Pompompurin Cafe 海外首間分店登陸銅鑼灣
餐廳位於地庫之中，沿著樓梯行到大門，雙眼都好唔得閒，因為牆上畫滿布甸狗海報，打開大門，就有隻布甸狗迎接你。整間餐廳就好似布甸狗生活的布甸小屋一樣，任何一個角落都找到布甸狗與好朋友，更化身多個香港經典造型，包括李小龍、香港的高樓大廈和天星小輪、甚至香港經典小食蛋撻等。
開幕初期會沿用日本菜單，但並非收錄全部菜式，暫時有6款主菜、甜品和飲品各4款，全部都有布甸狗個萌樣，包括墨西哥塔可飯、泰式咖喱飯、卡邦尼意粉、班戟和芭菲，當然唔少得布甸啦！做法跟足日本配方，由日本籍大廚監製，同日本食到嘅一模一樣。
稍後更會推出香港區限定美食之外，亦會於不同時節，推出各種各樣的應節布甸狗造型料理，滿足一眾忠心fans。另外，菜單中有3款菜式均會贈送限定版布甸狗杯，包括拿破崙意大利粉、煙肉蘑菇卡邦尼意粉和班戟塔。這個迷你布甸狗杯市面無得賣，每日限量，粉絲記得點啊。
Pompompurin Cafe
地址：銅鑼灣軒尼詩道525號澳門逸園中心B1F
開業日期及時間：12月21日6pm-10pm
其後每日營業時間：11am-10pm（截單時間 9:30pm）
備註：不設訂位，用餐時間限時90分鐘
撰文：Fiona Chan
相片：Paul Choi
※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。
