《Do姐再shopping》農夫賤嘴負評+翠如溝「正藍」

《Do姐再shopping》農夫賤嘴負評+翠如溝「正藍」

《Do姐再shopping》自播出第一集後,再次成為網民網話!Do姐同農夫繼續火花不斷,為觀眾大放笑彈,笑足30分鐘!節目嚟到第二集依然笑聲不斷,想知道Do姐同農夫講咗咩搞笑嘢?跟我哋一齊回帶第二集爆笑精華!

撰文:Sunday Kiss

圖片:節目截圖

《Do姐再shopping》爆笑精華

1. 農夫賤嘴評述員

Do姐帶咗農夫同翠如去到日本一間文具店製作個人化文具,筆記本由封面、封底至紙質都可以由客人自己設計。農夫等人首先各自設計筆記本,再為對方嘅設計做評述。當中農夫嘅賤嘴負評最爆笑!Do姐得意洋洋咁向鏡頭展示設計,農夫就喺旁邊抵笑回應:「 你見到佢都痴痴地嘅⋯⋯隻色!」、「只要你揀嘅選擇完全同佢相反,就係一本靚嘅簿啦!」

Do姐再shopping

Do姐再shopping

C君亦毫不留情劣評好兄弟陸永,搞到陸永喺鏡頭前忍唔住笑場。

Do姐再shopping

Do姐再shopping

2.翠如溝「正藍」

下一站,翠如等人去咗自行高配墨水顏色。翠如認真咁研究點樣「溝」到佢心目中果種「藍」,Do姐立即大感疑惑,而C君就生鬼地反問翠如:「果隻藍係唔係蕭正楠?」,Do姐即刻恍然大悟,笑到手舞足蹈,仲拍爛手掌同C君擊掌;而翠如則陰陰嘴笑,仲向農夫反白眼!

Do姐再shopping

Do姐再shopping

Do姐再shopping

3. 暗串Do姐「唔夠墨水」

C君在鏡頭訪問話:「有咩人要係咁話俾人聽佢好有錢?唔夠有錢呀嘛!」,「有咩人要係咁買墨水呀?唔夠墨水呀嘛!」,暗串Do姐要買墨水係因為佢唔夠墨水(學識)。

Do姐再shopping

Do姐再shopping

4.Do姐寫血書

Do姐調配咗一種酒紅色墨水,並大拋書包寫上「棄我去者,昨日之日不可留,亂我心者,今日之日多煩憂。」,俾陸永笑稱一落筆就寫悲情詩,仲用血紅色墨水,大家需要多啲關心Do姐。

Do姐再shopping

Do姐再shopping

5. 備「長嘆」

農夫今集繼續大玩食字,四人研究備長炭用途,發現其用途甚廣,可以製作首飾、甜品、煮飯甚至泡茶。當中一條用炭製作嘅頸鏈就足足叫價540萬日圓。C君在訪問中爆笑回應:「如果我買得起果條頸鏈,我就唔係備長炭,係準備長嘆!」。

同場加映:陸永抽Do姐水?

Do姐今日喺Instagram分享一張陸永捉住佢對手嘅相片,仲留言話:「有冇發現各人神情緊張?……不過,緊張還緊張,陸永,請你唔好乘機掂我!」。相片一出就引起網民熱烈討論,仲話:「係愛呀哈利!」、「佢恨左好耐啦」、「在一起!在一起!」,睇嚟網民真係充滿想像力啊!

更多精選內容