BB攝影｜影相留住珍貴時刻 B女初生至一歲寫真全紀錄｜Kami
撰文&圖片：Kami ｜編輯：Don
BB攝影1：初生BB適合上門影相
初生寶寶係最可愛既時候，好多父母都會同岩岩出左一至兩星期左右既寶寶影 NB (New Born)相！因為初生BB 太細唔出得街住，我地就叫左攝影師上門幫麥皮妹妹影～每地主要影D 簡單又唔會包到佢實既相 (都真係有D 驚整到佢)
另外影之前有好多野要注意：
– 拍攝時要注意幫 BB 保暖，有需要就要開暖氣
– 使用既道具或被鋪等最好自己準備，以免 BB會敏感
– 初生BB攝影前最好餵好奶、換好片，同埋佢地熟睡既話就可以影到好多靚相
當然影 NEWBORN 相都係初生寶寶係主要，只要佢地舒舒服服就點影都得！
記得多帶幾套服裝
3個月既麥皮妹妹唔再係一舊飯，只係好多表情，仲可以抬頭趴係度同半坐！呢個時候佢地未識反抗，就可以影多 D可愛既造型。媽媽鐘意 Winnie The Pooh 所以麥皮妹妹就化身做一隻可愛既小 poohpooh。
去 Studio 影呢d 相記得帶多幾套衫去影，如果 BB 容易敏感既話就自備衣服就最好，因為Studio D衫雖然有洗過清潔過，但始終都好多BB仔著過架。我地影呢間係同朋友仔一齊去既，每位 BB 影15分鐘，所以真係要增取時間，超快手換衫咁就可以影多幾個造型。
9個月既麥皮妹妹識坐、識爬、識攪攪陣，影相個時就成日拎野放入口咬，又周圍爬坐唔定！亦都係最可愛既時候，聽得明人地講咩，笑又笑得特別開心。
如果好多麥皮妹妹成日乜都放入口，就要做好清潔功夫啦；BB攝影時將所有佢有可能擺入口既時都抹一抹或者消毒一下，起碼可以安心少少。同埋著佢地既衣物，記得入面都著底衫，咁就冇咁容易敏感。同埋可以帶佢鐘意既野黎引下佢笑。
BB攝影2：入學相要夠斯文
十個月既麥皮妹妹已經坐唔定啦。同埋今年8月就要為出年N班做準備報定名，所以就去左影入學相！
原來咁快就要影呢D 相，我地都貪得意去影返輯；最重要都係要引小朋友笑，衣著方面都唔駛太正統，斯斯文文咁就我架啦～男仔亦可以著返恤衫仔，就顯得型仔D！
奶油抹面最可愛
就黎一歲，就影返一輯 Cake Smash 蛋糕相，另外仲包一個造型，我地就揀左可愛既小紅帽場景！
要留意既係通常呢d 都未必會包全部相架，我呢間就包 40-50張相，要哂就另外加錢 (約 100-150張)。
其實要引小朋友笑真係好難，同埋會有好多突發野發生；最重要係佢地訓夠食飽先好影，仲要帶佢地鐘意既零食黎引下佢地，咁就會少D扭計！動作方面都係寶寶們自己自主會可愛好多，有時仲會有意思不到既表情動作架。
主角 Cake smash 黎啦！預左會食到成身成面都係，所以要準備定毛巾幫佢抹丫！
同埋要留意蛋糕既成份，有d 寶寶唔食得蛋或者想健康d就可能要自備蛋糕啦～
通常 studio 個 package 都會包埋蛋糕既，要特別款式就要自己同佢傾！其實小朋友差不多一歲，食少少 cream 係唔怕既，只要唔好過量就OK，見佢食得開心又攪笑，都值得啦。
家庭相配合新子裝就最好
今次主要係去影家庭相，不過都有少量麥皮妹妹既獨照！天真可愛既小朋友笑起上黎真係好得人鐘意～
亦好彩麥皮妹妹好容易就會笑，D相影左出黎都好靚！
而家庭相就最好暗地裡襯埋親子裝。咁樣影出黎就會靚好多，多數都係襯色 tone 就唔會太一式一樣！另外可以影 D正經既，一 D係攪笑既，咁就生動好多！
其實影一歲以下小朋友都有好多注意既事項；每個小朋友需要既唔一樣，家長們係影相前同影相個時留意住就好了～小朋友大得好快，而且呢段時間係最珍貴，所以一定要用照片留住美好時光！
