玩具展

【暑假2018】亞洲玩具展+嘉年華 6大好玩攤位遊戲一覽

親子好去處

廣告

暑假話咁快就過咗一半,你又帶咗小朋友去邊度玩呢?未諗到都唔緊要,來緊喺荃灣嘅荃新天地將會推出番外篇Junior版亞洲玩具展!玩具展、電玩展就聽唔少,之但係亞洲玩具展嘅番外篇Junior版又真係第一次聽。

撰文:傑。斯與晴

唔單止咁,場內仲有好多大型嘅立體公仔,就連Q POSKET迪士尼公主們亦都有登場,同時亦會有為人熟識嘅多款Switch瑪利歐系列遊戲可以一齊去試玩,仲有慈善創作團隊表演《守武者-夢翔》劇場添。

場內仲有過百部扭蛋機,同時設有「特價扭蛋專區」,精選了多款至抵價$5及$10扭蛋,實行一家大細一齊盡情尋寶!

話到明今次係Junior版亞洲玩具展,又點會少咗為小朋友喜愛嘅卡類遊戲呢?

同場仲設有多個不同嘅卡類遊戲比賽,如《星夢學園》、《幪面超人大戰Ganbarizing》及《高達》。而且仲有日本大熱嘅新世代競技動漫《疾驅轟牙》首度舉行《Break Go Ga轟牙盃公開賽》,場內將設有多個試玩區任由大家比試,準備爭奪冠軍寶座添架!

除咗有靚靚影相位及好玩滿FUN嘅遊戲比賽之外,Citywalk仲會將場內打造成一個經典嘉年華,當中一共有六個必玩典攤位遊戲,實行同大小朋友一齊體驗那些年的回憶,既懷舊又可以親子一下。

今次就等我同小JM帶大家睇下《Citywalk‧TOYSOUL盛夏嘉年華》嘅六大必玩典攤位遊戲有幾好玩啦!

VIDEO:

一擲彩虹 (1張遊戲券=5個代幣)

難度:***

掟彩虹,我諗唔駛介紹大家都一定識玩。

只要將金幣掟中紅、黃、綠或藍色嘅彩虹之上,就會中獎架啦!不妨去試試運氣喔!

拋吧!捕球挑戰 (2張遊戲券= 5次拋球機會)

難度:***

嘉年華必備攤位!只要成功將波波拋入籃中就有獎品架啦!

牛奶樽投球 (2張遊戲券= 5次機會)

難度:****

攤位內設有一排牛奶樽,需要將波波掟入牛奶樽先會有獎架!

小提示:

因為要牛奶樽口寬度同波波嘅大小差不多,可以嘗試用柔力拋出喔!

玻璃樽大挑戰 (2張遊戲券= 5個圓環)

難度:****

又一經典必玩攤位。

玻璃樽密密麻麻咁排列好,我地需要用圓環套住玻璃樽口先算中獎架!

真係又考技巧又考運氣嘅遊戲。

鐵罐能手 (2張遊戲券=5個豆袋)

難度:***

要用最少嘅次數將3個置放係枱面嘅鐵罐擊到!

係一項考驗力度與準繩嘅遊戲。

冰壺遊戲 (2張遊戲券=6個冰壺機會)

難度:***

老老豆豆,冰壺聽同睇都試過,但玩就真係第一次。

呢個遊戲需要將冰壺推向得分圈取我高分以獲勝!

係好考技巧同眼界架!

想知點樣取得遊戲券?一齊留意以下介紹啦!

舊玩具回收計劃 ,係想小朋友將舊玩具同其他小朋友分享,將愛延續下去。

係一個好有意義嘅活動來架。

唔單止可以幫到有需要嘅家庭及小朋友,而且捐出玩具嘅小朋友仲可以免費換領《Citywalk‧TOYSOUL盛夏嘉年華》遊戲券1張添架!

除咗以舊玩具換遊戲劵之外,顧客可即場以$10購買遊戲券1張;或於荃新天地1期或2期以電子貨幣於單一商戶即日消費滿$100,可換領遊戲券1張,每套有效發票最多可換領遊戲券3張,每日數量有限,換完即止。

亞洲玩具展TOYSOUL 2018 – Junior @ Citywalk

日期:2018年8月3日 至 2018年8月19日

時間:上午11時 至 晚上8時

地點:荃新天地1期中庭

常見問題

有甚麼親子活動推介?

行山、野餐、參觀博物館、參加工作坊等都是不錯的親子活動。

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:13大室內遊樂場/特色博物館 落雨都可以盡情放電!附交通收費詳情

你又點睇?

更多精選內容