chillclub 花生位

Chill Club頒獎典禮2023 ︱7大熱話焦點 氣勢擊倒港台「十大中文金曲」

娛樂

廣告

《Chill Club頒獎典禮2023》今晚於亞博舉行,同樣接近年中才頒獎,與周六晚香港電台的「十大中文金曲」風格不大相同,今年Chill Club玩改賽制,消息一傳出就已經不獲網民睇好,今晚嘅直播過程甚受關注,雖然兩個頒獎禮都有「小圈子」的質疑,但ViuTV的頒獎禮似乎更具話題!

焦點 1|出席歌手人數「澎湃」

前一晚喺紅館舉行嘅《十大中文金曲》出席歌手少得可憐,原本有十位歌手得到「優秀流行歌手大獎」,但最後就只有Gin Lee 李幸倪、馮允謙、泳兒同王灝兒等4位歌手到場領獎,人氣王姜濤同Jer柳應廷則未有到場領獎,其他得獎歌手都紛紛缺席。雖然今晚《Chill Club頒獎典禮》都無張敬軒及鄭欣宜參與,但歌手陣容就同昨晚《十大中文金曲》相映成趣,大批「失蹤人口」成功上水,當中還包括本地樂隊以及海外歌手,各人仲要盛裝兼準時赴會,可見港台作為廣播界大佬,「江湖地位」𣎴保!

chillclub 花生位 Chill Club COLLAR今日7缺1上陣,Soching因病缺席。
COLLAR今日7缺1上陣,Soching因病缺席。(圖片來源:東方新地)
chillclub 花生位 Chill Club P1X3L組合都有出席今晚頒獎典禮。
P1X3L組合都有出席今晚頒獎典禮。(圖片來源:東方新地)

焦點 2|大批觀眾粉絲 節目開始前未能入場

今日出席《Chill Club 頒獎典禮 2023》嘅歌手人數眾多,地方偏遠,搞到觀眾都多到人山人海,大部分觀眾都排隊排到未能夠準時入場睇Show。大批鏡粉都趕唔切睇Ian陳卓賢打頭陣表演,十分肉緊,紛紛怒斥:「第一個應該艾粒唱吖嘛,睇唔到Ian喇!」

chillclub 花生位 Chill Club
節目開始,仍有不少樂迷在場外。(圖片來源:東方新地)
chillclub 花生位 Chill Club
(圖片來源:ViuTV截圖)
chillclub 花生位 有樂迷趕不及看Ian打頭陣唱歌。
有樂迷趕不及看Ian打頭陣唱歌。(圖片來源:網上截圖)

焦點 3|司儀臨急上馬唔失禮

雖然今年《Chill Club》 常設主持Thor駱振偉身在海外, 要臨陣換上沈殷怡、李昭南及黃奕晨等ViuTV藝人組成「chill club family」做主持,結果出來效果都唔尷尬,起碼做足功課!比起香港電台主持搞爛Gag、用歌手名開玩笑,似乎相對專業!

chillclub 花生位 有谷德昭打頭陣兼守尾門,「chill club family」出來效果不過不失,用Fans頒獎過程亦算清脆利落。
有谷德昭打頭陣兼守尾門,「chill club family」出來效果不過不失,用Fans頒獎過程亦算清脆利落。(圖片來源:東方新地)

焦點4|MC張天賦靠另類擊倒張敬軒?!

MC張天賦繼《十大中文金曲》成為大贏家之後,今次再次贏過泳兒、Serrini及張敬軒一班前輩,奪下「CHILL CLUB 年度另類歌曲獎」同「”Genre of The Year“ 大獎」兩大獎,同樣是 MC張天賦,今次不是靠《老派約會之必要》,非常威風!

chillclub 花生位 Chill Club
(圖片來源:東方新地)

焦點5︱ 跨地域合作 更見音樂視野

今年ViuTV繼續沿用「頒獎 /表演」分割的做法,給多更多機會歌手以不同形式表演,樂隊環節更有頒獎禮邀請了日本創作歌手秋山黃色自彈自唱《SKETCH》,秋山黃色唱功出色,即使排在MIRROR演出之後也能憑一人之力繼續震撼全場;緊接秋山黃色演出的,是台灣樂團「告五人」,他們唱出《好不容易》和《披星戴月的想你》,鼓手Solo表演令全場興奮。

chillclub 花生位 秋山黃色單人演出氣勢不輸MIRROR!
秋山黃色單人演出氣勢不輸MIRROR!(圖片來源:東方新地)
chillclub 花生位 27歲的秋山黃色高中一年級時創作了第一首歌,2018年出道,結他功力深厚。
27歲的秋山黃色高中一年級時創作了第一首歌,2018年出道,結他功力深厚。(圖片來源:東方新地)
chillclub 花生位 「告五人」2011年夏天成團於宜蘭,歌曲《披星戴月的想你》破千萬點擊。
「告五人」2011年夏天成團於宜蘭,歌曲《披星戴月的想你》破千萬點擊。(圖片來源:VIuTV)

焦點6 | 男女新人同樣惹爭議

今年ViuTV男、女新人獲獎者都惹網民熱議。首先男新人方面,雖然MIRROR成員Alton 王智德、Jeremy 李駿傑都齊齊入圍,但只有Jeremy 李駿傑獲獎,Alton就連人影都唔見。唔少網民都話鏡粉「冇團魂」,搞到Alton輸畀Phoebus。至於女新人方面,不少網民都戥Cloud唔抵,女團Lolly Talk 和 strayz雖然都有出新歌,但卻未獲派台,不少網民都鬧ViuTv「大細超」!

chillclub 花生位 Chill Club COLLAR獲得女新人金獎
COLLAR獲得女新人金獎(圖片來源:ViuTV截圖)

聽聽ERROR四子點評保錡奪「新人銀獎」感受:

焦點7 | 姜濤「愛的告白」公開示愛震撼兄弟

全晚高潮位就係頒發「年度男歌手」金銀銅獎,令人驚喜嘅係,姜濤逐一點評MIRROR眾兄弟,更公開向AnsonLo示愛:

chillclub 花生位 viutv anson 當姜濤得銀獎時,姜濤逐一多謝12位隊友發表「愛的宣言」。
當姜濤得銀獎時,姜濤逐一多謝12位隊友發表「愛的宣言」。(圖片來源:ViuTV截圖 )

姜濤深情示愛

「年度男歌手」金銀銅獎最後花落誰家,分別係Anson Lo、姜濤及Ian奪得。MIRROR團內成員爭歌王,花生一定多!其中鬥得最激烈的當然係Anson Lo盧瀚霆、姜濤。當姜濤得銀獎時,姜濤逐一多謝每位隊友並發表「愛的宣言」:

致Lokman:我記得頭幾年我哋有好多好多嘅內部有好多問題,睇《調教你MIRROR》會知道,但係我知道經過《調教你MIRROR》,你有努力成為一個好嘅隊長。我好Respect你,多謝!

致Tiger:雖然《調教你MIRROR》話同你講會有每日 50 句,但都係一句都冇,但係你好有 talent,喺電影方面、唱歌方面其實你都有你嘅talent,所以繼續加油!

致Jeremy:你係我最surprise嘅一個人,老實講我喺《全民造星》並無太多留意你,但係我想講,講真,你係我覺得喺我哋咁多成員之中,真係進步最多嘅一位。

致Alton:我每一次搵你都係傾啲無聊嘢,但係我知道你一直好渴求有表現自己嘅機會,我相信你總有一日一定會做到

致Frankie:其實我同 Tiger 起碼有一句,但係我同你一句都冇哈哈,但係我知道你仲好努力搵緊自己嘅目標,我相信你比《調教你MIRROR》更加清楚自己嘅目標。

致Anson Kong:雖然脾氣都係照舊啦,但係我知道你好努力她努力成為我地副隊長,所以好尊重

致Ian:I love you,我 proud of 你值得擁有嘅一切,你攞獎我好開心

致Stanley:我知道你好想成為一個演員,我知道你對演戲嘅熱誠,比起在場每一位都更加更加多,所以你一定會成為一個好演員

致Jer:我知你好想做到自己嘅音樂路,我知道你一直以來對於自己音樂好有堅持,繼續堅持落去

致Edan:你實在係一個非常非常全盤努力既人,我只可以講,MIRROR 入面我第二佩服你(台下Edan向鏡頭示意,畀足反應)

致Anson Lo:第一個,Anson Lo!我知道外界成日都會將我哋攞來去比較,我知道我哋好多支持者,有時會因為我哋有好多嘅爭拗,但係我想講我從來無理呢啲嘢,我想講我真心地喺《全民造星》第一日開始,我哋經歷過好多好多誤會,但係我永遠都係最信你,你知嘅,所以 I love you!

chillclub 花生位 viutv anson 姜濤呢段話好有愛呀!
姜濤呢段話好有愛呀!(圖片來源:ViuTV截圖 )

Edan 搞笑回應:「收到『姜老師』嘅訊息」

MIRROR於頒奬典禮後受訪,一班兄弟回應姜濤評論,大家表示事前唔知,Edan搞笑表示「知道自己排第二梗係開心,大家估唔到佢會咁講,收到姜老師嘅訊息」,Frankie就話最近拍《12怪盜》多咗傾偈;最後輪到Anson Lo ,佢表示未試過公開收到咁肉麻嘅「示愛」,即席回應姜濤「Love You Too, Man! 」

姜濤爆身邊好友叫佢唔好再講要做「乜乜第一」

而姜濤就表示感恩:「今年發生咁多事情,有獎我真係諗唔到」,提到今年自己抱著重新開始的心態,被問到如何構思台上感言,佢就話笑言身邊好友勸他得獎感言不要太高調,自嘲說「佢哋叫我唔好再講『咩咩第一』,你都搞到咁喇」,他解釋自己於節目期間坐在最後排,眼前就是這11位兄弟,所以忽發奇想構想了這一大段「告白」。

chillclub 花生位
(圖片來源:東方新地)

chillclub 花生位 Edan搞笑表示「知道自己排第二梗係開心,大家估唔到佢會咁講,收到姜老師嘅訊息」
Edan搞笑表示「知道自己排第二梗係開心,大家估唔到佢會咁講,收到姜老師嘅訊息」(圖片來源:東方新地)
chillclub 花生位 姜濤表示身邊好友勸他得獎感言不要再說「亞洲第一」等豪言壯語,自嘲說「自己都搞成咁咯」,提到自己於節目期間坐在後排,眼前就是11位兄弟,於是構想了這一大段「告白」。
姜濤表示身邊好友勸他得獎感言不要再說「乜乜洲第一」等豪言壯語,自嘲說「自己都搞成咁咯」,提到自己於節目期間坐在後排,眼前就是11位兄弟,於是構想了這一大段「告白」。(圖片來源:東方新地)

Chill Club頒獎典禮2023姜濤公開示愛?

「年度男歌手」金銀銅獎最後花落誰家,分別係Anson Lo、姜濤及Ian奪得。MIRROR團內成員爭歌王,花生一定多!其中鬥得最激烈的當然係Anson Lo盧瀚霆、姜濤。當姜濤得銀獎時…詳情請看

Chill Club頒獎典禮2023 男女新人為何惹爭議?

今年ViuTV男、女新人獲獎者都惹網民熱議。首先男新人方面,雖然MIRROR成員Alton 王智德、Jeremy 李駿傑都齊齊入圍,但…詳情請看

圖片來源:ViuTV截圖、東方新地資料或影片來源:原文刊於東方新地