ChatGPT香港｜免VPN直達！SmarTone AI Plan實測5大教學幫小朋友做功課
什麼是 SmarTone「AI Plan」？免 VPN 直達 ChatGPT 超方便
相信唔少家長都聽過 ChatGPT 有幾勁，但一聽到要裝 VPN、搞一大輪複雜設定就卻步。SmarTone 新推出嘅「AI Plan」服務就係為大家解決呢個煩惱！配合SmarTone全港首推的「AI Connect」，就可以透過 SmarTone 網絡，喺香港免 VPN、免額外設定，就可以直接用到 ChatGPT、Claude 呢啲全球最多人用的 AI 工具服務。
SmarTone 仲特設咗 AI 網絡專屬通道，確保大家喺用嗰陣體驗更穩更順，唔會窒下窒下。咁樣就可以按個人需要，隨時探索同比較唔同 AI 平台嘅特點同優勢，減少設定成本同複雜度，輕鬆享受 AI 帶嚟嘅便利。
ChatGPT 教學實測！5大 AI 學習神技 功課溫書無難度
究竟 AI 可以點樣實際幫到小朋友學習？我哋就精選咗 5 個超實用嘅 ChatGPT 教學用法，由整理資料到創作圖畫，一步步教你點樣落 Prompt（指令），將 AI 變成小朋友嘅私人補習老師！
第一式：長文變重點 對功課快速掌握重點
小朋友做常識、語文科功課時，經常要睇一大篇長文再做閱讀理解，家長幫手對功課時隨時睇到一頭霧水都未搵到重點。呢個時候，就可以請 ChatGPT 幫手！
- 場景： 老師要求閱讀一篇關於「香港濕地公園」嘅文章，並歸納重點。
- Prompt 教學： 「請你扮演一位小學老師，用小朋友容易明白的詞語，將以下關於香港濕地公園的文章，整理成5個重點，並用點列式（bullet point）呈現：全文請看圖片」 （家長影相 upload 課文）
- 效果： ChatGPT 會快速將複雜嘅文章內容，消化並整理成簡單易明嘅幾個重點，等家長可以快速了解重點，快速掌握文章主旨，溫書、對功課時自然事半功倍！
第二式：AI 變身英文老師 隨時練習 ChatGPT 英文對話
想小朋友英文進步，多練習係不二法門。但家長未必時時有空，或者對自己嘅英文無信心。其實 ChatGPT 可以化身成一個好有耐性嘅AI 英文老師，隨時隨地陪小朋友做英文對話練習！
- 場景： 小朋友就快有英文說話評估，主題係「My Favourite Animal」。
- Prompt 教學： 「我想練習英文口語。請你扮演一位友善的英文老師，跟我以對話形式，練習『My Favourite Animal』這個主題。當我的文法或用字有錯誤時，請溫柔地指正我，並用中文解釋原因。」
- 效果： 小朋友可以無壓力地用英文同 AI 對話，AI 會即時糾正錯誤並提供解釋，比起單向溫書有趣得多，亦大大提升小朋友講英文嘅信心。
第三式：化身科學博士 複雜概念一秒搞掂
常識科有時會教到一啲比較抽象嘅概念，例如「光合作用」、「水循環」等等，小朋友未必一睇就明。與其死記硬背，不如叫 AI 用生動嘅方式解釋一次。
- 場景： 小朋友學緊科學科嘅「光合作用」概念，覺得好抽象。
- Prompt 教學： 「請你扮演一位科學家，用一個8歲小朋友都聽得明嘅比喻，解釋咩係『光合作用』。請將整個過程講成一個小故事。」
- 效果： AI 可以將複雜嘅科學知識，轉化成小朋友易於理解嘅故事或比喻，將抽象概念具體化，幫助佢哋建立概念，學習自然更深刻。
第四式：AI 變身創意軍師 小學作文諗橋無難度
「媽咪，我唔知篇文點寫呀！」相信係唔少家長都聽過嘅說話。當小朋友對小學作文題目無從入手時，AI 就可以成為佢哋嘅靈感來源同寫作軍師。
- 場景： 小朋友要寫一篇關於「一次難忘的旅行」嘅作文，但諗唔到點寫。
- Prompt 教學： 「我係一個小學五年級學生，要寫一篇關於『一次難忘的旅行』嘅400字作文。請你幫我構思一個文章大綱，包含開頭、經過（最少三個事件）和結尾感想，並提供一些可以用到的形容詞和成語。」
- 效果： AI 可以提供一個清晰嘅文章結構，甚至建議唔同嘅寫作角度同相關詞彙，幫助小朋友建立思路，克服寫作嘅恐懼，而唔係直接幫佢寫完篇文。
第五式：ChatGPT Image 2.0 製圖教學 自製學習卡圖文並茂更好記
除咗文字，AI 亦可以幫手生成圖片！好似 SmarTone「AI Plan」已經可以用到ChatGPT最新的 Image 2.0 繪圖工具，直接在ChatGPT輸入指令，就可以根據你嘅文字描述，創作出獨一無二嘅圖畫，用嚟自製生字卡、概念圖就最啱，而且最新版本AI製圖更加聰明，幾句簡單的Prompt已經可以生成效果理想圖片！
- 場景： 小朋友學緊唔同種類嘅交通工具英文生字。
- Prompt 教學： 「請生成一張可愛卡通風格的學習圖卡，給6歲小朋友學習。圖中要有一架紅色的雙層巴士（Double-decker Bus），並在下方清晰標示英文單字。」
- 效果： Image 2.0 會生成一張色彩繽紛又可愛嘅圖卡，將抽象嘅文字圖像化，幫小朋友加深記憶，學習自然更入腦！家長可以舉一反三，製作一系列專屬嘅學習卡。
ChatGPT 免費版 VS 付費版 (ChatGPT Plus) 有咩分別？
目前 OpenAI 提供免費版同付費版（ChatGPT Plus）俾大家用，兩者有咩分別？簡單嚟講，付費版功能更強大、反應更快，仲可以用到最新嘅功能。SmarTone 嘅「AI Plan」服務就係一個入口，無論你用邊個版本，都可以輕鬆直達。
其實而家免費版ChatGPT已經支援最新Image 2.0相片生成，製作學習卡或者其他圖片的效果都比之前更好，亦減少了好多奇怪「AI字」的問題，家長可以先同小朋友試用免費版，如果覺得 AI 對學習真係有好大幫助，就可以考慮升級。
想小朋友喺AI時代贏在起跑線，與其禁止佢哋接觸，不如教佢哋點樣成為一個精明嘅使用者。SmarTone「AI Plan」服務就係一個最好嘅起點，為家長同小朋友打開AI世界嘅大門。SmarTone網站上亦有一系列嘅「AI生活通」教學，教你更多活用各大AI工具嘅方法。
由今日起，立即登記SmarTone「AI Plan」服務，發掘AI新世代嘅無限可能，同小朋友一齊輕鬆學習、共同成長啦！
ChatGPT: https://chatgpt.com
