10大初級親子行山路線推介  欣賞香港靚景簡單易行

10大初級親子行山路線推介 欣賞香港靚景簡單易行

孩子們因武漢肺炎疫情持續停課,但困在家中都不是好辦法,不如踏出室內到郊外遊山玩水,呼吸一下新鮮的空氣,活動一下。不少藝人如吳雨霏(Kary)都帶孩子到郊外踏青。如果父母屬於行山新手,就需要找一些既簡單又易行的短程行山路徑。同仔女去行下山,接觸大自然!今次編輯為大家整合10條適合親子好去處嘅行山路線,等天氣好嘅時候可以遠離城市,親親大自然!

撰文&圖片:Sunday Kiss 、呀劍萬帥、小肥子星球、TC媽咪 、大仁生活 | 編輯:Chloe、YIU

10大初級親子行山路線

行山路線1. 青衣自然徑 (難易度:★)

我們在青衣港鐵站坐248M巴士去長宏巴士總站下車, 車程約十分鐘,很快就到了!下車後,沿著寮肚路行大約5分鐘,就會見到青衣自然徑的入口。

行山路線
入口有兩條樓梯,一條封了,我們行另一條。

我看過別人的BLOG,話兩條都是上去同一個位置的。

行山路線
入口的梯級

開步時下著毛毛細雨,要開遮又要拍照,有點不方便。但好彩,行了一會兒,雨就停了。行了不久,就看到涼亭了。

行山路線
沿途的涼亭

行山前準備既6大注意事項

沿途行都有幾個涼亭,也有很多指示牌,不怕迷路。我們沿路見到指示牌,發覺都有幾個野餐區的,不過我們這次沒有去。最初半小時,有平路也有上樓梯。見到第二個涼亭後就不停上斜路或者樓梯。當天天色濛濛,拍照不太美。但我知道這裏可以看到日落的,下次天色好的話試試先!

行山路線
沿途景色

落山啦!又是樓梯。

行山路線
斜路和梯級

斜路也有。因爲下過雨,行斜路真是要很小心,因爲地面很滑呢!我差點跌倒呢!

行山路線
青衣碼頭風景

除了涼亭外,沿途還有不少座位讓人休息, 不錯的!

行山路線
沿途的座位

行完後,在大馬路旁有小巴和巴士站。

行山路線
沿路的石級

我們坐了10分鐘巴士回去青衣城,食完午飯才回家。

行山路線

青衣自然徑地圖這次我們一共花了一小時二十分鐘行完全程,中間休息了約十分鐘。如果行山難度分5星,5星是最難的話,青衣自然徑算是1或2星吧!

雖然多是上落樓梯,但大部分樓梯都有扶手的,所以小孩子都可以行到。不過今次仔仔行到嘴扁扁!

不是因爲難行,而是因爲沿途有不少蜘蛛網,甚至會見到大蜘蛛!他很怕這些小昆蟲的,哈哈!行的時候真是不要發夢,唔係分分鐘變網中人!

行山路線2. 柏架山睇蟲蟲、古蹟 玩舊式滑梯(難易度:★★)

柏架山簡直就係陪住我長大嘅一座山,讀緊小學嘅時侯,差唔多日日放學都會同同學仔行上去,然後傾心事,講吓大家鍾意嘅女仔,依家諗番真係好小學雞。轉眼廿幾年,今日帶住兩兄妹同埋嫲嫲,一齊來個親子行山樂。

行山路線
戰時留下的爐灶

柏架山最適合一家大細及街方街里嘆個早茶之後去行,因為山腳就已經係鰂魚涌與太古交界,搭港鐵一出閘5分鐘都已經可以行到山腳! 上網碌過話柏架山有海拔532米 (用「海拔」呢個Term好似通常形容超高嘅山先會見到 ^.^)我哋同嫲嫲喺茶記食過早餐,跟住過對面馬路就可以開始行啦! 超方便 (「柏架山道自然徑」個名咁好聽,我記得細個都未有呢個牌楝喺度)

行山對呢對成日攀山涉水嘅兄妹,絕對唔成問題啦!

行山路線
沿途景色

久違了的悠閒,望住條蟻路都可以望成幾分鐘,大自然嘅力量噢!!!

行山路線
路邊的植物

由起點行唔駛20分鐘就去到「林邊磚屋」,前身係太古糖廠及職員宿舍,依家已經係二級歷史古迹,同埋改建為生物多樣性自然教育中心

行山路線
林邊生物多樣性自然教育中心指示牌

林邊生物多樣性自然教育中心,可到這連結再睇睇http://bit.ly/2Apgfy5

行山路線
大潭郊野公園路牌

再沿路向上,會見到「鰂魚涌樹木研習徑」、「金督馳馬徑」、「康柏郊遊徑」嘅入口,不過我哋繼續向大風坳進發

行山路線
金督馳馬徑指示牌

但係聽嫲嫲講,「鰂魚涌樹木研習徑」下面有個戰時爐灶,又話其實穿過「鰂魚涌樹木研習徑」都一樣可以上番去大風坳,所以一場嚟到就跟嫲嫲去睇吓

行山路線
鰂魚涌樹木研習徑路牌

行咗一陣間就會見到一個古舊破屋,睇上去好似係個廁所,不過都已經俾樹生長撞破石牆兩個八卦細路係都要好奇望一望 (不過大家要小心,因為石牆身後係一個大破口,可以跌落去㗎!)

行山路線
石牆

行行下兩個開始執起樹枝來,哥哥仲話要幫手執垃圾,好在有備以嚟,俾佢哋一人一個膠袋。

行山路線
沿途收拾垃圾

見到有個健身設施,兩個又要走埋去做一做運動,兩個要試試自己隻腳可以放到幾高,睇吓自己筋骨有幾柔軟。

行山路線
小朋友測試筋骨

想像唔到當時有幾多大個大廚喺度煮飯,個場面一定好震撼,兩個攪笑到匿埋落去,不過我發現如果呢個地方,用嚟玩伏匿匿都應該會幾好玩。

行番出嚟就接駁番去「康柏郊遊徑」仲會經過「漁農自然護理署-鰂魚涌管理站」

行山路線
漁農自然護理署-鰂魚涌管理站入口

兩個開始嗌辛苦啦!

行山路線
鰂魚涌管理站沿路

終於行到上有「噴射風」之稱的位置

行山路線
「噴射風」的風景

呢度係是畢拿山與柏架山之間的山坳,望落去風景真靚

路過仲有超冰涼山水(不過始終唔多唔少有細菌,所以千祈唔好飲用或者用嚟擦眼睛)

行山路線
沿途的山水

我哋繼續向上進發,嫲嫲眼利俾佢搵到好多隻蠶蟲,大大條顏色仲好靚!

行山路線
上山沿路
10大初級親子行山路線推介 欣賞香港靚景簡單易行
樹枝上的蠶蟲

呢隻仲食緊葉呀!唔知佢係咪發現咗我影佢,所以佢突然停低咗喺度

10大初級親子行山路線推介 欣賞香港靚景簡單易行
蠶蟲食樹葉

最後終於行到嚟涼亭,可以休息一下啦!今次就唔同小朋友行上天文波波,因為再行上去睇怕要日落先行完,我哋搵咗個位坐低食下水果抖一抖。

10大初級親子行山路線推介 欣賞香港靚景簡單易行
小朋友吃水果

呢度居然仲有一個舊式兒童遊玩設施,條瀡滑梯仲係鐵皮架!好似發現寶物咁

10大初級親子行山路線推介 欣賞香港靚景簡單易行
小朋友玩滑梯
10大初級親子行山路線推介 欣賞香港靚景簡單易行
小朋友玩滑梯

來回整段路程都用咗5個鐘先完成,當然如果沒有到「林邊屋」及「樹木研習徑」就一定會時間起碼短番兩粒鐘,正常應該3小時內完成。而且除大風坳一段路,其他位置幾乎都有樹蔭,所以絕對係親子行山其一之選!

路線

起點:英皇道海景樓 > 柏架山道自然徑>林邊生物多樣性自然教育中心>康柏郊遊徑>鰂魚涌樹木研習徑> 大風坳>康柏郊遊徑>柏架山道自然徑>回到起點

長度

來回 6.0 公里

難度

★★

需時

約三小時

起點交通

巴士2, 2A,77,81,99,102,106惠安苑下車。港鐵,太古城站B出口

終點交通

巴士,港鐵往各區

注意事項

帶備足夠食水,帽及防曬用品(特別經過大風坳一段)。

(以上資料更新至文章當日)

行山路線3. 山頂盧吉道 賞紅葉、睇小瀑布(難易度:★★)

從山頂纜車旁行盧吉道大概用了個半小時由另一邊回到同一個地點近山頂廣場。可能大家有機會都行過,但我去了山頂那麼多次,今次才是第一次行!我覺得這路線也非常適合親子走走,大家如果還未行過,有機會也帶你的小朋友去走走吧!大部份都是平路,許多媽媽也有帶嬰兒車一起行。

可乘坐巴士或纜車到山頂起步
可乘坐巴士或纜車到山頂起步
在The Look餐廳旁有山徑的入口,其實也非常多人行,隨便問問也有途人可以指引你入口的方向。一邊行一邊可以欣賞香港的美景!
在The Look餐廳旁有山徑的入口,其實也非常多人行,隨便問問也有途人可以指引你入口的方向。一邊行一邊可以欣賞香港的美景!

整條盧吉道也是非常平坦,非常適合小朋友行。而沿途也有許多樹呢!

全程也需要一個多鐘頭的時間。
全程也需要一個多鐘頭的時間。
10大初級親子行山路線推介 欣賞香港靚景簡單易行
沿途的小瀑布

行山路線4. 只有落山陽明山莊 易行親子行山徑(難易度:★★)

起點在陽明山莊的「盡頭」,記得一定是盡頭的那一個入口, 那個入口處有個大閘阻止汽車進入,是石屎路。不要去另一邊的行山入口。

10大初級親子行山路線推介 欣賞香港靚景簡單易行

 

見到這個路牌,就正確了。

10大初級親子行山路線推介 欣賞香港靚景簡單易行

CC覺得好舒服,好寫意,很自然流露做了這個姿勢。我真的沒有教他擺這個甫士, 大概真的好舒服, 小朋友才會流露他的真本性。

10大初級親子行山路線推介 欣賞香港靚景簡單易行

 

藍天配綠樹,這種自然景色,靚絕。

10大初級親子行山路線推介 欣賞香港靚景簡單易行

安全平坦的石屎路。

10大初級親子行山路線推介 欣賞香港靚景簡單易行 10大初級親子行山路線推介 欣賞香港靚景簡單易行

含苞待放的花。

10大初級親子行山路線推介 欣賞香港靚景簡單易行

 

沿途有好多好多靚的樹木,尤其松樹,見到一個個果實,高高聳立,真的很靚。

10大初級親子行山路線推介 欣賞香港靚景簡單易行

好快見到好美麗又滿瀉的水塘。

10大初級親子行山路線推介 欣賞香港靚景簡單易行 10大初級親子行山路線推介 欣賞香港靚景簡單易行

10大初級親子行山路線推介 欣賞香港靚景簡單易行10大初級親子行山路線推介 欣賞香港靚景簡單易行

10大初級親子行山路線推介 欣賞香港靚景簡單易行

這條路不單易行,還可以欣賞美景,接觸大自然,又有“infinity pool” 的水塘,水塘有好多魚,包括好大的錦鋰,小朋友一定很喜歡看看呢。

10大初級親子行山路線推介 欣賞香港靚景簡單易行

滿了水的水塘,顯得格外賞心悅目。

10大初級親子行山路線推介 欣賞香港靚景簡單易行 10大初級親子行山路線推介 欣賞香港靚景簡單易行

途中有小小遊樂設施。

10大初級親子行山路線推介 欣賞香港靚景簡單易行 10大初級親子行山路線推介 欣賞香港靚景簡單易行

到終點前,有餐桌座椅可以野餐!很舒服!

10大初級親子行山路線推介 欣賞香港靚景簡單易行

TTCC最喜歡和草蜢玩遊戲。

10大初級親子行山路線推介 欣賞香港靚景簡單易行

好靚的水塘。

10大初級親子行山路線推介 欣賞香港靚景簡單易行

遠眺的大潭水壩。

10大初級親子行山路線推介 欣賞香港靚景簡單易行

這條橋任何時候都好靚,個個都停留橋上影相。

10大初級親子行山路線推介 欣賞香港靚景簡單易行

我和TTCC都很喜歡大自然, 但有時不想行太遠, 都會選擇這條由 陽明山莊去大潭 的路徑。這條路徑我行了很多次,行山、影相、野餐,全程輕輕鬆鬆hea 下只不用兩小時,心曠神怡。

去到終點,可以坐14號巴士去西灣河, 又可坐綠色小巴去柴灣地鐵站出市區,非常方便!

有專家說,想小朋友腦筋靈活,就必須要接觸大自然。精神科醫生都提議如果想減輕壓力, 就必須要接觸大自然, 尤其對焦慮病人更加有幫助。

行山路線5. 輕鬆行上香港最高山峰 市區看港珠澳大橋(難易度:★★)

10大初級親子行山路線推介 欣賞香港靚景簡單易行

當然山越高,受風大氣溫也越低,像現在秋涼入冬的季節,季候風常到訪香港,體感溫度隨時比市區再低10度,所以登大帽山記得要帶禦寒衣物。

不過,其實登大帽山頂有一條很輕鬆的一星路線,全程石屎車路(限制車輛除外),大家可以由麥理浩徑8段慢慢登上山頂。
最直接的方法就是乘座51號巴士到郊野公園站下車,看到大帽山郊野公園門牌沿着大帽山道往上走,沿途會經過扶輪營地。當然你亦可駕車到扶輪營地泊低車後再直接走大帽山道。

沿途都是車路,沿着車路一直走就會看到這個大閘了。

10大初級親子行山路線推介 欣賞香港靚景簡單易行

看到綠色小屋經過大閘直上,兩個波波球就在你的前面!

10大初級親子行山路線推介 欣賞香港靚景簡單易行

走啊走啊一直走

10大初級親子行山路線推介 欣賞香港靚景簡單易行10大初級親子行山路線推介 欣賞香港靚景簡單易行

沿途山下風景會越來越開揚,甚至你可以看到整個九龍及港島區

10大初級親子行山路線推介 欣賞香港靚景簡單易行

還有就是一大片狗尾草及芒草

10大初級親子行山路線推介 欣賞香港靚景簡單易行

10大初級親子行山路線推介 欣賞香港靚景簡單易行

再轉多幾個髮夾彎就到了!

10大初級親子行山路線推介 欣賞香港靚景簡單易行

10大初級親子行山路線推介 欣賞香港靚景簡單易行10大初級親子行山路線推介 欣賞香港靚景簡單易行

在這裏可以俯視香港不同的山峰,由港島區至港珠澳大橋也能一一看到,但相機角度很有限,還是上山用肉眼欣賞吧!

10大初級親子行山路線推介 欣賞香港靚景簡單易行

溫馨提示

* 51號巴士大概要半小時才有一班,看清楚時間表才出發噢

*山頂風很大,所以要記得帶禦寒衣物

*沿路全程石屎車路,但有些位置近懸崖,所以帶小朋友行要小心安全

*由扶輪營地出發慢行大概要用1.5小時左右登頂,來回就要用3小時了,記得預留時間

*綠色小屋大閘前有一個觀景台停車位,但假期定必爆滿,不要嘗試挑戰幸運,因山路也常塞車,車一上一落會消耗很多時間

行山路線6. 元朗大棠紅葉路(難易度:★★)

10大初級親子行山路線推介 欣賞香港靚景簡單易行

今次我們揀了23日 (星期日), 魚子媽:「因為22、 23日有嘉年華,12月22、23、25及26日仲有特別九巴68R, 直通去大棠,又快又行少好多路㗎! 」

平常要去大棠,在朗屏站有免費接駁巴士K66,只要坐大約40分鐘便到逹,或者坐小巴$5也可以。 (K66乘客在「大棠山路」落車. (尾二站)

10大初級親子行山路線推介 欣賞香港靚景簡單易行

10大初級親子行山路線推介 欣賞香港靚景簡單易行

不過, 每年也有數天有特別班次九巴, 所以,今天我們便在元朗站, 形點I商場地庫的巴士總站乘坐68R前往。

10大初級親子行山路線推介 欣賞香港靚景簡單易行

不停站的直通巴士,真的飛快, 不用20分鐘便抵逹,平常坐巴士也暈車浪的SY:「好嘢! 20分鐘,我唔洗暈浪就已經可以落車~正。」

10大初級親子行山路線推介 欣賞香港靚景簡單易行

而且, 68R停泊於「大棠山路」前半段位置, (即省了約15分路程), 我們慢步5分鐘便已到燒烤場下的入口處。

10大初級親子行山路線推介 欣賞香港靚景簡單易行

我們再向前走,小朋友還很高興的嘻嘻哈哈,這兩位小朋友一見面就傾不停,子子不停的笑,真的為我們帶來不少歡樂。

10大初級親子行山路線推介 欣賞香港靚景簡單易行

約10分鐘,我們便已經是漁護署苗圃,SY說:「我記得上年我就係當咗地下啲橙皮係紅葉」(我: 上年應該行到E度就差唔多到紅葉終點)。

10大初級親子行山路線推介 欣賞香港靚景簡單易行

「大欖林道大棠段」, 紅葉真的愈來愈多,而影紅葉的朋友亦開始出現,我們也當然不放過影大合照機會呀!

10大初級親子行山路線推介 欣賞香港靚景簡單易行<

而我們的目的地「吉慶橋休憩處」正正就在再向前走5分鐘的地方,Yeah!! 我們到逹目楓香林啦!!

10大初級親子行山路線推介 欣賞香港靚景簡單易行

可惜,今年有點失望, 除了毛毛雨, 天氣忽然轉冷外, 紅葉還未紅,以政府官方網頁顯示,目前也只是黃->紅的階段,即是可能再過一星期,紅葉可能才會更美。

10大初級親子行山路線推介 欣賞香港靚景簡單易行

不過, 小朋友不理三七二十一, 還是要瘋狂的在地上執紅葉,SY:「子子我哋要執好多、好多、好多、之前就會部掟上天,一定好似落雪咁靚。」

10大初級親子行山路線推介 欣賞香港靚景簡單易行

 

阿太:「得一兩棵咋喎…」; SY說:「我哋都未見到廁所,有廁所就有紅葉」;子子哈哈大笑:「點會廁所同紅葉有咩關係?哈哈哈」

10大初級親子行山路線推介 欣賞香港靚景簡單易行

10大初級親子行山路線推介 欣賞香港靚景簡單易行

<

大棠山道路口(大棠山路站)(尾二站)下車 → 沿大棠山道直上 → 大棠郊野公園燒烤場 → 漁護署苗圃 → 大欖林道大棠段 → 吉慶橋休憩處 (楓香林)

其他觀賞紅葉地方:
香港中文大學未圓湖
城門郊野公園
青衣公園
香港動植物公園

交通資訊:於朗屏MTR站乘免費接駁巴士K66 或 專線小巴 $5, 在大棠山道巴士尾二站下車, 並沿車路步行上山約45分鐘到達楓香林。

行山路線7. 香港仔灣仔峽 參觀警隊博物館(難易度:★★)

灣仔峽至香港仔是港島市區熱門路線之一,屬最初級路段。想行呢段路的話,可以先乘巴士到灣仔峽道,參觀1976年成立的警隊博物館,前身為灣仔峽警署,逾700件展品在五個廳展出,包括歷史展覽廳、三合會及毒品展覽廳亭等珍品,值得一看。之後往香港仔水塘道行,沿路是寬闊石屎路,約半小時便看到香港仔水塘,由下向上望非常壯觀,其後沿健身徑走到傷健樂園,設有樹木廊及奇趣徑參觀展覽,認識附近生態,附近更有燒烤場,一家人享受燒烤樂,最後沿香港仔水塘道下山。

遠足徑

遠足徑
灣仔峽起點的警隊博物館,內有700多件展品。
遠足徑
香港仔水塘一帶屬市區難得好風光,沿路平坦易行。

全程需時:1.5小時
前往方法: 中環碼頭或金鐘港鐵站乘15號巴士,灣仔峽道下車。

行山路線8. 西貢 赤徑 行山兼上生態課(難易度:★★★)

赤徑是西貢著名旅遊景點,家樂徑全長1.5公里,是一條小環迴徑。今次推介的是赤徑至黃石行山徑!黃石路徑較短,但風景非常優美,走到高處,仲可以飽覽山海景色啊!途中會經過全港十大濕地之一的土瓜坪,可以見到招潮蟹、彈塗魚等,行山兼上埋生態課!另外,香港共有8種紅樹林,而在赤徑已能找到其中7種,如有木欖、海漆、老鼠勒、桐花樹、白骨壤、水筆仔等。

遠足徑

遠足徑
沿途會經過土瓜坪廢村,村中宗祠和村口社壇都保存不錯,可以跟孩子上一課歷史課!
遠足徑
過了土瓜坪後,往鹹田方向走便可以到達景觀開揚的碼頭啦!在此處不妨多逗留一陣啦!呢度仲可以野餐添!
遠足徑
行3小時左右,就會到達黃石碼頭啦!

全程需時:3小時
交通:於西貢碼頭乘94號巴士前往北譚坳站下車,到對面馬路就有路牌指示往赤徑的路線!

行山路線9. 城門水塘 沿途猴子相伴(難易度:★★★★)

要數又有靚景,又易行的,城門水塘一定是其中一條啦!城門水塘周邊的遠足路線繁多,主線是一道平坦的環塘路徑,平坦易行,上落不多,全程約 8.5 公里,途中有濃密樹木遮蔭及不少休憩點可供休息。城門水塘塘畔廣植白千層,在塘水滿溢時,白千層倒影處處,不少電視劇也來這裏取景,靚景靚樹吸引不少遊人前來遊覽!不過要注意的是,當你欣賞靚景時,可能會有猴子相伴,所以要小心「食材」不可露眼!

遠足徑

遠足徑

 

遠足徑
城門水塘附近的白千層林, 整齊排列在林道兩旁, 是近年拍攝婚紗照熱點之一。

遠足徑

沿著遠足徑而走,會經過大城石澗,綠草如茵,是最佳的拍照景點!城門水塘是有名的生態樂園,秋冬最多雀鳥及蝴蝶,大批候鳥前來過冬。城門水塘菠蘿壩為起點,附近有小食亭及公廁,上樓梯便到達平坦易行的菠蘿壩自然教育徑,行約10分鐘便看到蝴蝶園,園內種植了多種植物,吸引多種蝴蝶繁殖!

遠足徑

遠足徑
潺潺流水也是此路征的特色之一。
遠足徑
秋冬季水位較低,有機會看到水塘露出土丘。

城門郊野公園遊客中心

起點左邊的樓梯拾級而上,不消幾分鐘就到公園的遊客中心,免費開放兼有冷氣歎,仲有展覽睇!遊客中心內有多項關於城門水塘內的生態展覽,亦有3D 立體遊戲玩!

遠足徑

遠足徑
行到攰,入嚟玩吓嘆下冷氣都好!
遠足徑
路途上不時有馬騮出沒,不過要記住唔好餵佢哋食嘢啊!否則有機會引來一大班等開餐的猴子猴孫跟住你!

野餐勝地

行到攰,要食啲嘢充電,點可以錯過呢個靚景野餐勝地呢?背樹面湖,一大片綠草同新鮮空氣陪住你,啲嘢自然特別好食啦!

遠足徑
去到水塘一半的轉角位開始,就幾有個巨型塘畔草地及石澗, 是野餐選址的最佳地點!
遠足徑
當行到城門水塘主壩時,提示離終點在前不遠。
遠足徑
沿途仲有機會見到牛牛!
遠足徑
起點及終點也是菠蘿壩,乘小巴來往荃灣市中心。
遠足徑
圍繞城門水塘走一圈,又回到起點啦!

全程需時:4小時
交通:荃灣兆和街乘 82 號小巴至城門水塘菠蘿壩小巴站下車

行山路線10 . 烏蛟騰去荔枝窩 小溪流水古鄉生態遊(難易度:★★★★)

烏蛟騰去荔枝窩 ,路面平坦易行,上落不多,中途有很多自然環境生態,包括紅樹林、火成岩等,有流水小溪,是一條好適合小朋友行山的路線,路程雖長但易走,小朋友行山不會覺得辛苦,是個遠離城市郊遊的好去處。

搭東鐵去到大埔墟站,再坐小巴20R去烏蛟騰 。因為那天是星期日,太多行山人士等這小巴,班次又不算多,我們等了超過45分鐘,所以建議如果小巴多人,去烏蛟騰直接乘搭的士好了,免得浪費時間。

10大初級親子行山路線推介 欣賞香港靚景簡單易行

到達 烏蛟騰 ,要向右邊方向的九担租開始行,才會見到生自然環境生態及靚景,如果行左邊直接去去荔枝窩,只有好斜的山路樹境,境色天淵之別。記得對著路牌向右行向九担租方向行。

10大初級親子行山路線推介 欣賞香港靚景簡單易行

沿途見到紅葉,都是一個景點。

10大初級親子行山路線推介 欣賞香港靚景簡單易行

沿途都是我喜歡的山路不是石屎路。因為平路為多,所以TTCC行得好舒服好快。

10大初級親子行山路線推介 欣賞香港靚景簡單易行

沿途會見到一些木柱或石柱建築,好靚好得意好特別,平時喜歡行山的我好少見到。

10大初級親子行山路線推介 欣賞香港靚景簡單易行

小溪流水 景色優美

其實沿途見到好多景色都好美麗,有小溪流水,有火成岩。

10大初級親子行山路線推介 欣賞香港靚景簡單易行

10大初級親子行山路線推介 欣賞香港靚景簡單易行

往三椏村去

跟指示路牌向三椏村去。

10大初級親子行山路線推介 欣賞香港靚景簡單易行

層層火成岩

沿途會見到火成岩。火成岩,從地表溢出的熔岩冷卻形成岩石,但溢出年代不同,形成岩石的年代也就不同,不同層的岩石,就是在不同年代形成。又因為形成時間不同,受風化的時間及程度也都不同,所以有一層一層的外貌。

見到一些火成岩或小溪,都是行山人士影相的熱點。

10大初級親子行山路線推介 欣賞香港靚景簡單易行

用一嚿嚿大石搭出來的山路好得意。

10大初級親子行山路線推介 欣賞香港靚景簡單易行

火成岩的路

10大初級親子行山路線推介 欣賞香港靚景簡單易行

小橋配竹葉

在路上,一條特色小橋配上竹葉,我都覺得都好靚。

10大初級親子行山路線推介 欣賞香港靚景簡單易行

也經過一些植物的根從地面出來的植物。

10大初級親子行山路線推介 欣賞香港靚景簡單易行

粉紅色的石

粉紅色的石次所以變紅,是因為岩石內的鐵氧化。好特別好靚。

10大初級親子行山路線推介 欣賞香港靚景簡單易行

紅樹林

經過一條小溪,又有紅樹林,超級靚。這個打卡點超靚呀!其實香港真係有好多地方好靚!

10大初級親子行山路線推介 欣賞香港靚景簡單易行 10大初級親子行山路線推介 欣賞香港靚景簡單易行

每次經過小溪都有這些石柱搭出來,好特別好靚。

10大初級親子行山路線推介 欣賞香港靚景簡單易行

這個打卡點超靚呀!其實香港真係有好多地方好靚!

10大初級親子行山路線推介 欣賞香港靚景簡單易行

三亞村士多

去到三亞村,因為士多客人眾多,我們沒有停下來食東西。直去 荔枝窩 ,幸好我有帶行山必備小食 —— 燒賣,哈哈!

10大初級親子行山路線推介 欣賞香港靚景簡單易行

10大初級親子行山路線推介 欣賞香港靚景簡單易行

終於到達荔枝窩 。

10大初級親子行山路線推介 欣賞香港靚景簡單易行

這個位置只是枯萎了的樹木,都覺得好特別。

10大初級親子行山路線推介 欣賞香港靚景簡單易行

這裏的樹的根是浮出地面,好特別。

10大初級親子行山路線推介 欣賞香港靚景簡單易行 10大初級親子行山路線推介 欣賞香港靚景簡單易行

荔枝窩古色古香

在 荔枝窩 景點影返張靚相。全程約用2小時30分。

10大初級親子行山路線推介 欣賞香港靚景簡單易行 10大初級親子行山路線推介 欣賞香港靚景簡單易行

留意回程

如果錯過回程的船期,也有另一方向返回 烏蛟騰 。當然可以行回頭路返回 烏蛟騰 ,但是聽村民說有另一邊山路會快一點,所以我們聽他們說在另一邊返回,可惜捉蟲了!因為這邊山路好斜,上山行得好辛苦!幸好TTCC行山技巧不錯及有耐性,如果他們是港孩小王子小公主,一定行不到。如果要返回 烏蛟騰 ,最好行回頭路好了。

沿途就是這些山路。這條路就是如果排起點開始向左行的路線。

10大初級親子行山路線推介 欣賞香港靚景簡單易行

更多精選內容