葉翠翠囝囝聖誕發燒 呻爸爸傳染全家受苦
廣告
葉翠翠經常同大家分享家中小王子嘅生活點滴，適逢聖誕佳節，翠翠當然想帶囝囝四圍去感受節日氣氛，可惜小王子聖誕前夕俾爸爸傳染，突然發燒唔舒服，喊到雙眼通紅，好可憐呀！好彩宜家佢已經好返晒，可以同爸爸媽媽去親子樂啦！
撰文︰Sunday Kiss
圖片：葉翠翠 ip chui chui@Facebook
葉翠翠囝囝聖誕發燒
葉翠翠喺聖誕前夕分享，屋企嘅小王子俾爸爸傳染，突然發燒，佢哋即刻搭的士送囝囝去睇兒科，點知囝囝一去到診所就喊得好厲害，原來係記起之前喺診所打針嘅慘痛回憶！翠翠話囝囝自出世以來都係第一次喊得咁犀利，喊到雙眼通紅，好可憐呀！
翠翠話囝囝食咗一次藥已經好咗九成，夜晚已經笑返晒，但自己就不幸中招，突然辛苦到抖唔到氣，差啲要入醫院呀！
原來成件事嘅罪魁禍首就係爸爸！翠翠大呻老公冬天唔肯著多件衫，病咗又唔肯食藥，連瞓覺都唔肯冚被，搞到病咗仲傳染晒全家，要全家人一齊受苦啊！
