港婦哭訴商場美妝店呃6萬經過 苦主洗版揭手法:媽媽被呃30萬 千祈唔好拎1樣嘢
最新：港婦被美妝黑店呃6萬成市民景點 3間分店突落閘停業 門外告示惹關注 女士門前大罵
港婦哭訴被呃6萬經過 揭美妝店無良高壓銷售手法
中年婦人譚女士向熱心港男憶述，女店員先讚她的衣服很漂亮，再問她「可唔可以同你影張相」，並提供美容品試用裝為由邀請她進店。她入內後遭3至4名職員包圍推銷，期間有人直接在她臉上塗上美容產品，其後更取走信用卡付款，並追問是否持有其他信用卡，
「我本身都唔知入面賣啲咩，一入去就Sell我嘢，又喺我面度搽嘢，3、4個人嚟 Sell 我，Sell 到我頭都暈晒，仲拎埋我啲卡，又問我有冇第二張卡，話張卡冇錢，其實係有錢，想呃我拎第二張卡。」
譚女士哭訴，貨品費約4萬多港元，連同2萬多港元利息，總額約6萬港元；她使用產品後出現過敏並求醫，但店方拒絕退款及取消訂單，「搽咗佢哋嘢，對眼紅晒、腫晒，睇晒醫生，佢哋都唔肯退返俾我，呃咗我4萬幾，2萬幾利息，佢哋唔肯取消張單。」她向港男哭訴「我每個月搵1萬6、7，我點還呀？」
香港海關籲停用1款人氣知名面霜 品牌發聲明惹關注 網民：好驚！用咗咁耐 附產品資料
警方接報指無刑事成份
警方確認接獲一名58歲譚姓女子報案，指她於7月20日在新城市廣場三期一間店舖以約6萬港元購買貨品，其後認為營銷方式存在問題，因此報警求助。警方經了解後表示，事件「不涉及刑事成份」。這項回應意味爭議未有循刑事案件方向處理，譚女士提出退款及取消交易要求亦未見出現突破。
美妝黑店成市民景點 3間分店突落閘停業 門外告示惹關注 女士門前大罵
苦主網民洗版揭多區同類遭遇：媽媽被呃30萬
影片曝光後，不少網民分享在其他商場遇上相似推銷手法，有人稱職員先派試用裝Sample，再要求顧客入店試產品，「呢啲呃人嘅公司開到全香港咁多分店，專搵師奶阿婆呃佢錢Sell佢幾萬至10幾萬護膚品。」、「上次話免費派sample，隊過嚟我隻手嗰度，我拎完即刻走，佢跟住追返我拎返份sample！千祈唔好入去，唔好幫襯，而家周圍都開咗，坐底碌你幾萬，黃埔都有一間，有人話俾佢碌咗10幾萬。」、「今日我係海港城都賴左嘢，佢俾左包試用裝我試，跟住入去俾佢昆左買左支搓皮膏接近1000，跟住送左一個美容療程俾我。第二日我就去參加呢個療程，昆我1萬蚊買10個美容療程，我做完facial借尿遁走左去。見d facial平時做都要大概400左右，買樽嘢，應該都值幾百蚊，粗略估計被騙大約500-700港幣，睇度呢單新聞，當買左一個教訓。」有男士分享中伏經過：「原來咁多人都知，我都中咗伏唔見4萬，先sell護膚療程3萬，跟住佢話部機本來6萬幾，我心諗睬你都傻，點之佢幾個人夾埋唔肯放我走，最後放底1萬走人」，更有子女無奈表示母親被騙30萬：
「我媽媽都俾佢呃咗300,000萬，已經報咗東將但冇人回覆我」
此外，有不貪心的網民也不幸中伏，「唔貪心都有機會中招。舊年行過佢元朗分店，個sales 係勁熱情問我個袋邊度買，我話趕時間，但可以俾佢睇個牌子佢自己上網訂。跟住個sales 又話俾sample 我試，捉住我隻手吱d hand cream 落黎，我話唔駛喇，我趕時間，佢係咁話好快好快，最後搞到我要黑晒面話你再唔俾我走我就會發脾氣，我趕時間！！佢先俾我走。我都係噚日睇到沙田單野先知，原來上年佢想笠我。好彩我格言係“免費才是最貴” 從來唔貪呢d野。」
女店員對話極譁然：劏你唔到，自然有人俾我地劏啦
此外，一位網民分享在8月13日經過美容店被派發美容試用裝的經歷，女店員對話令人非常震驚：
「我今日經過Sogo對面條街，早已聽聞朋友講呃人錢，門口間中會有男性外國人派sample。因為有朋友家人都中過招。今日有女sales 門口派sample ，遞過嚟我咪照囉，熱屎辣辣我無停低聽佢廢up，因為我都趕時間，點知條女追上嚟問我囉返，我眼都凸咗 ，話：下。。。。你唔係派俾人既咩？要囉返架？點知條女話要入去試產品先有sample 送。
我話：咁你唔好遞俾我丫嘛，俾左人又要追人囉返咁難睇既，唔係諗住1包sample仔就想劏人10幾萬丫？
點知條女話：劏你唔到者，自然有人俾我地劏啦。 一手搶返個sample就轉身走！（仲要咁明目張膽講出口我真係第一次見）
我補左句，咁樣呃人錢其實你打呢份工有無覺得羞恥？」
香港海關籲停用1款人氣知名面霜 品牌發聲明惹關注 網民：好驚！用咗咁耐 附產品資料
前員工爆料返工幾日已見盡內幕：即刻辭職
爭議其後出現一名聲稱自己是前兼職員工的網民留言爆料，她透露當初因時薪高入職，兼職同事也需要參與「跑數 」（追營業額），門市職員需要主動接觸50歲以上女性並帶她們入店，自己短短工作數天已見過顧客家屬到場要求退款，現場更一度報警。該名前員工又稱，門市曾在凌晨遭人淋紅油，職員開門前需要集體清理，令其擔心工作期間受牽連，最終迅速辭職：
「我曾經唔知呢啲公司係咁，貪佢時薪夠高，有翻過幾日P.T，P.T都要一樣幫手跑數，個陣日日好似碌木棟係門口（會畀經理&啲吖差屌，要我主動撩啲Over 50歲嘅女性，氹佢地入鋪頭）翻幾日P.T已經畀我見識有個女帶住佢媽咪落鋪嘈要退款，話呃錢，嘈到報哂警，差啲要開拖個隻，個依然都係企硬唔退款。亦都見識過門都未開，成班一齊係到抹門口紅油（凌晨時段畀人淋紅油）。我就即刻驚咗，勁驚翻翻下工畀人兜頭紅油淋落嚟，即刻Resign話唔做。 」
美妝黑店市民景點 3間分店突落閘停業 門外告示惹關注 女士門前大罵
