花姐

花姐爆姜濤用不太健康方法瘦身+窩心行為令她撐住 揭Edan真面目 遭鏡粉鬧爆

熱話

廣告

人氣爆燈的MIRROR除了在香港有很多粉絲之外,加拿大都同樣有很多粉絲。早前花姐 參加加拿大電台節目《逍瑤郭杜》「花姐我有嘢想問!」時,同加拿大粉絲大玩Q&A,談到MIRROR 三位成員私底下的真實性格,向一眾粉絲解答對成員們的疑問。

中集:MIRROR分上下弦?花姐不覺邱士縉好歌喉 AK最體貼 爆Tiger與Ian才能+性格

下集:因MIRROR一人心痛到喊 花姐望畀機會Jeremy?笑柳應廷跳舞唔好睇

花姐爆姜濤用不太健康方法瘦身

花姐參加加拿大電台節目《逍瑤郭杜》「花姐我有嘢想問!」,被一眾粉絲問關於MIRROR成員的近況和私下 一面。有粉絲向花姐問美濤到美國的目的是甚麼,花姐指因為簽了保密協議而不便透露姜濤到美國的原因,只說:「總之佢做緊一樣好有突破嘅事」,更笑言「你當佢去美國玩啦!」。

後來「姜糖」(姜濤粉絲名稱)問會否為姜濤安排專業人士照顧他的身體健康,花姐透露其實他一直用不太健康的方法瘦身,她說︰「因為姜濤真係好易,因為可能啲細胞好大粒,所以食少少嘢就好容易,但佢一唔食嘢就好易瘦返。」花姐指姜濤以「18:6」斷食法來瘦身,18個小時不吃食物,六個小時不斷食。花姐因為擔心姜濤身體,所以也介紹營養師給姜濤,希望姜濤用一些健康的方法減磅:「佢嗰六個鐘係咁食,我話其實你咁樣唔得,好唔健康,但係佢都好堅持呢個方法,佢覺得斷食係可以清理自己嘅方法。」花姐指姜濤也向她承諾會用一些健康方法瘦身。

花姐
(圖片來源:[email protected]_show)

後來花姐提及姜濤腳傷時直言︰「隻腳無做到手術,我都想同大家講吓,因為初初佢出道嗰時,我哋知道佢曾經韌帶斷過,好緊張,就即刻要去做手術啦,因為佢成日話唔想,因為一做就要抖半年至一年,佢堅持話『小心啲,唔做手術住,我一有機會就做啦』,後尾就睇咗另一個醫生,個醫生就話,其實而家好多運動員韌帶斷咗都冇做手術,佢就鍛鍊啲肌肉,令到可以咁樣都無事,而家用緊呢個方法,睇吓可唔可以唔做手術都可以令佢平時跳舞、跑步唔會影響到,因為有時見到佢用錯力就會好痛,我都好驚。」

花姐
(圖片來源:[email protected]_show)

花姐曾被批評 姜濤力撐:我哋真喺一家人

粉絲問起一件姜濤令花姐覺得最窩心的事和最「嬲」的事,花姐笑言「最嬲的事多啲嘅」。花姐憶述姜濤做過最窩心的事是:「佢唔會特登做啲咩嘢令到你好窩心嘅,但係佢會突然間走埋嚟……我個人對住佢哋其實唔係咁talkative,好沉默,好多時好似好唔開心咁,姜濤就會話『老花(花姐)!』跟住坐埋嚟喺你側邊陪住你,佢乜都無做嘅,可能就係『喂,老花,好耐無見啦!』,你知道佢平時唔會咁做,佢平時都係自己『柄埋自己』嗰啲嚟,你見到佢呢個動作就知其實佢想撐你!」

花姐指網上有很多人不知緣故就批評自己,而她笑言︰「好多時佢(姜濤)都係第一個出嚟撐我,咁我都覺得呢啲係好sweet嘅行為嚟。我覺得佢係好有愛嘅……佢曾經講我哋真喺一家人嚟㗎,兩母子……呢啲嘢可能好多人都會講,但係我知姜濤心裡面真喺。」

花姐
(圖片來源:[email protected]_show)

花姐指Edan很理性:想攬佢返屋企做我個仔

後來有「爵屎」(呂爵安粉絲名稱)問道早前阿正接受媒體訪問時提到呂爵安(Edan)在鏡頭前是一個很風趣的人,但私下卻是一個很理性的人,問呂爵安私下對著花姐其實是一個怎樣的人。花姐回應指自己很同意呂爵安是一個很理性的人:「每一件事佢都會分析得好清楚嘅,點解我要做呢樣嘢」。花姐續說前兩天探呂爵安班時,向呂爵安談及一件令自己不開心的事情。呂爵安很有條理分析整件事情,整件事的原由,誰屬誰錯。 花姐指呂爵安雖然「癲癲神神」卻是一個很好好的聆聽者,和呂爵安聊天會有一種好舒服的感覺,直指:「我真係好想攬佢返屋企做我個仔!佢係一個好sweet嘅人!」

花姐
(圖片來源:[email protected]

雖然花姐指呂爵安是「傻嘅」,但那種「傻」是指呂爵安對事情也「無所謂」,不會去主動為自己爭取甚麼,而且為人比較逆來順受。花姐指觀眾平日在節目上看到呂爵安做甚麼事情也沒有「偶包」,說話不經思考,便是因為呂爵安覺得自己不用想太多,做好自己便可以。粉絲問道私底下會如何稱呼12個人,花姐指每個人的叫法也不同,如果是想喝停他們便會叫他們全名,而自己也很喜歡叫他們中文名,覺得很親切。花組續指自己平時便會叫呂爵安作Edan,不過叫全名居多。花姐笑言因為呂爵安「好百厭」。

花姐
(圖片來源:[email protected]

花姐心痛Anson Lo太博

另有「神徒」(盧瀚霆粉絲名稱)問盧瀚霆(Anson Lo)做過甚麼事情是令花姐值得驕傲。花姐直言:「佢做好多都令我驕傲,因為佢係會努力到你要叫佢停嘅人!佢嘅努力係會令你『夠啦!唔好再跑,你要停低唞下』佢喺給一個努力到咁嘅人。」她續指自己很開心對方奪下MAMA獎項和得到很多粉絲支持,大讚對方並不會因成功而驕傲,反而是更加努力:「我敢講佢係12個裏面我認為佢係撐得最多嘅人,好大力撐嘅人。」

她曾呼籲粉絲勸告盧瀚霆休息,因為有些粉絲會指責自己:「有啲神徒都會send message嚟鬧我,話我點可以編個咁嘅schedule畀教主,但係Anson Lo個性格係,如果中間有三個鐘頭,佢都寧願將嗰三個鐘頭攝咗去做gym、學唱歌,佢係都將個schedule自己塞爆嘅人嚟。」花姐又指盧瀚霆曾和自己談心:「佢覺得做嘢做得好辛苦,究竟我依家追緊啲乜嘢呢?我嘅努力大家睇唔睇到呢?到我有一日追到嘅時候,我又要做啲咩唔會令大家失望。」

花姐
(圖片來源:[email protected]

「逼」Anson Lo參加《全民造星》

粉絲又問究竟盧瀚霆有甚麼特質令花姐覺得他可以參加《全民造星》,她表示主要有兩個原因:「第一個原因係,佢跳舞真係好大力,佢係每一次跳舞你都只係見到佢。就算佢平時喺排舞室都係用力,大大力跳舞。同埋呢個人,我覺得佢好八婆仔。佢好大力好有型跳完舞就好似八婆仔咁喺到傾計,喺到玩,呢個男仔係令我好留意佢,覺得佢好有potential,好charm!」。花姐指之後自己便「屈」盧瀚霆參加《全民造星》,甚至當時自己連盧瀚霆的全名也不知道便跟他說:「喂,Anson。我搞咗嗰節目,你參加啦。我會打畀你架啦,無諗過佢會唔會答應就逼佢參加」花姐又指和盧瀚霆相遇是緣份,因為盧瀚霆很少當演唱會伴舞,而自己又剛好在演唱會上遇上他。

花姐
(圖片來源:[email protected]

花姐不覺得Anson Lo靚仔

粉絲又續問盧瀚霆其實平時為人「百唔百厭」,她回應指其實盧瀚霆也很「百厭」:「佢一痴埋Edan、姜濤、阿Jer就百厭到不得了,喺不停咁講嘢啦。例如一排舞,隊長叫排舞,佢地四個一定唔喺即刻埋位先,所以成日都畀我地鬧『喂,可唔可以認真啲』。但喺佢嘅百厭喺活潑可愛嗰啲嚟嘅,唔喺令人討厭嗰啲嚟。」

花姐
(圖片來源:[email protected]
花姐
(圖片來源:[email protected]

粉絲又繼續問盧瀚霆曾指花姐從來不覺得他靚仔,問花姐現在有沒有對他改觀,花姐聽完好大反應,即說︰「喂啊!點解要逼人讚佢靚仔,我心目中只有許光漢係最靚仔!我想講盧瀚霆係有靚仔嘅時候,但佢最靚仔嘅時候,係我私底下見到佢,可能無化咁濃妝,私底下同佢傾偈,好舒服個樣,嗰個樣係最靚仔,佢係一個暖男,好關心、溫柔同你傾偈,你話幾靚仔!如果換咗許光漢個頭就仲好啦!」

花姐
(圖片來源:[email protected] Lo)
花姐
(圖片來源:[email protected]
花姐 許光漢
許光漢(圖片來源:[email protected]

常見問題

姜濤用什麼不太健康的方法瘦身?

「姜糖」問會否為姜濤安排專業人士照顧他的身體健康,花姐透露其實他一直用不太健康的方法瘦身,她說…詳情請看

花姐覺得Anson Lo為何可以參加《全民造星》?

她表示主要有兩個原因:「第一個原因係,佢跳舞真係好大力,佢係每一次跳舞你都只係見到佢…詳情請看

你又點睇?