陳智燊6點批評英國物價太高 移英KOL斥斷章取義數五大問題指誤導港人

原文刊於：GOtrip

陳智燊批評英國物價太高

陳智燊近日在個人YouTube channel「SARAH & JASON」上載了一條關於英國倫敦日常使費影片，向觀眾傳授在倫敦生活的「慳錢之道」。片中陳智燊力批倫敦使費過於高昂，更在影片標題寫上「揸車入油貴、搭地鐵貴、坐巴士貴、酒店又貴、食嘢又貴，洗費乜都貴」，令不少觀眾都驚訝倫敦使費之高昂。

1.揸車貴

陳智燊在商場內的停車場泊車，一小時索價9英鎊（約港幣83元），最後他停泊約三小時要支付27英鎊（約港幣250元），另外還要加上15英鎊（約港幣139元）入城費，總數花了42英鎊（約港幣389元）。

2.搭地鐵貴

陳智燊又試過不揸車，改坐地鐵，由豪恩斯洛西站到白城，單程票價為6.3鎊（約港幣58元）。

3.食嘢又貴

陳智燊走入快餐店，發現一個漢堡單買索價8.7英鎊（約港幣80元）。

4.酒店又貴

陳智燊入住當地2星級酒店，每晚房價55鎊（約港幣510元），不過他投訴洗手間內垃圾桶很殘舊，忍不住對比於香港的生活：「其實我每朝坐喺馬桶上面嘅時候都會諗，我哋香港好幸福，啲嘢好靚、好有效率，尤其是望住呢個垃圾桶嘅時候，咁殘舊，就連香港嘅兩星級，就算一星級或者無星嘅酒店都唔應該有。」

移英KOL斥斷章取義數五大問題指誤導港人

影片發佈後兩日，已移民英國的Blogger「喬納森在英國日常 Jonathan in UK」在自家Facebook page發文力批陳智燊影片斷章取義、以偏蓋全，「誤導咗好多香港人」！Jonathan劈頭就批評到：「陳生喺英國土生土長，竟然可以咁斷章取義，軟性唱衰英國，背後動機令人質疑。」

問題1. 買已切好生果金卻嫌貴 其實普通生果極平

他先指上次陳智燊所指攝的「力數倫敦希斯路機場3大罪」影片已令他大反白眼「真心想問佢，有無諗過放棄英國護照先？」，而上一條影片「倫敦1：衣食住行大解構」中陳智燊更走到英國M&S買已預先切好的生果，然後嫌英國的生果價格高昂。Jonathan以自己作為例子：「真係想同佢講，我尋日先買完兩盒400 g士多啤梨，盛惠3鎊（約港幣29元）。」

問題2. 食單個漢堡包卻嫌貴 其實套餐更平

而陳智燊在拍攝影片時到了當地一間Burger King用餐，在片中陳智燊指買了一個漢堡包竟要價8.7鎊（約港幣82.24元）。本編輯部翻查英國Burger King官方網站，陳智燊當時所買的單個Whopper（華堡）只需4.99鎊（約港幣47.17元），有誇大失實之嫌。而Jonathan亦指陳智燊「去Burger King 有套餐唔嗌，走去單買Burger，又喺度話貴。」

問題3. 警告人凌晨勿去海德公園陰暗位 其實世界各地都一樣

而他在指控3中就提到陳智燊上一條影片「倫敦1：衣食住行大解構」中，曾提及過倫敦的海德公園凌晨治安雖然還可以接受，但就警告觀眾凌晨時分不要到海德公陰喑無街燈照到的地方。但Jonathan就反駁到：「幾咁廢話，喺香港你都唔會夜麻麻走去九龍公園、維園啲陰暗角落啦。」

問題4. 買單程飛嫌貴 其實用Oyster card / 信用卡仲平

陳智燊在影片中乘搭Underground（倫敦地鐵）由Zone 5的Hounslow West到Zone 2的White City，單程票價為6.3鎊（約港幣59.4元），直呼交通費過貴。但Jonathan就反問到：「搭Tube單程話貴，知唔知每日有cap（價格上限）？」在倫敦地鐵搭車，只要有價格上限，出出入入多次車費就會變相抵好多。

而Underground公司為了鼓勵乘客使用Oyster card / 非接觸式信用卡，便故意將每次用現金購買的單程車票的價格訂得很高，使用Oyster / 信用卡比購買單程車票一般可以便宜一半或以上。倫敦旅遊資訊網站LondonToolkits 2022年的資料顯示，以Zone 1到Zone 6為例，購買成人單程票要價6鎊（約港幣56.6元） ，但使用Oyster card / 非接觸式信用卡的價格只需3鎊（約港幣28.3元）。

但在另一個鏡頭可以見到，陳智燊最後並沒有使用單程飛乘搭，而是使用了非接觸式信用卡，所以價錢並沒有他在影片上提及到的昂貴。

問題5. 明明酒店質素已很高 卻要雞蛋挑骨頭

陳智燊到達倫敦後入住了當地一間2星級酒店，並指該酒店每晚要價55鎊（約港幣518.3元） ，但就十分嫌棄洗手間內的垃圾桶非常破爛，令他十分失望。有觀眾就在影片下方回應到：「你講嘢有無離地啲？香港兩星甚至無星的酒店，間房細到呀媽都唔認得，而且窗都唔敢開，通常在後巷。邊有英國依間咁大？目測已有200呎，你仲想點？」

以於Hotels.com中隨機抽查本港價格相近的2星級酒店為例，可見香港的2星級酒店的面積，明顯比陳智燊在倫敦入住的酒店狹窄得多。

而陳智燊在影片中以5星級、倫敦Ritz Hotel為例，表示要入住一晚The Ritz London要價900鎊（約港幣8,481.3元）一晚，指出當地的住宿十分昂貴。但Jonathan就批評到：「堂堂明星走去住Travel lodge唔係問題，但借題發揮話London酒店昂貴，5星級Ritz Hotel要900鎊一晚就好好笑。我六月份住London Double Tree (Hilton 旗下）90鎊一晚，Birmingham嘅Hyatt都係100鎊一晚左右。係要搵最貴嘅去比較，然後話英國所有嘢都好貴，好貴，好貴！」

網民質疑：於英國出生及長大明知真實物價！

Jonathan的發文引起大批網民熱議，不少人都指出作為擁有英國國籍、於英國出生及長大的陳智燊一定知道當地的真實物價，只是「無嘢搵嘢嚟講」：「任何地方都有平有貴，如果有人話去中環生活貴，就話香港物價高，我會話佢唔熟悉香港」、「介紹倫敦就好似介紹香港嘅中環咁，地段貴啲嘢自然都貴啲㗎啦，山頂同海洋公園嘅麥記餐都貴出面10幾蚊啦！ 咁樣介紹根本係誤導！」

而且陳智燊在影片簡介上寫上「無咁誇張，但係倫敦係貴嘅」，會令只看影片沒有看簡介的觀眾誤以為倫敦物價就如影片上呈現的天價。

亦有人指陳智燊英國的影片錯漏百出、斷章取義，呼籲網民到YouTube檢舉影片。亦有網民認為陳智燊如此嫌棄英國，就建議他可以介紹大灣區的美好：「做人勿忘本！不過既然你覺得倫敦咁差，不如拍返一集講大灣區啦！」

陳智燊（Jason）原片：