轉天氣 抗眼紋 保濕 靠好手勢

轉天氣 抗眼紋 保濕 靠好手勢

(睇到尾,有彩蛋,令你由內靚到外)

踏入秋冬,塊面同個嘴仔開始乾乾哋,尤其是我嘅眼周肌膚比較敏感,開始掹住掹住,又係時候敷多啲面膜,搽多啲護膚品喇!打好個底,只要同個嘴仔搽少少潤唇膏,就可以隨時去我最鍾意嘅海邊聽吓海浪聲、吹下海風,relax 吓!

 

介紹返:

① 美國 MTS 專業勝肽保濕面膜 (Peptide Aqua Gel Mask)

② GHC 璀璨美容液 (GHC Dia Serum)

③ GHC 胎盤緊緻精華 (GHC Essence)

陪我睇晒成集電視劇

一敷上面,超貼!雖然幾厚身,但感覺好輕!而且勁保濕,敷足一個鐘都唔捨得搣呀!令我呢一個鐘可以舒舒服服,攤喺張梳化度睇晒成集電視劇,唔使驚敷到咁上下乾咗,唔使擔心啲水份扯返走,更加唔使睇睇吓電視要趕住去洗面。

我塊面本身好敏感、好容易紅,敷完 美國 MTS 專業勝肽保濕面膜 (Peptide Aqua Gel Mask) 之後,真心好降紅,冇咁敏感,塊面舒服返晒,感覺肌膚好似飲咗一大杯水咁樣,因為佢蘊含八勝肽 、洋甘菊、甘油同玻尿酸等成份,可以增加肌膚嘅骨膠原、填補細胞間質以及加強皮膚嘅保護層,仲可以抗炎抗氧化同深層保濕,最啱夜晚用呀!

 

一支解決肌膚問題

個樽好靚呀!!!

唔好睇小 GHC 璀璨美容液 細細樽,係馬胎盤嚟㗎!可以成塊面搽晒,只要按壓一下,已經好夠用,而我塊面需要特別照顧嘅係淚溝位/虎紋位,所以會按摩多一陣間。

可能有啲姊妹同我一樣,護膚品淨係搽面珠就得,額頭位只係求其揩吓就算,隨住年齡增長,都要搽返多少少璀璨美容液上去呀!

配合正確手勢 減眼紋

我嘅眼周肌膚比較乾同薄,所以好期待呢 5 小瓶 GHC 胎盤緊緻精華 (GHC Essence),可以重組返我啲皮膚,減少幼紋。

平時搽眼霜,隻手係由眼頭拉去眼尾,原來咁樣搽,係唔啱嘅。

如果想著重眼紋嘅話,就要由外到內咁搽,因為啲紋係向外生嘅,所以由外到內咁搽,可以推返啲紋入去。

 

減眼紋按摩步驟:

1)由眼尾向眼頭輕輕力印。

 

2)向上印眼眉。

記住唔好大力捽,輕輕力都會感覺到肌膚向上拉。

搽完之後,好快就見到肌膚提升咗同埋收緊咗。

另外,如果由眼尾搽返去眼頭嘅話,有時會摸到啲紋仔,再補返啲胎盤緊緻精華,就可以填番啲紋喇!因為佢主要成份有胎盤萃取物(豬)、骨膠原、透明質酸、多聚谷氨酸、神經醯胺,可以緊緻同滋養肌膚,重點修護色素不均、細紋及鬆弛下垂肌膚。

建議使用方法:洗完面,搽化妝水,將幾滴胎盤緊緻精華重點拍喺幼紋、色斑等位置,等肌膚慢慢吸收就得。

搽晒①②③,轉天氣都唔使怕,就可以 keep 住靚靚出街啦!:)

彩蛋:轉天氣點樣內靚到外?

我自己好享受去海邊玩,好鍾意聽吓海浪聲、吹吓海風、踢吓沙。

個人 relax 啲,身心都會健康啲,美麗就會由內至外散發出嚟喇!

有個小貼士分享返,如果好驚曬太陽,唔太敢去沙灘,我會建議呢段日子可以晏晝四點幾去,因為一來太陽都冇咁早落山,二來嗰段時間嘅太陽冇咁猛,紫外光冇咁強,咁就可以睇吓日落,欣賞吓黃昏。如果留到夜晚,仲可以順便睇埋星星㖭!(八月十五過咗,唔講賞月喇!XD)

 

下次去海邊,我會帶埋藍莓去野餐,再遠眺藍天碧海,畀對眼休息吓,補充能量,就真係由內靚到外啦^^

 

FB: KeicyKK

 

更多精選內容