薛影儀出街唔戴罩踢街坊入獄2星期「亞視一姐」37歲A0未被家人催婚 因2個理由單身

薛影儀出街唔戴罩被街坊窮追猛打 被判入獄2星期

昨晚網上流傳一條3分16秒的影片，片中可見薛影儀走出大廈大堂，初時她用手將口罩按在臉上，被女街坊認出，拍片追鬧，即時出手推開對方，女街坊高聲炮轟：「做乜唔戴口罩啊！？戴啦，打我無用㗎喎！人哋影你先戴啊？」薛影儀馬上逃走：「喂你影咩啊！」女街坊鬧爆：「我梗係影你啦，一姐吖嘛！薛影儀！唔戴口罩吖嘛！我話過㗎，撞到妳實影妳㗎！叫你戴口罩啊，唔係撳住啊！」

薛影儀一直逃跑出大廈空地，女街坊沒有放棄，繼續爆粗追鬧：「朗屏邨薛影儀唔戴口罩呀！」、「大X晒呀？」、「使乜咁驚呀？」，薛影儀不斷逃走，但仍然沒有正確戴上口罩。最後她跑入另一幢大廈，衝入升降機，打算上樓，但女街坊即時被阻擋𨋢門狂鬧，薛影儀三度起飛腳還擊，並向大廈保安員稱：「佢阻住我唔畀我走呀！」擾攘一輪才正確戴回口罩，最後有人報警。

據知薛影儀在元朗朗屏邨居住，影片於去年9月拍攝。根據《預防及控制疾病（佩戴口罩）規例》（第599I章），身處公眾地方時均須一直佩戴口罩，違例者可被檢控，罰款5,000港元，但有人認為女街坊很煩：「條女把聲好X煩」、「啲人做咩搞阿儀」、「唔好私追女神啦」等。

薛影儀於今日（22日）被控違反「口罩令」及普通襲擊罪成，需即時入獄2星期及罰款5000元。

薛影儀做過待應

薛影儀現年37歲，於十多年前任職社區工作，之後做過待應。她與媽媽及弟弟同住，之前媽媽事前並不知道她參選《亞洲小姐競選2021》，不過事後都沒有太大意見。而她的親朋戚友都有看其報道，她說：「佢哋都覺得我參加『亞姐』好夠膽。」

薛影儀簽約亞視廣告接不停

雖然最終她在比賽中落選，但之後她簽約亞視兩年，廣告接不停，連直播唱歌都有8,000人觀看，成為「亞視一姐」。她曾接受林作邀請做訪問，力數TVB落選港姐「東涌羅浩楷」利愛安（Kristen）：「佢肥肥哋㗎，我諗佢仲肥過我！」、「東涌嗰個女人唔靚，話佢好啲嘅網民好無眼光！」、「佢冇咁多網民支持」、「東涌嗰個女人唔知學歷去到邊到？有無讀大學？」

薛影儀未拍過拖

她曾坦言自己未有拍拖經驗，而她的擇偶要求有幾點：第一，男方一定要內外兼備；第二，男方年齡不可以比她少：「唔接受姐弟戀，細一年都唔得」。但她強調拍拖好講緣分，她自己認為拍拖、結婚使費大，單身很舒適，而且家人亦無催婚。單身的她非常孝順家人，昨日自爆整蘿蔔燘牛腩給爸爸、弟弟吃，是個「入得廚房」的女人，連網民都大讚：「同阿儀結婚有口福！」