生完大半年 葉翠翠開心宣布懷第二胎
廣告
囝囝小王子就嚟七個月大，葉翠翠昨日就宣布小王子就嚟做哥哥，三年抱兩，恭喜翠翠！
撰文：Sunday Kiss
相片：葉翠翠 ip chui chui @Facebook
翠翠昨日在社交網站上載照片，寫到：「小王子好快做哥哥了！」佢仲話懷孕初期因妊娠反應血壓低，頭暈了差不多兩個月，但現在已經慢慢好起來，過去幾個月沒有太多胃口，幸運一直有非常注重保養調理，胎兒在十週時已經比正常大了一天，心裏才沒有這麼擔心！翠翠仲話會繼續分享懷孕秘訣㖭呀！
葉翠翠喺聖誕前夕分享，屋企嘅小王子俾爸爸傳染，突然發燒，佢哋即刻搭的士送囝囝去睇兒科，點知囝囝一去到診所就喊得好厲害，原來係記起之前喺診所打針嘅慘痛回憶！翠翠話囝囝自出世以來都係第一次喊得咁犀利，喊到雙眼通紅，好可憐呀！
翠翠話囝囝食咗一次藥已經好咗九成，夜晚已經笑返晒，但自己就不幸中招，突然辛苦到抖唔到氣，差啲要入醫院呀！
原來成件事嘅罪魁禍首就係爸爸！翠翠大呻老公冬天唔肯著多件衫，病咗又唔肯食藥，連瞓覺都唔肯冚被，搞到病咗仲傳染晒全家，要全家人一齊受苦啊！
