花姐傳辭職退下火線 親自回應新動向 IG動態放金句疑惹揣測
猛人空降管理層 花姐：「我仍然喺呢個team裏面」
對於花姐去留各有不同聲音，更有網民擔心花姐做到意興闌珊，忍痛拋低鏡仔。花姐接受傳媒稱，可能大家見AM team（編按：藝人管理 ArtistManagement）有新面孔而有此傳聞，我們希望MIRROR、 ERROR有更大發展，所以公司expand AM team，花姐肯定地說：「我仍然喺呢個team裏面。」據知花姐會專注製作方面，包括明年一月亞博舉行的MIRROR演唱會。
花姐指的AM Team新面孔，據了解係兩名分別曾任職華納、大國文化、Redline Music等資深唱片公司界的「大前輩」，有如此資深的猛人加入MIRROR幕後團隊，似乎勢必與花姐平起平助，難怪傳出「辭職」、「削權」等傳言。
花姐被傳辭職｜限時動態發表金句透露心聲
其實於今年7月初，幾乎已一年沒更新個人IG的花姐，卻突然以IG限時動態發文寫：「Look forward with hope, not backwards with regret.（帶著希望向前看，而不是帶著遺憾向後看）」當時不少人猜測她是為MIRROR演唱會意外一年有感而發，但也有傳其實她當日向公司「遞信」提出辭職。
花姐淚崩親揭退出《造星》監製一職原因
在去年7月MIRROR紅館發生意外，花姐亦轉低調，擔任前四屆《全民造星》監製的她今屆退出監製一職，轉做總顧問。花姐在節目中哽咽解釋自己辭任監製的原因：「呢個節目已經對我冇意義。我想話《造星I》，對我人生好大轉變，因為擔任首輯節目監製，所以我覺得自己好投入喺節目入面，我覺得節目好好睇。跟住創造咗MIRROR同ERROR。去到《造星II》開始，因為我轉咗身分，可能嗰刻所做嘅都係為咗MIRROR，去到《造星III》，我心諗我做緊乜嘢，我係為咗乜嘢？《造星IV》係為咗COLLAR？但其實我又唔係真係好投入。」
花姐呼籲魯生加人工：「我真係一個好出色嘅監製！」
對於今輯《造星》比不上過往幾季，訪問中花姐承認今季不及上幾季好，更講笑說「魯生應該加我人工」因為自己係一個好好嘅監製，不過被記者問到下年會否重掌監製一職，花姐就話「傻豬嚟嘅我都五十幾歲啦」，表示做咗四屆都已足夠，又強調自己身份尷尬，自己作為經理人個心都在MIRROR和ERROR身上 ，難以評價新人。
花姐曾力撐Nathan：應該支持有Potential嘅，而唔係加腳去踩佢
花姐接受傳媒訪問時問到Nathan突然退賽一事，「我真係唔知，我唔係負責簽佢個個。」不過花姐也想在這件事情作出一些回應，她說：「我覺得呢件事係Nathan自己嘅事，究竟件事係點我哋都唔知道全部，但係我好希望大家，你哋好（傳媒）、觀眾好、網民好，都畀一個空間佢。」
花姐在訪問中繼續力撐Nathan，「我覺得佢依家嘅壓力係大家想像唔到依家面對嘅壓力有幾大，我哋係呢行嘅，應該支持有Potential嘅，而唔係加腳去踩佢。」
當Nathan係朋友 但話唔太熟
花姐表示以朋友立場身份是支持Nathan的，「我雖然唔係同佢好熟，但我好想打電話支持佢。但我唔方便問佢私人嘢咁多，隨時打畀我。如果佢唔講我唔會主動問，始終係人哋私事。同埋我覺得佢會講自然會講，我諗佢依家心情唔係我哋想像到。」
最後花姐認為Nathan退賽是一個可惜的決定：「我覺得可惜嘅，但係都可能應該要咁做。」
https://www.youtube.com/watch?v=5p27UtrRV-g
