【親子好去處】BB級行山 30分鐘登上天水圍後山 睇日落放風箏 @ 淋坑山

【親子好去處】BB級行山 30分鐘登上天水圍後山 睇日落放風箏 @ 淋坑山

【親子好去處】我經常問魚子媽:「秋天喇喎…幾時帶我去行BB山呀!!」; 魚子媽:「天水圍你又話嫌遠….(我: 唔遠, 唔遠, 周末一齊去啦!)」於是, 上星期日我們又展開了久違了的BB級行山之旅啦!!

撰文:大仁生活 | 圖片:大仁生活| 編輯:Kamen

30分鐘登上天水圍後山

DCIM/106MEDIA/DJI_0010.JPG
圖片:大仁生活

我們相約16:00 於天水圍西鐵站A出口等, 之後便走到下面巴士總站, 乘K76至總站天恒商場. 魚子媽:「E個巴士總站係新起㗎, 以前要行去對面先搭到車嘅」

圖片:大仁生活

原來由地鐵站坐至總站也不用10分鐘, SY:「乜咁快就到? 我都仲未同子子研究完陀螺」

圖片:大仁生活

就在天恒與天澤商場中間的一條直路, 前方有一條小橋, 原來就在橋的對岸便已經看到我們今次的目的地, 天水圍後山 .

圖片:大仁生活

魚子媽:「其實佢叫淋坑山, 不過佢好矮, 全高都係得81米…」

圖片:大仁生活

我:「奇怪…點解明明座山係我哋條橋前面, 但係…無得直行嘅?」

圖片:大仁生活

魚子媽:「我哋轉左一直行, 就會見到紅綠燈…(吓?? 明明係對面, 就要兜咁大截路??), 其實, 轉右都一樣得, 因為大馬路兩邊都有個缺口, 好多街坊都係咁出入….」不過, 馬路如虎口, 交通規則要遵守!

圖片:大仁生活

輾轉兜了一大段路, 我們便走到馬路的另一邊, 左手邊路旁會發現一個入口, 一大幅丟空的爛地, 亦有哥哥在玩航拍機.

圖片:大仁生活

穿過爛地走上雜草叢間, 上山的路就是在這裡開始…看一看錶時為16:40

圖片:大仁生活

魚子媽說:「其實E個山每朝都有好多叔叔姨姨嚟晨運, 所以好簡單, 好易行」雖然, 部份路段比較斜, 但又有一級一級的石階, 實在一點也不困難.

圖片:大仁生活

不過, 我家有位比較起我更少運動的大嬸, 一邊行一邊喘氣地說:「好難行, 我仲以為平路, 好斜好斜」

圖片:大仁生活

我:「D街坊老友記朝朝係度晨運, 你好似仲水皮過佢哋喎」說時遲那時快, 魚子媽:「你睇一睇後面, 我哋行咗一半啦, 後面就係我哋頭先落車嗰度囉」(嘩!! 正喎, 咁快就行咗一半)

圖片:大仁生活

再上約2分鐘, 子子便大叫:「E度就係Check Point 1啦」; 我:「Yeah!! Yeah!!」; SY:「真係好快喎, 咁有冇 Check Point 2呀?」

圖片:大仁生活

魚子媽用手指指一指前方, 原來 Check Point 2 就在前方約5分鐘的路程…我說:「嘩!! BB級數嘅山真係啱晒我, 話咁快就行到上山頂」

圖片:大仁生活

不計巴士總站到山腳的路段, 由爛地開始計起, 30分鐘便可登山至最開揚的一個75m標高柱.

圖片:大仁生活

人在山嶺上, 可以360飽覽天水圍之餘, 還有深圳灣大橋, 后海灣及流浮山…

圖片:大仁生活

魚子媽準備了風箏, 魚子爸是放風箏高手, 兩三下手勢, 大大隻海棉寶寶便已經高掛天空上.

圖片:大仁生活

杯緣子專家都有為SY預備風箏, 可惜是一隻$20的扭蛋風箏, 大家用盡九牛二虎之力, 最後還是靠魚子爸的技藝, 勉強能隨風飄揚.

圖片:大仁生活
圖片:大仁生活

魚子媽說:「終於完成我行山放風箏嘅心願啦」, 而我家主子當然心願就是幫緣子拍照…其實, 正所謂: 日本有「我老婆日日都扮死」, 香港都有「我老婆日日都影緣子」是也.

圖片:大仁生活

山頂其實一早己有不少龍友在等待日落, 亦有小情侶在享受黃昏, 而散步聊天的人士也不少, 小小的山頭, 一點也不寂寞.

圖片:大仁生活

黃昏6時, 橋方位置正正就是日落西山的情點, 山上人人也目不轉瞪的為太陽伯伯留倩影…除了我們的兩位小朋友…

圖片:大仁生活

他們很高興的大笑大叫, 其實我不明白他們說甚麼笑甚麼, 只見他們連望到野花又笑一大餐, 可能心情開朗得變傻了…哈哈

圖片:大仁生活
圖片:大仁生活

無憂無慮就是最好…一覽無遺望著鹹蛋黃漸漸下沉, 真的很治癒…我要再約魚子媽下次再去另一個BB山頭先得.

圖片:大仁生活

更多精選內容