【白色強人】姜大衛與妻相愛45年 𢹂手走過抗癌路

【白色強人】姜大衛與妻相愛45年 𢹂手走過抗癌路

最近TVB電視劇白色強人》已經播放到第3個星期,劇中陣容鼎盛,好評如潮,不少人都有追看郭晉安姜大衛的「醫改」爭鬥,簡直叫人緊張!姜大衛(John哥)入行超過60年,他跟太太李琳琳結婚45年,一直是圈中出名的模範夫妻,早年更陪伴太太走過抗癌之路,兩夫妻感情更勝從前!
撰文:Kammy|圖片來源:姜大衛微博節目截圖

白色強人》與郭晉安大鬥演技

醫改方案可謂是《白色強人》的重心主題,劇中飾演明成北醫院院長呂仲學的姜大衛,更與郭晉安展開權力鬥爭,他亦曾以病人的安危來,甚至要求郭晉安封刀來脅對方就範。不過,姜大衛在劇中因患上肺癌,要馬國明與郭晉安聯手動手術去切除腫瘤,但姜大衛因手術期間感染腦膜炎,令他一度陷入昏迷。

白色強人 姜大衛
白色強人》中飾演明成北醫院院長呂仲學的姜大衛,更與郭晉安展開權力鬥爭
白色強人 姜大衛
白色強人》中姜大衛更要求郭晉安封刀來脅對方就範
白色強人 姜大衛
姜大衛在做手術前依然反對醫改方案
白色強人 姜大衛
姜大衛在手術期間感染腦膜炎,令他一度陷入昏迷。

姜大衛李琳琳結婚45年 攜手走過抗癌路

現年71歲的姜大衛同太太李琳琳於1974年結婚,育有兩女一仔,大女姜依蘭07年嫁曹永廉,二女姜依文亦已組織家庭,現居溫哥華,細仔姜卓文是李琳琳於1995年以48歲高齡誕下,現年僅23歲。2011年中李琳琳被爆患上大腸癌,手術後卻因癌細胞擴散至淋巴位置,要進行化療,被傳媒影到激瘦如同紙版人,不過經過老公姜大衛悉心照料,兩年後李琳琳終於戰勝病魔,兩公婆感情更勝從前,John哥早年接受傳媒訪問時表示:「嗰段時間我的確係好擔心,唯一可以做嘅就係共同面對。四十幾年感情,其實唔需要講出聲都知,大家都係冇咗對方唔得嘅!」

白色強人 姜大衛
John哥經常做跟得丈夫陪老婆見朋友,老婆同朋友幾個女人傾足成粒鍾,佢就坐足全程冇嗌過悶、冇叫過走,更加唔會低頭玩手機,食完仲會主動埋單,呢啲咪就係好老公囉!
白色強人 姜大衛
李琳琳患病期間,姜大衛放低工作,陪太太對抗病魔,2014年大病初愈嘅琳琳姐暫未長肉,身形瘦削得如同紙板人。
白色強人 姜大衛
姜大衛同琳琳姐經常糖黐豆出巡,兩公婆形影不離,真係圈中夫妻嘅最佳典範。

婚姻之道 互相包容

講到45年婚姻相處之道,姜大衛認為最重要係互相包容,佢話自己年輕時好多事情都會堅持己見,睇唔順眼就會出聲,但隨住年長的看法也有所不同:「之後會明白其實好多執拗都冇乜大不了,總之唔傷害到自己同別人就得啦。兩公婆嗌交,都係因為睇法唔同。後生時,我哋總係想改變對方,但慢慢就會知道,有啲嘢係冇得迫嘅!」

白色強人 姜大衛
Keep住幕前演出、又有老婆陪又有兒孫福享,姜大衛依然健康又有台型,完全唔似71歲。
白色強人 姜大衛
姜大衛同琳琳姐結婚45年,佢話以前都會因為想改變對方而嗌交,但慢慢就學識咗互相包容。

細仔入圍《全民造星II》姜大衛為子打氣

ViuTV今年推出全新一輯《全民造星II》,日前ViuTV在公佈96位入圍參賽者名單及造型照,出生演藝世家嘅姜卓文除了父母姜大衛、李琳琳都是演藝界外,祖父嚴化(姜克琪)、叔伯秦沛、爾冬陞、家姐姜依蘭、姐夫曹永廉、堂兄姜文杰和堂姊姜麗文都係圈中人,真係超級星二代!而佢喺自我介紹嘅專長一欄中,寫上演戲,唱歌,Rap,真係拭目以待!John哥話最初唔知道個仔參加咗《全民造星II》,係卓文參加後才告知,John哥話對囝囝都好有信心,希望佢可以入到50強,不過輸贏唔係最緊要,最重要係攞人生經驗,John哥話希望條路係由兒子行出來,而唔係一出嚟畀人話「佢係姜大衛個仔。」真係愛子心切!

白色強人 姜大衛

白色強人 姜大衛

ViuTV周一晚開始在網上舉行「Eye Catching Idol」選舉,5位最多心心嘅《全民造星II》參加者可直入次回合60強,姜大衛與太太李琳琳話佢哋已經畀咗心心支持囝囝,仲希望大家多多支持細John,真係廿四孝好爸爸!

白色強人 姜大衛

白色強人 姜大衛

孻仔孻心肝,加上老來得子,老婆李琳琳95年以48歲高齡誕下孻仔姜卓文,同大女依蘭年齡足足相差21年,二女依文亦相差9年,所以John哥好錫卓文。

白色強人 姜大衛
李琳琳在95年以48歲高齡生孻仔姜卓文,明顯是家中寶貝的卓文,就好鍾意嗲媽媽。

 

白色強人 姜大衛
姜卓文相當乖仔,唔會只掛住玩唔黐家,反而經常會抽時間陪父母。

John哥細仔卓文原來對演戲唱歌都有興趣,更視爸爸為學習對象。據知情者透露,「卓文細細個已經對做戲好有興趣,成日問爸爸做戲啲嘢,John哥都好鍾意同個仔分享自己經驗,佢畀好大自由度個仔,但就講明要佢讀完大學先諗去向,而卓文都好乖仔,好畀心機讀書,去年就大學畢業。」據知情者透露:「因為年齡相差咁遠,家姐依蘭好錫細佬,嗰時爹哋媽咪好忙,依蘭就幫手湊細佬,所以卓文好尊重呢個家姐,亦同姐夫曹永廉好friend ,佢成日都同兩個姪仔姪女玩,掉番轉睇住家姐兩個仔女大。」

白色強人 姜大衛
15年農曆年,姜大衛一家人新春團拜,當時20歲的卓文(最後排左一)已經高過爸爸。
白色強人 姜大衛
同老竇姜大衛冇年齡代溝,兩父子經常孖住出動。

青靚白淨

眨吓眼卓文已經23歲,長得高過爸爸,而且生得青靚白淨,似足韓仔feel,同爸爸以前個大俠Look好唔同,好啱呢個年代發展,呢啲外形好煞食。去年大學畢業的姜卓文,之前秘密去試鏡,John哥接受訪問時曾透露:「個仔想做明星,我哋唔會阻止,佢之前去咗試鏡,未知結果,要我帶佢入行好易,但我想佢靠自己。」

白色強人 姜大衛
白淨大隻之外,仲有韓仔最煞食嘅單眼皮。
白色強人 姜大衛
都話身教最重要,能夠教到個個仔女都咁孝順,姜大衛本身亦是廿四孝女婿,之前本刊影到John哥就陪老婆約岳母到又一城吃越南菜。

姜大衛對女婿讚不絕口

早幾年John哥同女婿曹永廉喺《公公出宮》同《超時空男臣》密密合作,《公公出宮》中曹永廉更同現實一樣,都係扮演John哥嘅女婿角色,成就曹永廉攞到最佳男配角獎。John哥對女婿大讚話:「佢個角色唔容易演,但佢演得到!」至於拍戲時,廉記又會點樣稱呼John哥?John哥笑指以前會同佢講喺錄影廠要叫John哥,唔好叫外父!但廉記就笑言依家叫咩都冇所謂啦!

白色強人 姜大衛
曹永廉大讚外父John哥好開通,從來唔會幹涉佢哋對小朋友嘅教育,令三代人相處得好舒服。
白色強人 姜大衛
廉記話一對仔女都好喜歡公公姜大衛,差唔多日日都會上公公屋企,一家人相處得樂也融融。
白色強人 John哥
曹永廉同John哥近年經常合作,首次合拍慨《公公出宮》更攞咗最佳男配角獎,當然唔少得要多謝John哥。

演藝世家出身

姜大衛係演藝世家出身,與大哥秦沛及同母異父弟弟爾冬升三兄弟感情勁好,John哥自4歲開始做童星,66年加入邵氏做武師,得到大導演張徹賞識,擔正《游俠兒》主角。70年更憑《報仇》一片成為香港首位獲得亞洲影展最佳男主角嘅演員。73 年,John哥再憑電影《叛逆》獲得亞洲影展最具性格演員獎。

白色強人 姜大衛
姜母與姜氏三兄弟,左起秦沛、姜老太、姜大衛和爾冬升,爾雖與兩兄長同母異父,但感情極好,有空三兄弟便陪着媽媽。

愛拍搞笑武俠劇

姜大衛曾表示最鍾意演武俠片,除此之外就係喜劇,早前《翻生武林》就集合晒John哥最鍾意嘅兩種類型,劇中John哥一人飾演「慈悲老人任我飛」和「武林盟主慕容風」兩個角色,戲份勁重。

白色強人 姜大衛
71歲姜大衛打得又演得,寶刀鋒利得嚟仲未生鏽。
白色強人 姜大衛
姜大衛喺新劇《翻生武林》入面仲好好艷福㖭!
白色強人 姜大衛
劇中蕭正楠同陳凱琳都陷入姜大衛籌謀已久嘅復仇大計中,可說John哥係劇中嘅最大反派boss。

姜大衛童星出身

出身演藝世家的姜大衛童星出身,在1959年經典黃梅調電影江中,與哥哥秦沛及妹妹嚴慧兄妹檔於街上唱戲恥笑未婚產子的林黛。

白色強人 姜大衛
姜大衛 童星出身

71年24歲一臉稚氣

白色強人 姜大衛
呢張攝於1971年嘅圖片,24歲梳咗個蛋撻頭嘅姜大衛,眼神充滿童真,青靚白淨一臉稚氣之餘仲有一份文青感。

77年30歲浪蕩不羈

30歲嘅John哥,一身白色綁帶開胸衫,為佢平添一份瀟洒又浪蕩不羈感覺。
白色強人 姜大衛

70年《報仇》封亞太影帝

電影《報仇》中John哥ending直搗黃龍一個殺幾十個,最後手刃殺兄(狄龍)仇人後,一身白色中山裝染滿鮮血死去,痛快悲壯嘅演出為佢贏得第16屆《亞洲影展》(後改名亞太影展)「最佳男主角」,成香港首位亞洲影帝。
白色強人 姜大衛

73年《叛逆》奪性格演員獎

有時笑起嚟有種邪魅feel嘅John哥,演同陳美齡相愛嘅富家子,兩人同為理想、愛情離家出走,充滿叛逆感嘅演出為佢獲頒第19屆《亞洲影展》「最具性格演員」獎。
白色強人 姜大衛

銀幕最佳拍檔狄龍

姜大衛同狄龍自69年《死角》首次合作後,俾邵氏打造成兄弟檔,一個狂傲叛逆、一個老實正直,呢對炙手可熱當紅巨星CP合作無間,見證邵氏電影黃金年代,兩人同住一宿舍生活整整六年,戲內戲外都形影不離。
白色強人 姜大衛

《刺馬》最經典合作

73年電影《刺馬》中,狄龍因勾義嫂加上沉迷功名利祿同結拜兄弟姜大衛、陳觀泰反目,John為報殺義兄同奪妻之仇,混入軍中將已官拜兩江總督嘅狄龍擊殺,場面蒼涼悲壯俾奉為經典,07年重拍成《投名狀》。
白色強人 姜大衛

78年照顧弟弟爾冬陞

爾冬陞係秦沛同姜大衛嘅同母異父弟弟,77年入行第三部電影《三少爺的劍》就做男一,同公司John哥對當年19歲嘅弟弟爾冬陞照顧有加,盡做哥哥嘅責任。
白色強人 姜大衛
白色強人 姜大衛

撐弟客串《三少爺的劍》

姜大衛為撐弟客串楚原執導嘅《三少爺的劍》演慕容金龍一角,片中俾妹妹利用去殺演三少爺謝曉峰嘅爾冬陞、同凌雲演嘅燕十三。
白色強人 姜大衛

*電視代表作*

80年麗的《大內群英》

80年姜大衛首拍電視劇,喺麗的電視(亞視前身)清裝武俠劇《大內群英》(獲選馬來西亞傳媒界二十世紀華語電視劇集100強第11名),演文武雙全、足智多謀、重情重義嘅曾靜,演得光芒四射,喺98年無綫劇集《乾隆大帝》再演曾靜。
白色強人 姜大衛

94年無綫《再見亦是老婆》

93年姜大衛加盟無綫,翌年劇集《再見亦是老婆》做男一,演嘅于禮和因美艶女星投懷送抱搞婚外情而抛棄家庭,後嚟浪子回頭氹番肥師奶老婆陳秀雯,劇集大受歡迎,令兩人人氣急升。
白色強人 姜大衛

更多精選內容