港女呻被迪士尼公仔人員抽水「又壁咚又拎電話」職員6字反擊

網民大呻被迪士尼公仔嘅職員抽水

最近有網民在連登討論區發文，詢問一眾網民去迪士尼與迪士尼公仔影相時，有沒有靚女試過被迪士尼公仔抽水，有網民即時回應，表示未有疫情時，有好多日本女孩入迪士尼影相，「啲架妹又好受落被某個好高嘅角色攬頭攬頸」，有網民試過「早幾年去迪士尼仲可以近距離接觸，iron man係勁flirty，嗰陣傾傾吓冇啦啦壁咚之後係咁話要拎電話」，不過最誇張是有網民試過被巴斯光年攬腰，「掂到波邊咁濟，我推開，我都唔知係罩住睇唔到定點」。

不過有網民反擊，覺得扮迪士尼公仔的職員「隔住咁厚嘅公仔衫可以feel到啲乜」、「重裝甲咁有咩好抽」、「件衫咁厚，抽水都感受唔到啦」、「粒住件野咁熱，又厚，都有淫念？」。亦有做迪士尼的職員爆料指，通常扮迪士尼公仔都是女人扮，「迪士尼朋友嘅演員好多菲律賓人，仔女都係，一係矮到得米6或者高到米8」、「跟高度呀，高飛通常都男啦，米奇就女多」。

職員表示：畀人抽水就多

有網民反問靚仔會唔會被抽水，不過有扮過迪士尼公仔的職員表示，畀人抽水就多，「鬼得閒抽你地咩，辛苦到根本唔會點睇人，淨係想快點脫」、「連個客係男係女係老人定細路都唔會睇到，仲講抽水」，再加上現在影相有1.5米社交距離，「想行近啲都唔得，唔好話掂」。

有網民表示，日本迪士尼就算有得攬，只會是機械人象徵式攬下啲客，「無乜人性化互動交流，相反美國就無乜限制，鍾意同客點玩就點玩，嗰客癲嘅一齊轆地沙都得」、「通常係我抽返啲公仔水」，「做哩個位嘅福利嚟，唔係搵鬼做咩」。