【學界男女神】新年乜乜乜

【學界男女神】新年乜乜乜

過年喎! 點都要搵啲嘢搞吓嘅! 今次搵嚟6位男女神一齊嚟影番輯賀年相,同大家拜個年!

雖然過年算係最重要嘅傳統節慶,但係對後生仔女嚟講,過年除咗有利是逗同有假放之外,仲有啲咩意義呢?

不如聽佢哋講吓,究竟佢哋過年最憎乜?最Like乜? 同有乜新目標! (記住要睇埋最尾條花絮片呀!!!!)

今次唔玩”扮偷拍”,搵番阿Kat同Jason呢pair真.情侶出嚟,光明正大放吓閃!

咦! Jason好似脹咗啲咁嘅? 不過唔緊要啦! 阿Kat話過佢係肥仔控嚟架嘛! (無懼世事變改,還是愈肥愈愛!)

10739

銳意向模界發展嘅Jason,話佢最鍾意就係過年,因為活動多,工作量會大增! 吓! 明明係假期都咁搏呀? 真係好有事業心喎!

10756

過年咁多好嘢食,食極唔肥又為食嘅阿Kat就梗係Like爆啦! 唔知佢會唔會係第一個唔使減肥都fit爆嘅model呢!? (超葡萄囉!)

10797

下頁有和仔同霏霏

和仔霏霏係同學仔,而且仲一齊拍過廣告同微電影架!

佢哋兩個都係好重視親情嘅人嚟架! 最like過年就係可以同所有屋企人聚埋一齊,有傾有講! 真係乖仔乖女呀!

10891

霏霏不嬲都好積極咁去試鏡,佢新一年嘅新目標,就係想喺更多電影同廣告上面見到自己! 今年應該有機會啦!

11056

和仔個人好內歛,不過佢嘅目標都好大喎! 佢話想去環遊世界呀! (唉~ 呢個目標有邊個唔想丫!? )

10687

下頁有Oscar同貝貝,仲有片睇呀!

Oscar貝貝本身係唔認識對方嘅,編排佢哋一齊影合照,主要係因為高度比較配合啦!

不過望真,其實連外形都幾襯喎!

10986

貝貝話佢最憎就係過年多煎炸嘢食,好易食到爆瘡! 哈~ 女仔都係貪靚嘅!

11014

Oscar話新年嘅新目標,就係可以發展佢嘅演藝事業! 而家仲讀緊Year 1 就已經咁積極,佢真係好想入行喎!

10855

祝大家身體健康! 考試必pass! DSE滿天星!

10971

除咗花絮,佢哋仲話想同大家拜年呀!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: Simpson

拍攝: Anthony Leong

剪接: Candy

美術: C.Ming

Hair+Makeup: EM Makeup

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容