理大籃神 – 梁兆華
廣告
早前已預告過，學界男女神在2015年起，將會殺入大專界。第一個俾我哋捉到嘅大專男神，其實喺中學時代已經薄有名氣，事關佢曾經喺大大小小嘅籃球賽事，都攞到MVP(最有價值球員)嘅榮譽，仲多次代表香港出賽tim!不過最最最令人印象深刻嘅，梗係佢高大得嚟，又帶點壞孩子氣質嘅chok樣啦! 而家就有請第一位大專界嘅男神，嚟自Poly U嘅梁兆華。
喺球場上，兆華係出名嘅得分王，所以經常獲選為賽事中的MVP，威水史有喺中學最後一年，首先打入全港學界精賽就攞到冠軍；第一年打大專盃，又成功砌低對手。但係最令佢難忘嘅，就係喺2013年嘅NIKE LEAGUE總決賽，喺Kobe Bryant手上攞到MVP!
其實做運動員有啲都幾着數，好似兆華咁，佢中學喺屯門可藝中學讀書，第一年考DSE成績唔係幾好，之後就轉咗去遵理學校repeat一年，因為打籃球打得叻，得到Poly U嘅conditional offer，成功入到大學，而家已經year 2喇!
兆華唔止波打得好，個樣都一樣好睇得! 最近仲比一間專簽運動員嘅經理人公司收歸旗下。不過兆華話仲未諗定係咪想全力進軍幕前，只係想趁後生，試多啲嘢! 而且啱啱又轉投咗南華會，暫時最大嘅目標都係想喺籃球方面打出好成績!
唔夠喉呢? 睇埋片啦!
嚟到2015年，「學界男女神」都要增值吓，唔止要睇盡中學界靚人，仲要殺入大專界！
所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！
參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。
「學界男女神」，等緊你嚟挑戰!
撰文: Joanne
攝影: Paul Choi
攝錄: Anthony
剪接: 豪
Hair: Yan Kwok @Hair
Makeup: Teris May MakeUp Workshop
鳴謝:YHA美荷樓青年旅舍(深水埗)
及
贊助獎品
