姜濤23歲生日｜曾自爆欲30歲退出幕前最大原因 欲買樓公開理想生活

姜濤4月30生日 當日全港免費搭電車！姜糖落重本應援慶生 大型商場慈善限定店設多個打卡位

姜濤自爆入行後變咗好多：呢行其他嘢唔適合我

姜濤透過ViuTV選秀節目《全民造星》入行，投身演藝圈接近四年時間。被主持問到入行前後的最大分別，他就笑言人總會長大：「其實人喺呢個世界嘅時間愈長，思想愈嚟愈成熟，思想同以前比較都爭幾遠。可能呢幾年好快地發生咗好多嘢，成個人反而係Deep咗好多。啱啱入行嘅時候天真好多，天真呢方面依家少咗好多，我諗呢方面改變最大。」

被問到對加入娛樂圈的感覺，他表示不一定可以長待在娛樂圈一世：「對於真正熱愛表演嘅人嚟講，呢一行係每個人都想入嘅門檻，但我自己覺得我並唔適合太長時間留喺呢一行，我未必會喺呢一行留得好耐，呢個係我一直以嚟都有同大家講嘅一件事。唔知呢，可能除咗上舞台之外，呢一行嘅其他嘢唔係好適合我。」

一直以來，姜濤都將「退休」兩字掛在嘴邊，他坦言自己確實有這個想法︰「係呀，係真！我想將我最想留下來嘅表演，喺自己最好嘅時光留下，之後就過番啲安靜生活，可能因為呢一行太唔安靜。」他坦言初入行時只是為了夢想，但一直都有不太適合自己的直覺︰「身邊嘅人都話，入行愈耐愈放唔低，但我反而入行愈耐愈想放低。」

盼30歲前退休 目標成為發哥

其實姜濤早前接受美國華語節目《偶像名人堂》訪問時，講過曾媽媽確認於30歲前儲到錢買兩層樓，一層住，一層收租，屆時會考慮移民到外國退休，非常有計劃。今次訪問，他表示自己的理想目標就是可以過著影帝周潤發的平凡生活，能夠在工作與生活之間取得平衡，又可以繼續演藝工作。他更揚言有考慮30歲後轉做演員或幕後：「我好鍾意其中一個明星嘅生活，就係周潤發，因為覺得佢好好呀，住喺山上面，得閒落嚟拍吓戲，我諗嗰個係我理想嘅生活狀態啩，可能我過咗30歲之後應該會轉行做演員，或者幕後都唔定。可能演員係個人經歷得多啲，對做演員有更加大幫助。」

成為年輕人榜樣嘆實力未夠望與偶像合作

姜濤孝順父母的形象深入民心，他希望自己可以成為年輕人的榜樣：「我都會同父母嘈交，可能我嘈交時都會講一啲好難聽嘅說話。我覺得每個人長大都會孝順父母，係好基本嘅事。作為明星，可能有時被人放大咗，指佢好孝順，將好多美好嘅標籤貼喺我哋身上，我覺得我哋只係做咗一個仔應該做嘅事。」

他是「姜糖」的偶像，而他的偶像就是台灣藝人小豬羅志祥，更將自己的社交平台帳戶名稱改為「keung_show」。他在訪問中被問到除了羅志祥之外，還有其他華裔歌手想要合作，他就謙虛地回應：「其實有好多，我口氣好似好大，希望有機會合作或者見到佢哋，例如林俊傑、蔡依林、周杰倫，呢啲上咗神壇嘅歌手，我覺得自己嘅實力都未夠。」更表示他們都是自己兒時的偶像，希望可以跟他們有接觸。

讀書時曾因身形被欺負 不介意再變胖

因小時侯身形龐大而遭到同輩欺負，被問到如果因演戲時需要飾演醜角或身形龐大角色，姜濤笑言：「我一定好容易脹番，我就OK，但我公司就未必接受到，因為要好長時間先可以減番；但如果做醜角，我覺得無乜所謂，以前包袱比較重，但依家對演戲了解多咗，演戲係另一個專業，你要做到嗰個角色，都無話唔得嘅。」他說自己比起以前對演戲有興趣，更表示未來有退休後，可能都會將演員作為終身職業。

延伸閱讀：姜濤晒中學脹爆相自嘲 曾被媽媽點評唱功、姜爸處事低調 意外曝光家中內貌

講未來動向 「第10胎」即將誕生

本來姜濤忙於拍攝ViuTV劇集《季前賽》，因疫情關係而暫停拍攝。眾所周知姜濤非常熱愛打籃球，劇集中可令他寓工作於娛樂，所以他指該劇是他拍過最喜歡的作品。談及到MIRROR演唱會，他表示正積極準備中，希望在疫情緩和後可以順行舉行，相信令一眾「鏡粉」非常期待。最後再被問到「第10胎」，他指「第10胎」已經有走入直路的想法，只是現在想表達的內容還是很多，比較混亂。至於推出時否順道推出個人大碟？他表示相信每個歌手都會以推出個人大碟為目標，自己亦會努力加油。

年頭他推出的「第9胎」《鏡中鏡》曲風別於主流音樂，他指作品主要想說出自己的故事，MV中更暗示最大的敵人正是自己。