張明偉被TVB雪藏離開《愛回家》影響收入 2個理由拒靠屋企 32歲高才生家底勁 有3料爸爸

張明偉被TVB雪藏同首歌有關？

有傳張明偉去年八月在元朗信義中學門外唱《銀河修理員》令TVb不滿，故一直「雪藏」他，但今年四月他才會跟公司完約。他在節目中表示雖然無法證實，但估計「雪藏」原因很大機會跟首歌有關，因為時間好吻合。他沒有後悔唱：「做咗就無後悔，我都係唱一首情歌啫！我支持記過嘅學生，係因為佢哋提出一個問題，大家係咪可以考慮吓，首歌係咪真係有問題呢…好多人為咗呢件事而標籤我，但我無任何表態喎，我係從一個教育角度睇呢件事，唔係大家所諗到咁政治咁敏感。」

影響收入拒靠屋企 感激家人明白

張明偉坦言被TVB「雪藏」令現時收入大受影響，財政上比較緊拙。但他強調即使不夠錢用，都不會要求家人經濟支援，一來他覺得爸爸好厲害，不想令爸爸失望：「唔可以衰畀佢睇！我仲同屋企人住，已經係最大嘅支持，好開心阿媽未踢我走，我有畀家用，但近排手緊，阿媽都明白。」；二來他覺得自己還年輕，有很多事可以做，養活自己，例如「秘撈」寫歌、揸Uber，亦做過兼職賣衫:「年輕力壯，做乜都得，只係接唔接受到自己做呢啲嘢。好多地方嘅大明星，初初都係咁，做任何工種去支持自己夢想，都好正常啫！」

他指自己有四兄弟姊妹，姐姐、妹妹已經結婚，搬了出去，令他很感觸：「屋企愈嚟愈少人，上年年底我去美國登台，咁啱我隻狗有病，身體急轉直下，我返嚟嗰日搭飛機，佢就走咗，返到嚟仲要隔離三個禮拜先返到屋企，第一次感受到，屋企得番我一個…」

系出名門 爸爸媽媽背景顯赫

張明偉曾在個人社交平台分享和張爸爸合照，在馬場笑得開懷。他爸爸張永森絕不簡單，是本地著名律師，前立法會議員，1993年獲委任為太平紳士，2016年獲頒授銅紫荊星章。除了爸爸以外，哥哥也是律師，而媽媽則是老師，曾任職教育署（前身教育局），可謂系出名門。

到美國留學考入UCLA 為追夢回流香港

張明偉是長沙灣天主教英文中學校友，考完會考後便到美國升學，後來成功考入全美國大學申請人數最多，競爭最激烈的公立大學之一的University of California, Los Angeles（UCLA）。畢業後，他回流香港然後加入TVB。起初他在《今日VIP》、《港生活．港享受 》擔任PA。直至2011年，他加入TVB第25期藝員訓練班，轉做幕前，一直獲分派閒角。直至2018年，他獲安排於處境劇《愛回家之開心速遞》飾演George，可惜去年被公司雪藏。

張明偉中學、中學介紹：張明偉是高材生畢業美國名牌大學 律師爸爸獲銅紫荊星章 靠1招教出內心強大好兒子