五款家常湯水食譜 孕媽媽推介

五款家常湯水食譜 孕媽媽推介

以下家常湯水係我孕期都有飲開嘅,但每人體質有不同,所以飲之前有需要的話可以向醫生了解咗先!今次陀二寶雖然胃口比陀小JM時好,但因為體重唔達標,又試過孕中期有輕微出血及腰痛,所以孕期嘅不同階段,都有煲家常湯水俾自己及家人飲,一齊滋潤下補一補!

 

家常湯水1:杜仲續斷巴戟湯

【我們HEA的家】五款孕期簡易家常湯水推介
孕中期腰痛總係難免,係時候要補腰補肝腎先得啦!杜仲續斷巴戟湯除咗補補肝腎之外,亦有安胎之效,不過這款家常湯水,就係苦啲咁囉。

杜仲: 有補肝腎、安胎之效
巴戟: 強健筋骨
續斷: 同樣有助補肝腎
黑豆: 美髮保髮之選

材料:
杜仲、巴戟、續斷、黑豆、豬骨、生薑、黑棗

講到安胎,其實桑寄生蓮子蛋茶都好正架,滋潤安神之餘又益肝腎,以前做女時有經痛,媽咪都會煲俾我飲。

 

 

家常湯水2:粟米栗子淮山瘦肉湯

【我們HEA的家】五款孕期簡易家常湯水推介

呢款湯四季皆宜,不單止啱晒一家老少,就連孕媽都一樣啱飲。特別適合脾胃虛弱、腹瀉、腎虛腰痛、夜尿頻嘅人仕飲用添架。

 

栗子: 又被稱為腎之果,含豐富葉酸,啱晒孕媽媽
淮山: 健脾益胃,補氣血兼補腰腎

【我們HEA的家】五款孕期簡易家常湯水推介

材料:
粟米、栗子、淮山、紅棗、瘦肉/豬腱

【我們HEA的家】五款孕期簡易家常湯水推介

 

家常湯水3:花膠螺頭舒壓安眠湯

孕後期開始訓得有啲差,一晚醒幾次,攪到個人又好攰,有時仲有少少暈添。
係時候煲返啲安神舒壓湯水幫助入眠,同時要繼續好好補充鈣質、鐵質等多種營養,為日後嘅母乳路做好建設!

【我們HEA的家】五款孕期簡易家常湯水推介

螺頭:滋陰補腎、清熱去濕
淮山:補脾腎、改善頭暈 及 改善血氣虛弱
杞子、圓肉: 有助改善睡眠質素

【我們HEA的家】五款孕期簡易家常湯水推介

材料:
急凍響螺頭、花膠、淮山、圓肉、杞子、豬腱

【我們HEA的家】五款孕期簡易家常湯水推介

 

家常湯水4:蓮藕章魚黑豆湯

【我們HEA的家】五款孕期簡易家常湯水推介

蓮藕章魚黑豆湯不單含豐富營養,仲有補血養顏之效,而且對預防骨質疏鬆亦好有幫助。母乳媽媽飲仲有助泌乳,可幫助催乳及上奶添。

【我們HEA的家】五款孕期簡易家常湯水推介

材料:
章魚、蓮藕、黑豆、去核紅棗、瘦肉/豬腱、生薑

【我們HEA的家】五款孕期簡易家常湯水推介

 

家常湯水5:蓮藕花生排骨湯

【我們HEA的家】五款孕期簡易家常湯水推介

孕後期都啱飲,而且不寒不燥,一家大細都可以一齊飲。最重要係有助補血,同時亦健脾益胃。
母乳媽媽飲咗仲有助催乳添架,可以話係一舉幾得之選。

【我們HEA的家】五款孕期簡易家常湯水推介

材料:
蓮藕、花生、排骨、紫花果

更多精選內容