中年好聲音3｜吳家樂否定「造馬論」被嘲洗白 鄧兆尊唔撐隊友趙浚承
趙浚承獲譚詠麟垂青加入香港明星足球隊
曾是男子組合「Square」成員的趙浚承，在大師姐龍婷的推薦下參加《中年好聲音3》，憑實力再度受到關注。近年，他更獲「樂壇校長」譚詠麟賞識，兩人合唱過多首作品，包括《男人的浪漫》，亦曾獲邀擔任其演唱會嘉賓。趙浚承更被邀加入香港明星足球隊，早前更隨隊遠赴汕頭，與譚詠麟、黃日華等重量級藝人參與足球賽事，足見他在演藝圈內人脈廣泛，後台強大。
鄧兆尊唱反調唔撐隊友趙浚承
在由吳家樂與江美儀主持的《娛樂好好玩》中，鄧兆尊直言對李金凱的表現更為看好，並表示：「我一定係用李金凱做膽，拖三隻腳囉，我當佢世界打吡大賽咁睇咋嘛，國際化！全部都頂級……我睇好李金凱。」他坦言雖然趙浚承「係好、係乖、又有恆心、又努力」，但仍認為李金凱更勝一籌，並寄望趙浚承在決賽能有更好臨場表現。與此同時，江美儀則公開表態支持黃博，直言希望黃博能勇奪冠軍，為比賽增添更多懸念。
吳家樂揭簽約內幕：保障選手與電視台
節目中，主持人和嘉賓亦談及外界盛傳「與TVB簽約的選手勝算較大」的說法。江美儀幽默回應：「我唔係親生佢都畀咗個獎我」而曾簽約TVB的吳家樂則分享了比賽簽約的內幕：「任何一個比賽都好，去到final之前都要簽份合約，其實係未開始比賽前已經簽咗一份，首先要知你有冇經理人先，如果你有就要完咗你個經理人合約或者點樣。因為比賽期間如果你有其他合約綁手綁腳呢，人哋資源擺咗落去，如果要換人都好麻煩，之後先會傾其他合約，可能係個（合約）年期喇！好老實，如果唔簽約，你贏咗個冠軍，走去隔離台……呢個（簽約）係好正常。」
吳家樂理性分析被指「洗白」
不過今次吳家樂相對心平氣和的評論，就被網民於YouTube留言直指「洗白」：「《娛樂好好玩》已經變咗《娛樂洗白白》！……意見係，講娛樂，就講返娛樂！唔係洗白白！好似村長咁，講風水，就講風水，講靈異，就靈異！唔係洗白！」另外又有人說「明嘅，其實你地仲要為大台効力，點會話大台造馬，我諗你地連幫参賽者講句公道說話都唔敢！」
吳家樂強調造馬無著數
吳家樂強調，簽約是為了保障選手及電視台的利益，並非外界所猜測的「造馬」手段。他更指出，比賽結果主要取決於選手的臨場表現，難以操控。當晚的評審團更邀請到星級藝人葉蒨文、羅志祥及張智霖坐鎮，吳家樂直言：「咁你話佢哋會唔會同你『造馬』？對佢哋嚟講冇乜着數㗎，如果佢哋畀得唔好，就變相丟佢哋自己架。」
