣：「場外都唔想用到啦﹗」

嘉倩BB對住師傅話：「我今日專登著咗條短裙嚟﹗」搞到師傅一頭霧水答：「呢樣對改善駕駛技巧冇乜幫助﹗」

陳嘉倩在紅燈停車時，嘉倩BB一直翹手，師傅即驚訝問：「你做乜翹手呀？任何時候都要揸住軚盤。」 — 在紅燈停車時，嘉倩BB一直翹手，師傅即驚訝問：「你做乜翹手呀？任何時候都要揸住軚盤。」

陳嘉倩網民不滿陳嘉倩對師傅表示自己著短裙。 — 網民不滿陳嘉倩對師傅表示自己著短裙。

第五宗罪：不滿要讓車龍

陳嘉倩補鐘後，再接受Alex的挑戰，今次到多彎路的淺水灣、深水灣、赤柱遊車河，陳嘉倩一上司機位再次自信爆棚，駛到迴旋處並冇留意路面情況直接駛出去，當場被Alex指：「家庭觀眾唔好學，呢啲係老司機先敢咁做﹗大家千祈唔好學，係錯誤示範﹗」陳嘉倩反駁自己唔知道﹗期間由於行車太慢形成後面一大條車龍，Alex請嘉倩BB先到避車處，先讓車龍超前，嘉倩BB最初話：「我唔會望㗎﹗」其後Alex堅持她先到避車處，她寸嘴反問：「咁其實一條龍冇咗，都有另一條龍㗎啦﹗」似不滿要讓車龍﹗

陳嘉倩陳嘉倩對於要到避車處讓車龍先過持不同意見﹗Alex解釋唔想她被後面車龍司機咒罵，才請她讓車。 — 陳嘉倩對於要到避車處讓車龍先過持不同意見﹗Alex解釋唔想她被後面車龍司機咒罵，才請她讓車。

陳嘉倩 Alex為了鼓勵嘉倩BB，親餵對方食朱古力，嘉倩BB笑晒口大叫：「我充滿力量喇﹗」 — Alex為了鼓勵嘉倩BB，親餵對方食朱古力，嘉倩BB笑晒口大叫：「我充滿力量喇﹗」

第六宗：險撞巴士仲唔知衰

Alex不停提點嘉倩BB之外，為了令她心情輕鬆親自餵她食朱古力，嘉倩BB立即分心大叫：「我充滿力量﹗」就在這時由於駛得太接近對面迎面的車輛，對面的巴士瘋狂響咹，嚇得Alex出手為嘉倩BB扭軚，並不停大叫「嚇死寶寶」，嘉倩BB反問：「冇事㗎嘛？我見後面三個電單車停咗喺度望，不過冇事㗎呵？」扮無辜想過骨！

陳嘉倩陳嘉倩差點撞向對面線的巴士，Alex出手扭軚。 — 陳嘉倩差點撞向對面線的巴士，Alex出手扭軚。

陳嘉倩 Alex好緊張，嘉倩BB仍然輕輕鬆鬆鄧梓峰，寫個服字畀佢﹗ — Alex好緊張，嘉倩BB仍然輕輕鬆鬆鄧梓峰，寫個服字畀佢﹗

陳嘉倩陳嘉倩唔知衰，唔覺得自己揸車有錯，更怪責節目組的工作人員安排她接受挑戰。 — 陳嘉倩唔知衰，唔覺得自己揸車有錯，更怪責節目組的工作人員安排她接受挑戰。

陳嘉倩網民直斥陳嘉倩唔知自己錯，態度又差，不虛心還寸寸貢。 — 網民直斥陳嘉倩唔知自己錯，態度又差，不虛心還寸寸貢。

陳嘉倩事後認衰

被網民大數六宗罪後，陳嘉倩亦唔敢與網民為敵，在IG即時動態回覆討論區對她的指摘，認低威指「揸二、三次車就出石澳真係好驚，仲要拍攝宜金人竹女火要揸好多個鐘，你叫我依家再揸出去都唔敢」之後多謝節目組及師傅Alex等。

陳嘉倩陳嘉倩cap低討論區對她駕車的指控，當中網民留言有不少粗口，嘉倩BB於IG即時動態回覆，終於跪低認衰。 — 陳嘉倩cap低討論區對她駕車的指控，當中網民留言有不少粗口，嘉倩BB於IG即時動態回覆，終於跪低認衰。

陳嘉倩嘉倩BB現身認衰，獲網民讚勇氣可嘉，但仍有不少網民唔收貨，繼續畀嬲。 — 嘉倩BB現身認衰，獲網民讚勇氣可嘉，但仍有不少網民唔收貨，繼續畀嬲。

踩入各討論區親回：「以後會更加謹慎」

事件經過大半日發酵，負評愈來愈多，陳嘉倩留意各大討論區網民對她的指控，不但在IG即時動態回覆，更現身親自認衰。

陳嘉倩嘉倩BB現身認衰，有網民畀like，亦有網民仍然不滿，更追問她如何成功考獲駕駛執照。 — 嘉倩BB現身認衰，有網民畀like，亦有網民仍然不滿，更追問她如何成功考獲駕駛執照。

陳嘉倩陳嘉倩再虛心回覆網民的問題，同時話會「好好檢討」。 — 陳嘉倩再虛心回覆網民的問題，同時話會「好好檢討」。

陳嘉倩仍有網民不滿，更直斥她的駕照是「姣返嚟」。 — 仍有網民不滿，更直斥她的駕照是「姣返嚟」。

被網民質疑駕照「姣返嚟」陳嘉倩回應「可能天資有限」

陳嘉倩陳嘉倩再親自回覆該網民指她駕照「姣返嚟」，直指自己「天資有限」。 — 陳嘉倩再親自回覆該網民指她駕照「姣返嚟」，直指自己「天資有限」。

陳嘉倩陳嘉倩到各大討論區親自回覆網民對她的指摘，挽回不少分數。 — 陳嘉倩到各大討論區親自回覆網民對她的指摘，挽回不少分數。

嘉倩BB認錯：「以後會更加謹慎」

虛心回覆：「會認真檢討駕駛技術同心態」

陳嘉倩嘉倩BB現身回覆，有人轉軚畀番like，都有人唔收貨。 — 嘉倩BB現身回覆，有人轉軚畀番like，都有人唔收貨。

「𠝹波安全帶」騷quali

陳嘉倩因樣子清純甜美，兼形象專業討好，又識喺IG放相放片冧粉絲，被封宅男女神。陳嘉倩早前喺IG上載2張配帶「𠝹波安全帶」嘅相片騷quali，留言：「收工未呀？兜埋你丫」。相中陳嘉倩下身著咗條短裙仔，上身配上跌膊衫大騷香肩，十分誘人。吸引到「微辣」霍哥留言：「我幫你整返好條安全帶先」。原來當日正在拍攝ViuTV真人騷《學神出沒注意》。

陳嘉倩陳嘉倩之前喺IG上載配帶「𠝹波安全帶」相。 — 陳嘉倩之前喺IG上載配帶「𠝹波安全帶」相。

但網友嘅焦點落晒去佢條安全帶度，事關陳嘉倩配帶嘅「𠝹波安全帶」，成功將佢姣好身材表露無遺，不過可能安全帶太緊搞到個Bra出現「走位」情況，就連「微辣」霍哥都好有心速速提醒：「我幫你整返好條安全帶先。」之後陳嘉倩亦好識做，大讚霍哥做「細心霍」回禮。至於網友們喺佢IG都紛紛留言：「我要做條安全帶」、「好正，引死人咩」、「我第一次想做教車師傳」、「又要J」等等，陳嘉倩封得做宅男女神果然名不虛傳！

陳嘉倩陳嘉倩早前考車牌，成功1 take pass冇難度。 — 陳嘉倩早前考車牌，成功1 take pass冇難度。

陳嘉倩陳嘉倩配帶嘅「𠝹波安全帶」，成功將身材表露無遺，不過可能安全帶太緊，搞到個Bra出現「走位」情況。 — 陳嘉倩配帶嘅「𠝹波安全帶」，成功將身材表露無遺，不過可能安全帶太緊，搞到個Bra出現「走位」情況。

陳嘉倩黑面擺款恰新人

有報道指嘉倩BB日前拍攝新廣告，被自稱是死忠粉絲的工作人員爆料，指對現實中的女神大失所望，被她的港女舉動嚇親，更力數嘉倩BB黑面、蝦新人、阻路、臨場拒拍同趕收工5宗罪！爆料指陳嘉倩與新人黃以諾早前合作拍廣告，因黃以諾頻頻NG，等埋位的嘉倩BB即翹埋雙手，黑口黑面狂啤對方，表現極不耐煩！又指陳嘉倩補妝期間旁若無人，全程站在行人通道正中間，阻礙其餘兩位演員綵排。到正式埋位，陳嘉倩更當着男工作人員雙手扯Bra，與原本的女神形象有很大分別。

陳嘉倩陳嘉倩樣子甜美，深受網友愛戴，火速成為廣告界新寵兒。 — 陳嘉倩樣子甜美，深受網友愛戴，火速成為廣告界新寵兒。

陳嘉倩臨場拒拍趕收工

爆料人稱陳嘉倩為保女神形象，臨場拒拍一場關於受鼻鼾困擾的戲份，令工作人員大失預算，要重新編排故事及剪輯修改，更要即場修改劇本，搞到拍攝進度有所推遲，但嘉倩BB一於愛理不理，指定要準時收工，令廣告拍到甩皮甩骨，勞煩工作人員開OT補鑊。事後嘉倩BB接受訪問表示，拍攝當日大家合作好愉快，至於被數5宗罪只會一笑置之。