媽媽Group|一同走過懷孕湊B的同路人 共同感受辛酸與快樂 |Kami

媽媽Group|一同走過懷孕湊B的同路人 共同感受辛酸與快樂 |Kami

編按:媽媽Group是一個怎樣的存在?現時的新手媽媽都會至少加入一個媽媽Group或媽媽谷,我們邀請了ZolarPama與大家分享加入媽媽Group的方法,入谷的好處及感受。
撰文及圖片來源:Kami 嘉美‧麥皮b Li 爸媽|編輯:Sunday Kiss

懷孕第一件要做的事:加入媽媽Group

喺知道懷孕後我第一件事做嘅就係尋找「同月份」嘅媽媽 Group!

因為呢件事真係好重要,作為新手媽媽乜都唔識,
加入左媽媽 group 就等於搵到救星咁,因為有一班同你一樣嘅新手媽媽或二胎媽媽,
會分享好多唔同嘅資訊,就好似一個諮詢站,有咩問題係 group 度買就有好多人解答到你!

由產檢、照結構、有咩要戒口、到買咩嬰兒用品等等都可以傾一餐,
就連老公嘅是非都可以任意傾談,可以話係解決好多疑慮!
仲有一齊團購啱用嘅嬰兒用品,
大家都係同一個月份生BB,一到預產期前後大家都會為各位緊張,
到生左之後大家都會 UPDATE 寶寶嘅照片,
見到咁多可愛嘅小寶寶,真係好開心又緊張幾時到自己嘅寶寶出生呢!

媽媽Group聚會做甚麼?

小朋友慢慢長大後,媽媽GROUP 都會攪唔同嘅聚會,
一來大家嘅小朋友見下面,媽媽們又可以聚一聚繼續傾下計一齊玩!
無論係全職媽媽或在職媽媽都好辛苦,真係需要出黎輕鬆下,

大家一齊互相學習做個好媽媽、學習點樣湊BB 等等。

其實由懷孕同湊小朋友大家都一齊經歷,由本身唔識嘅人變成好朋友,
這段時間真係好奇秒,因為好多時老公同屋企人都未必理解到自己嘅心情或湊B嘅難處,
佢地會安慰你,開解你,就好似心理輔導咁,令你知道自己並唔係孤軍作戰,
真係慶幸自己有加入到唔同嘅媽媽 GROUP!

而小朋友亦有一班可愛嘅朋友仔,由係肚入面就已經認識!
通常係生完BB之後都會係 Facebook 或同月媽媽group 入面
搵返同年同月同日出生嘅 BB 組返個「同日 GROUP」

大家可以一齊玩,一齊開生日會,可以比 BB 們有個難忘嘅童年!
因為要識到同年同月同日又可以做到朋友仔真係好難,
希望小朋友們會記得曾經有一班同一日出生嘅朋友。

到宜家麥皮妹妹都1歲啦!
亦要準備去報讀 N班啦,最近媽媽 group 都討論緊邊間學校好,
仲互相提醒大家幾時要報名同面試會考乜!感覺到大家都好有「愛」呀!

加入媽媽Group的方法

我諗大家都想知道媽媽 Group係點樣入同點樣搵到:
1.Facebook Search
2.各大討論區 Search
3.經朋友 share
大家可以用預產期年份月份、生肖去搜尋,之後再係同月份嘅 GROUP 度再搵同日GROUP,
通常媽媽們都會有整個月嘅同日 GROUP Link 比媽媽們加入!
其實比想像中簡單容易搵到啦!
有好多人話媽媽 Group 係「邪教」咁,
其實媽媽嘅心情當然要媽媽們先會明白,有同路人係身邊,心情都會好D!

各位新手媽媽加油呀!

熱愛交流心得的全/半職爸媽們

加入Zolar分享生活體驗,可獲產品試用/折扣、曝光機會、廣告合作、培訓交流!

📝立即報名
(名額有限)➡http://p.nmg.com.hk/fbboki

 

延伸閱讀:BB攝影|影相留住珍貴時刻 B女初生至一歲寫真全紀錄|Kami

 

關鍵詞
爸媽心聲

更多精選內容