蕭正楠

蕭正楠細數初入行辛酸 講錯嘢拖累事業 爆翠如有3事不懂自理 人生喊過2次全因佢

熱話

廣告

蕭正楠 於TVB清談節目《人夫放假約出去滾》做嘉賓,接受主持Bob林盛斌的提問,細談身為人夫之後的轉變和感受,傾訴男人心聲。節目中,他除了分享入行的心路歷程,講會公開他與同為圈內人的老婆黃翠如婚前婚後生活點滴。

蕭正楠
(圖片來源:ig@edwinsiu)
蕭正楠
(圖片來源:ig@edwinsiu)

蕭正楠爸爸患病家貧 為養家一星期返足七日工

蕭正楠十分獨立,因為家庭經濟困難,爸爸是長期病患者,所以他小學開始就會找臨時工,養活自己、減輕父母的壓力,到中學時,他已經會給予父母少許家用。他一直以來腳踏實地去賺錢,任職過不少工作如客服中心、擔任廣告的小模特兒。他最高峰時期是整個星期一至日都有工作,努力工作賺錢,希望令父母安心,

傳講錯一句被封殺

蕭正楠於00年代入行,成為歌手出道。最初一兩年,他忙於表演,錄音等工作,其後因為公開說了一句「邪不能勝正」,被指影射競爭對手麥浚龍,有傳惹怒麥父,封殺他,故他就轉移內地發展。

可惜,當年他沒有拍攝的機會,星途陷入谷底。之後他回到香港,有幸獲安排在《戀愛自由式》擔正做男主角,其後他憑電影《六樓後座》榮獲第23屆香港電影金像獎提名「最佳新演員」,從歌手慢慢轉型成演員。之後他再次到內地發展。

蕭正楠 翠如曾亮出初出道時edwin的yes card
翠如曾亮出初出道時edwin的yes card(圖片來源:ig@wongtsuiyu)

牛魔蕭母為他戒食牛肉

身為牛魔的蕭媽媽為了勸服蕭正楠回港工作,表示只要他可以回到自己身邊,願意永遠戒食牛肉,令他深受感動: 「我媽咪肯戒食牛肉,換我返香港做嘢,我真係好感動,我願意為咗佢返香港重新嚟過,我返到香港之後咩工都會試,例如做介紹樓宇嘅工作,節目主持人,有咩做就接,唔會揀job。」

被問到在娛樂圈有沒有對自己定位,他回應: 「其實無,我淨係想大家慢慢透過作品認識到我,以前啱啱就係覺得做就得,唔會去解釋,身邊嘅人對我有誤會,覺得我份人好串,今次返嚟之後,我都願意同人溝通合作,避免產生隔閡。」林盛斌表示,自己所認識的蕭正楠是一個樂天、正能量,以及十分照顧別人的人。

直言無想過追黃翠如

蕭正楠與黃翠如的感情很好,羡煞旁人,被問到對黃翠如的第一印象,他神回覆:「其實佢份人真係好粗魯,好多大頭蝦嘅嘢會發生喺佢身上,我同佢合作開頭,係完全無諗過追佢,淨係覺得佢個人心地好好,同事有咩問題都會主動去關心,安慰其他人。喺娛樂圈好難遇到無機心嘅人,慢慢被佢吸引咗,留意佢多咗,到之後發覺部戲就做完會見唔到佢,先察覺自己好似鍾意咗佢」。

身為蕭正楠同黃翠如好友的林盛斌亦直言: 「黃翠如唔係蕭正楠理想情人嘅標準,完全唔同類型。」蕭正楠語出驚人: 「翠如根本係一個男仔,完全唔識打扮同照顧自己,煮餐飯都可以切親手指,煲個飯都可以辣親自己,又會成日發生蝦碌嘅嘢,食咗啲過期變壞嘅嘢都唔知,真係令我好擔心佢,好想照顧佢。」

蕭正楠
(圖片來源:ig@wongtsuiyu)

自爆首次求婚失敗 兩次喊都是因為黃翠如

另外林盛斌亦問蕭正楠: 「當初你直接喺頒獎禮上公開黃翠如係蕭太嘅身份真係令人好難忘,我哋都想知道你點求婚喎。」

蕭正楠
(圖片來源:tvb《萬千星輝頒獎典禮2018》截圖)

他表示: 「我係喺英國同佢求婚㗎,但係第一次係喺翠如不知情下失敗左,因為我本身諗住喺樂園玩過山車衝落去個吓同佢求婚,點知佢太緊張無理過我就衰咗第一次。咁過咗幾日,我哋經過一座好莊嚴嘅教堂,我覺得係時候,係呢個感覺,就咁舉高咗隻戒指同佢求婚,完全無講過其他嘢,個下真係好緊張,個腦一片空白,準備咗好多嘢同佢講都諗唔到,淨係講到幾句説話,好彩最後佢都應承咗我咋,最後我都補左封信講畀佢知嘅。」他揚言自己是一個不感性的人,但是人生兩次喊都是關於翠如,一次是求婚,另一次是在紐西蘭同她結婚的時候。

蕭正楠 2人上載到社交平台關於求婚的經過
(圖片來源:ig@wongtsuiyu)
蕭正楠
(圖片來源:ig@wongtsuiyu)

黃翠如不懂自理 為她護航:唔係完全傻

蕭正楠與黃翠如的生活點滴,都會分享在網上平台,字裡行間都透露充滿愛,甜蜜的感覺。正如他分享他早前去竹篙灣隔離營時,很擔心翠如不能照顧自己,所以隔離9日前,他亦準備9日的食物給她 : 「其實咁耐以來佢都進步咗好多,逐漸可以照顧自己,我去完隔離後佢煮咗餐宵夜俾我,係好感動,但係啲食物味道係可以發出酸臭味,黃翠如原來係用9日前隔離準備嘅肉,煮番畀我食。」

林盛斌聽後開始懷疑黃翠如的智商,他替翠如反映: 「佢依家都學識接衫洗碗,唔係完全係傻。」場面一度失控,發放不少笑彈。

蕭正楠
(圖片來源:ig@wongtsuiyu)

早前蕭正楠北上搵銀遇上疫情,黃翠如更到上海搵老公,在網上上載二人合照,留言:「走了一個大圈,找回我的電池。」表示老公就是她最好的心靈良藥。她也不時出post分享與對方「遊山玩水」的點滴,可見他們無論在何時何地發生甚麼事,有心都可以維繫感情,令網民覺得他們真稱得上「遇到對的人」。

蕭正楠
(圖片來源:ig@wongtsuiyu)

蕭正楠曾講錯甚麼拖累事業?

蕭正楠於00年代入行,成為歌手出道。最初一兩年,他忙於表演,錄音等工作,其後因為公開說了一句「邪不能勝正」,被指影射競爭對手… 詳情

蕭正楠指人生兩次喊都是因為黃翠如,發生了甚麼事?

蕭正楠指兩次喊都是因為黃翠如,一次是求婚,另一次是… 詳情

圖片來源:ig@edwinsiu,ig@wongtsuiyu,tvb《萬千星輝頒獎典禮2018》截圖