【米高媽媽】戀B症級別一至十級妳又中幾多？ 1分鐘自測

撰文&圖片：包包陪細佬b看世界 | 編輯：Chloe

自測戀B症級別

各位爸爸媽媽們，戀B症可分為一至十級，十大病徵妳又中幾多呢？！

第一級別 媽咪爸b痴呆症

每日需要記住bb飲奶時間/出第一隻牙/幾多days日人仔/打針時間表/成長備忘錄，已經用了媽媽們大部分腦部記憶體。

但對於自己久違的facial時間 /買日用品/ 帳單繳費/職埸繁鎖既工作甚至自己生日/結婚記念日等等都拋諸腦後….

第二級別 戀腳癖

BB豬脾，肥嘟嘟的腳趾，仿如一粒一粒新鮮的提子真的好想一啖一啖落去！

第三級別 聲帶炎

見親BB，聲線都不其然提升8度。爸爸對住前世情人病情更為嚴重，變為卡通聲，就好似化身成為樂園裏邊的卡通人物角色咁。又唔見對老婆係咁……

第四級別 妄想症

終日幻想成為bb肚內的一條蟲，當全世界都唔明bb嘅時候。只有媽媽會明白bb外星話，衣衣係肚餓，哦哦係眼訓……仲會妄想第一聲會叫自己，放鬆D啦，爸爸媽媽們！

第五級別 幻聽

明明飲飽奶，安睡寶寶放落bb床關上房門後。坐在房外看電視稍為休息，都好像患聽般聽到bb哭鬧聲音，誰不知道打開房門看還是乖乖的睡著。

第六級別 多疑症

由懷孕初期，已疑心重地擔心著小小的胎兒仍否活著。每次直到照超聲波才安心下來，到bb出世後 半夜放他/她回嬰兒牀睡覺。每隔一小時，都會開著夜燈，把手放於鼻哥前確認呼吸，才能安心再睡。

第七級別 心絞痛

每當小朋友打針或出牙後發燒都會變成緊張大師，不幸感染傷風咳嗽濕疹玫瑰疹等兒科痛症都會心痛不已，恨不得生病的是自己。
生病是小朋友的必經成長路，盡早接受醫生治療，必定能早日康復。

第八級別 過度活躍症

自小朋友能跑跑跳跳後，家長們就好似患上過度活躍症般。每逢週末都會幫小朋友安排上滿滿的活動，心才舒服。
東奔西跑地帶他們上學習班，出席同學們的生日活動，親親大自然，車輪式般放電，在職媽媽務須善用48小時來盡享天倫之樂。

第九級別 儲物癖

自從bb出世後，電話相簿全部都係bb相，為解思b之苦，終日手機睇相睇片。
明明係同一個bb角度 總會影十零廿張相，明明張張都差唔多，但係張張都唔肯delete，電話冇memory是常識吧。

第十級別 偏頭痛

要小朋友贏在起跑線，為了入讀心儀幼稚園，聽聞有超聲波就已經要準備申請。有的甚至為了校網，要孟母三遷，到了報名高峰期，間間學校報名日期方法不一。

還要為寶寶集訓面試題目，細B in N班連爸媽都未叫，就被老師問「小朋友你叫咩名呀？」哎! 空想也頭痛….

戀B症病徵第一至十級 唔知您地會唔會全中呢?

鐘意米高媽媽的分享，可以順手like一like包包陪細佬b看世界