【蘋果湯水食譜】蘋果百合無花果瘦肉湯 滋潤又排毒!

【蘋果湯水食譜】蘋果百合無花果瘦肉湯 滋潤又排毒!

【蘋果湯水】一日三餐,怎可少了湯水這一道菜?這次準備了滋潤湯水,這湯水材料簡單,不需要特別準備大量藥材,只需要水果及簡單材料,即可煲出健脾潤肺的湯水!在此向大家提供少少煮食心得,「原來蘋果煮過之後係會非常甜,而且果膠仲可以幫助吸收身體入面毒素,所以想排毒潤腸之外,又想清清地滋潤下同埋養養裨胃,咁就可以試下煲依個 蘋果百合無花果瘦肉湯 啦!」

圖片&撰文:小小豬的成長日誌

蘋果百合無花果瘦肉湯—特色湯水

蘋果湯水材料:

由於我地今日係六大一小嘅晚餐,所以材料就多少少蘋果4個、無花果5粒、雪耳1朵 、鮮百合1包、果皮1片、豬肉眼$70~

湯水食材功效一覽:

湯水:健胃潤肺,安神益智,滋潤又排毒。

蘋果:生津止渴 (用蘋果來做湯,有助健腦益智及增強記憶力。)

無花果:性味甘平,具有清熱解毒的功效。

雪耳:養陰補肺,因為含豐富營養如高蛋白質和氨基酸,不少人更稱之為「窮人燕窩」。

鮮百合:潤肺止咳、清心安神,補中益氣。

果皮:常用的中藥材,有通氣健脾、燥濕化痰等功效,有助消滯健胃、化痰下氣。

【蘋果湯水食譜】蘋果百合無花果瘦肉湯 滋潤又排毒!

做法—步驟1

豬肉洗乾淨氽水;果皮浸透去囊;無花果洗淨切半;鮮百合洗淨剝成一瓣瓣備用~
【蘋果湯水食譜】蘋果百合無花果瘦肉湯 滋潤又排毒!

步驟2

雪耳浸軟剪切塊;蘋果洗淨去皮去芯切件(蘋果最好就買中國蛇果,因為如果用富士蘋果的話,煲出嚟就會帶點酸味呀)~
【蘋果湯水食譜】蘋果百合無花果瘦肉湯 滋潤又排毒!

步驟3

煲內放約4L水,然後加入果皮~
【蘋果湯水食譜】蘋果百合無花果瘦肉湯 滋潤又排毒!

步驟4

待水滾後再放入其他材料,用大火煲約半小時~

resources.php

步驟5

之後就轉用慢火加蓋煲約1.5小時~
【蘋果湯水食譜】蘋果百合無花果瘦肉湯 滋潤又排毒!

步驟6

最後加鹽調味就得啦(真係少少好啦..因為太重鹽味就會蓋過蘋果甜啦)~
【蘋果湯水食譜】蘋果百合無花果瘦肉湯 滋潤又排毒!

步驟7

絕對唔係自己讚自己,我睇見屋企各人飲完一碗又一碗,話咁快就幫我KO晒一大煲湯,睇佢地表現就知道依個湯真係唔輸得,真係十級清甜,就連小小豬都自動自覺要添飲呀!

【蘋果湯水食譜】蘋果百合無花果瘦肉湯 滋潤又排毒!

更多精選內容