Master Joe游莨維與太太北上求醫 終一索得男|媽媽唔易造

Master Joe游莨維與太太北上求醫 終一索得男|媽媽唔易造

TVB熱播節目《媽媽唔易造》,今晚請來有「Master Joe」之稱的游莨維,分享他與太太Clara「造B」的心路歷程。Clara比游莨維年長5年,當時年近40的她因身體狀況極難自然懷孕,便大膽北上尋找「不育聖手」,最終得嘗所願,於2017年誕下兒子Morgan。

撰文:Ling, 攝影:Simpson Chiu(部分相片由受訪者提供), 編輯:Kayla

12年前在TVB遊戲節目《一擲千金》,獲得最低紀錄獎金一蚊的游莨維(Joe),在節目中灑下男兒淚,堪稱經典,後來竟獲陳志雲賞識邀請加入TVB,擔任《東張西望》外景主持及拍劇。「一蚊Joe」之後更搖身一變「Master Joe」,在兒童長壽節目《問問Master Joe》為小朋友拆解科學疑難,雖然節目已經完結,但一提起Master Joe,很多大小朋友仲好記得!

Master Joe於2017年升呢做PaPa Joe,太太Clara於6月30日剖腹迎接兒子Morgan,Joe笑言因為這一蚊帶挈他加入TVB,才因工作認識Clara,贏得了一頭家,誰能估到一蚊能帶給自己這麼多,更揚言當年受到「一蚊的教訓」,貪字得個貧,一定會向兒子做好身教,承傳他的Never give up精神之餘,做人亦要知足。

Master Joe
憑一蚊入行的游莨維,後來變身「Master Joe」成為代表作。

憑一蚊入行 窮得想放棄

得到一蚊之後,好多人都馬後炮說:「出到39萬應該收手啦!」但正如游媽媽在節目中所講,Master Joe的性格永不服輸,有膽識,鍾意博一鋪,游莨維認為當時只要開多個寶箱,銀行家出價必定高過50萬,可惜事與願違,當眾灑淚,其實他當時仍未好好反思。「當時啱啱畢業,拎咗一蚊都未識死,都係人生一場經歷啫,出街畀人笑吓冇乜嘢嘅。」約兩星期後,TVB問有沒有興趣加入,游莨維沒有理會家人的意見,向來鍾意「博吓」的他一口答應。「我同屋企人商量過⋯ 其實都冇得商量㗎喇,我同阿媽講想入去試吓,因為比我靚仔比我有潛質又識唱歌演戲嘅人都入TVB,我今次既然有機會,不如畀三年時間自己,到時都未夠30歲,睇吓呢三年我可以闖到一番咩成績。」

Master Joe

Master Joe
十年前在TVB遊戲節目《一擲千金》當中,游莨維最後獲得史上最低紀錄一蚊獎金,淚灑當場。

媽媽暗中入$500相助

真正磨練他的,是加入TVB的第一年,搭車窮到一蚊都無。「真係好難捱,最差嗰時戶口得1,500蚊,最後連100蚊都撳唔出,以前成日笑話Never give up,嗰一刻真係想give up,我試過由調景嶺搭車去上環搵我阿媽,點知八達通負錢,之後發覺阿媽一早喺我銀包攝咗張500蚊紙。」游媽媽曾與兒子約法三章:入行無問題,最重要養得起自己。既然兒子一意孤行,游媽媽惟有默默支持,暗中相助。「之前第一份工做醫療保險,都儲咗少少錢,但原來真係會使晒,我呢個傻小子拎咗一蚊之後,先發覺生存喺呢個世界唔容易,尤其喺圈中要識待人處事,個人成長得好快。」

捱過第一年後,游莨維加入《東張西望》跑外景至今,工作穩定,後來一個兒童節目更成為他的代表作,2008年參與《問問Master Joe》令他成功入屋,一做五年多,做足三百幾集。游莨維在演藝事業上雖未至於名成利就,但大人會記得「一蚊Joe」,小朋友都識叫Master Joe !

Master Joe
「一蚊Joe」游莨維想不到這一蚊為他贏到個家,表面上輸掉遊戲,卻贏了人生,「所以永遠唔知結果係點!」
Master Joe
2014年Joe與Clara低調成婚。
Master Joe
Joe在平安夜向Clara求婚,大唱《你的名字 我的姓氏》,竟被Clara和朋友取笑老土,Clara更笑他不預早通知,搞到她當晚沒有好好打扮。

姊弟戀開花結果

因為Master Joe的主持形象入屋,換來不少外面的主持工作機會,亦因此認識了太太Clara。當年,Clara的舊公司JP Morgan搞周年晚宴,邀請了Master Joe擔任大會司儀,事前開會時,Master Joe已覺得Clara好靚女,留下深刻印象,但專業的他當然沒有分心識女仔,直至完show後,反而是Clara先找他合照,游莨維說:「張合照我依家仲keep 住㗎!」在緣份安排之下,兩人在蘭桂坊再次遇上,Joe今次把握機會攞電話,成功把Clara追到手。拍拖一年多後,Clara因一些家事要撐起成頭家,令Joe決心求婚迎娶Clara,照顧她一生一世。「呢個女仔真係好犀利,我好欣賞,好多人問我喺娛樂圈見咁多靚女,楊洛婷(《問問Master Joe》拍檔)都好靚女,點解會揀 Clara?因為揀老婆係揀賢內助,夫妻要心靈相通,咁啱我哋都係處女座,好多嘢唔使講都知大家諗咩。」這段感情一直走來順順利利,即使年齡也不是障礙,Joe與Clara看上去十分登對,原來Clara比Joe大五年,Clara保養得宜,而Joe亦思想成熟,十分顧家,大家拍埋一齊好夾,這段姊弟戀終於2014年9月開花結果。

Master Joe
Master Joe因TVB的主持工作,令他獲得不少公司周年晚宴的主持機會,更因此認識了Clara,這幀照片就是當年他們的首次合照。
Master Joe
Joe與Clara希望囝囝將來做個有禮貌、孝順父母及對社會有貢獻的人,他們一定會做好榜樣,讓囝囝從他們身上學習。

Master Joe

2017年剖腹生仔

婚後不久二人開始為生小孩做準備,年近40的Clara與Joe密密睇中醫及針灸調理身體,努力造人,2016年終於傳出喜訊,一索得男!為記念二人相識,Joe以Clara舊公司的名字為囝囝取名Morgan,並在醫生的建議之下,選擇於2017年6月30日剖腹迎接Baby Morgan。Clara指自己整個孕期好順利,頭三個月無嘔過,只有少少作嘔感覺,一踏入第四個月悶氣全消,到現在懷孕後期肚皮不算大,但偶有扯住痛、火燒心的感覺,幸好全程食得瞓得,最奇怪是一向不好燒烤味的她,突然愛上食燒肉及日本咖喱,變得重口味。「我以前唔食㗎,懷孕初期突然好鍾意食,但依家又唔食喇,同埋少食多餐,食得多頂住個肚。」

Master Joe
熱愛打麻雀的Clara能夠「一索」得男,笑逐顏開。
Master Joe
一蚊與一索,對Master Joe與Clara來說是天作之合。
Master Joe
二人早前拍攝孕照時,為肚皮畫上趣怪圖案,Clara更要求畫上BB與麻將,寓意囝囝做「小雀神」!

Master Joe必教科學 想囝囝數口精

至於胎教方面,Clara則有獨門秘方——打麻雀!熱愛打牌的Clara閒時約親友大殺四方城,託囝囝鴻福賺了不少奶粉錢,他們揚言打牌可訓練思考及觀察力,將來會讓囝囝觀戰學習,當然絕不會涉及金錢,Clara說:「日本都好興㗎,小學生放學就去打牌,打牌好似捉棋咁,可以訓練頭腦,細個我喺阿媽側邊睇佢打牌,睇睇吓就識。」Master Joe笑言會放任妻兒打牌,有機會生多個仲可以一家四口竹戰!他除了希望以身教培養囝囝道德觀之外,仲希望囝囝成為一個「數口精」的男子漢,不會蝕底予他人,考慮讓他學習珠心算等數學班。「我真係好有興趣畀阿仔讀數學,因為數口要自小練習,作為男仔唔識計數好蝕章㗎嘛!其他班就睇佢將來興趣啦!」

Master Joe
雖然Clara比Joe大五年,但相處完全沒有問題,大家性格好夾。
Master Joe
Master Joe笑太太懷孕後「好擦得」,乜都食!
Master Joe
二人早已經請了陪月,大嘆陪月搶手好難請。

Master Joe教小朋友科學教足五年,對囝囝當然也不例外,尤其要灌輸與日常生活息息相關的知識。「喺節目中我成日教『火』,生火係需要燃料、溫度同氧氣三個條件,正如小朋友成長都有三個條件緊扣住:屋企、學校、朋輩,教導小朋友時可以引用火做比喻。」 Master Joe 已準備為囝囝講故事,會多選日常科學知識,又會教囝囝健康飲食,「食到我咁肥就唔好啦!」 Master Joe 與拍檔AI Rabee’a(楊洛婷)曾為小朋友帶來不少歡樂,豐富了他們的知識,將來或有機會再合體教育新一代!

Master Joe
因《 問問Master Joe 》而成為好友的楊洛婷(左)與Clara同期大肚,可以互相照應好開心。

Master Joe

Master Joe
Master Joe覺得男仔數口要精啲,無咁蝕底,有興趣讓囝囝多學數學,例如珠心算。

更多精選內容