教仔鬧得惡得 姚瑩瑩 拒培養溫室小草

教仔鬧得惡得 姚瑩瑩 拒培養溫室小草

入行21年的 姚瑩瑩 ,在TVB經過多年的浮浮沉沉,憑劇集《全職沒女》的男人婆角色羅麗芝人氣反彈。劇中瑩瑩幾乎全素顏上陣,常咬着牙籤,言行舉止粗聲粗氣,把角色演得入型入格。有觀眾指瑩瑩近年的身形發福不少,與十多年前《尋秦記》朱姬的美艷相差甚遠,是否瑩瑩誕下六歲兒子梁淦賢(Evan)之後,覺得不再需要keep fit呢?瑩瑩嘆謂,做女人當然想保持苗條,奈何她備受頸部及膝蓋問題困擾,難以做運動,真是有苦自己知。瑩瑩自為人母後,自己的問題都是小問題,Evan的事才是最重要。Evan兩歲多時突然因血液問題入院,稍有碰撞有機會流血不止而有生命危險,令瑩瑩憂心忡忡。不過瑩瑩沒有因此把囝囝變成溫室小草,反而多帶他到戶外耍樂,鍛鍊強壯身體,更對所有老師講明「鬧得、惡得、唔使錫住佢」,希望囝囝成為一個健康堅強的人。

●撰文:Ling

●攝影:Sing Ho(部分相片由受訪者提供)
●化妝:King [email protected] MAKEUP
●髮型:[email protected] MAKEUP
●場地:MioXpace(tel: 9711 9533)

1
姚瑩瑩 囝囝 梁淦賢 Evan 6歲 Evan好鍾意睇《全職沒女》,笑媽咪在劇中好粗魯,幸好在家中好溫柔,「Sometimes angry, sometimes happy!如果我做錯嘢媽咪先會惡,好似偷糖食。」

貪靚仔 天生600度遠視

訪問當日Evan十分貪靚,帶來自家hair gel,着髮型師哥哥為他gel頭,十分惹笑!他又架起一副黑框圓眼鏡,似足縮小版Harry Potter,年紀小小就要戴眼鏡,以為他有深近視,他立即澄清說:「我係有遠視,600幾度。」瑩瑩解釋囝囝是天生遠視,一直以來看所有東西皆是outfocus,更以為媽媽就是矇查查的影子。「直到佢4歲幾,學校寫信畀我叫我帶佢check吓隻眼,醫生check咗之後就話佢天生有600幾度遠視,好彩佢冇色盲,叫佢攞橙同蘋果佢都攞到,佢睇到顏色同形狀,只不過睇嘢矇。」

Evan告訴媽媽,自小就以為世界是朦朧一片,根本不知道甚麼是清晰,令瑩瑩感到十分內疚。「點解你唔一早同我講?我可以早啲幫你。醫生話唔緊要,戴副眼鏡幫佢眼部兩邊肌肉活動番,佢第一副眼鏡係300度,依家第二副就350度,因為唔可以一開始就戴600度,突然太清佢會暈。」Evan大聲高呼現在看媽媽好清楚,靚了許多!

瑩瑩指沒有一個父母是完美, 自己都是邊湊邊學,Evan聞言即讚父母好好,令瑩瑩感到十分窩心。
瑩瑩指沒有一個父母是完美, 自己都是邊湊邊學,Evan聞言即讚父母好好,令瑩瑩感到十分窩心。

突患ITP 人命關天

小朋友年幼抵抗力弱,容易染病,Evan上學後也曾惹過一些小毛病,瑩瑩會多讓他在家休息,不會強迫兒子返學,堅持上學只會累了孩子。

不過,Evan之前也住過兩次醫院,一次是甲型流感,連續三日發高燒,要食特敏福。「佢個燒係愈來愈高,去到42度,令我好洩氣,醫生一驗就話係甲型流感。護士幫佢吊針,聽到佢大喊大叫,真係心如刀割。」

4
Evan試過兩次入院,但年紀小小的他表現堅強。

3

另一次是Evan兩歲多時,突患上特發性血小板減少性紫癜(簡稱ITP),即身體抵抗力攻擊自身血小板,血小板數字劇減。「佢當時身體出咗好多一點點,好似雀斑,我哋都好奇怪點解佢會有,即刻帶佢睇醫生,醫生話佢唔出得院,如果佢一撞親會流血不止,我當時好驚,但我仲要趕返去拍《愛.回家》,即刻叫工人姐姐同醫生先辦理入院手續,我拍完就會返嚟處理。」

5
經過囝囝的ITP病後,瑩瑩發覺強壯身體、提升免疫力的重要性,現在仍不時留意他有沒有再起「雀斑」。
6
Evan患上ITP後身體出現紅色一點點。

多到戶外 鍛煉身體

不單止瑩瑩,甚至好多媽咪都未聽過ITP,瑩瑩不斷上網搜尋相關資料,自己及先生亦沒有該病歷,但當時最重要是醫好兒子,並非尋根究底的時候。「呢種病大約一萬人有一兩人中,醫生都唔明點解阿仔突然會有,但依家唔係問點解嘅時候,先幫佢打吊針提升番個人,乖乖留院,唔好做劇烈運動,唔可以碰撞,有咩事係人命關天。」

2
Evan天生有600幾度遠視要戴眼鏡,不過他經常戴得好低,像伯伯向下望,令瑩瑩好勞氣,「有時你哋喺街見我好勞氣,可能就係叫佢戴好副眼鏡。」

大約一星期後Evan出院,一個月後康復,瑩瑩有感生命無常,囝囝一直都健健康康,像個活潑小跳豆,想不到突然發病入院,稍有碰撞更會有生命危險,令瑩瑩明白到即使小朋友學識十八般武藝,沒有健康就幾叻都無用。「我寧願病嗰個係我,見到佢喊晒咁好心痛,不過佢都好叻,仲識去開locker,同醫生講想做gym,醫生梗係唔畀啦,佢唔可以撞親。」

9
瑩瑩會由得囝囝做錯事,之後再講道理,例如他試過返學成支水沒有喝,隔兩日就病,他就知道不喝水會病,牢記在心。

瑩瑩沒有因該病而當囝囝是「溫室小草」,反以輕鬆態度面對,由他自由探索,但會提醒那些地方危險不宜亂碰,「好似門唔可以玩,你夾親係你自己攞嚟,媽咪幫唔到你。男仔係要放,但我會成日叫佢小心。」囝囝的性格動靜皆宜,瑩瑩明白到強壯身體、增強免疫力的重要性,現多帶囝囝到戶外踏單車、賞花餵羊、打籃球放電,Evan笑說訪問前才打完波呢!

10
Evan覺得父母最長氣是每日重複「do homework, no candy, no sugar!」
11
Evan 喜歡到戶外接觸大自然,有益身心。

受頸膝問題困擾 難減磅

眼見囝囝現在健康快樂,瑩瑩總算鬆一口氣,卻輪到自己的身體出毛病,令她難以做運動減磅,令身形肥腫。「我之前就係想修身,去跳舞同玩跑步機,點知跑傷咗個菠蘿蓋,令血液唔循環,拍《沒女》我都要戴腳箍,我依家爬山都難,跳唔到舞。」瑩瑩解釋自己是水腫,之後再弄傷了頸部軟骨,日前找了脊醫檢查,並建議她慢踩單車,勿做劇烈運動,不用開工的日子要戴頸箍。「因為軟骨移咗出嚟會塞淋巴,令到我胸口同背脊都痛到想嘔,條頸又脹咗,所以你哋覺得我好肥腫,我唔係唔想做運動,但有苦自己知,我成日都問醫師我幾時可以郁,唔郁就瘦唔到,有邊個唔想fit啲?」

12
瑩瑩教仔重視禮貌,講多謝要望住人,不要望地下。

瑩瑩一向做事親力親為,搬搬抬抬自己搞掂,有時更孭囝囝出街,出事之後她才發覺凡事要量力而為。「有次同囝囝由尖沙咀行返屋企,想佢出吓汗,但佢扭計唔肯行,我就孭佢上膊,可能就係呢次整親,因為我都feel到背脊有啲問題。所有物理治療師都叫我唔好再亂搞,唔好再玩跑步機減肥,我個菠蘿蓋頂唔到。」

8
瑩瑩笑言與myTV SUPER能夠 WhatsApp溝通,只要Evan做完功課,myTV SUPER就會自動開啟,Evan話最鍾意睇Disney Junior。

重規矩 訓練囝囝堅強

俗語有云:窮養兒富養女。瑩瑩覺得仔女都是自己親生,會盡量給他們最好,但認同男仔必須堅強一點,所以一早對所有老師講明囝囝「鬧得、惡得、唔使錫住佢」,「佢唔鬧得第日點面對社會?」

Evan現就讀一間較重規矩的國際學校,快將六歲的他會直升國際學校的小學部。瑩瑩坦言自己的廣東話水平有限,難以協助囝囝讀本地學校,「我唔想佢話阿媽你啲廣東話都唔得,你點教我呀?我會好hurt囉!」國際學校着重英文及國語,而來自新加坡的瑩瑩亦講開雙語,可以幫助囝囝學業,故國際學校是她不二之選。不過生活在香港,廣東話一定要識,幸好學校早於PN及K1已提供廣東話班,加上日常生活溝通,現在囝囝兩文三語都講得好好,更識「見人講人話」,自動轉channel,見嫲嫲講廣東話、菲律賓姐姐講英文、與媽咪就三種語言都會講。

6220
Evan性格動靜皆宜,喜歡砌LEGO、打波、踏單車,更喜歡說話︰「I am a speaker !」

瑩瑩另有安排Evan上興趣班,每日每堂一小時,輕輕鬆鬆,周二普通話、周三音樂及畫畫、周四游水、周五英文班、周六數學班,周日及周一休息。Evan也覺得媽咪安排的時間表好輕鬆,瑩瑩不希望囝囝感到太大壓力,注重健康才是首要。「佢細個嗰陣周圍惹到細菌,好易病,所以我就畀佢學游水,身體強壯啲先可以打仗,游水嘅得益係你自己㗎。」

14
瑩瑩指天下媽媽都很偉大,「Mammies are always super !」寧願犧牲一點睡眠,都盡量抽時間陪囝囝玩,因為時間一過、囝囝長大後就會少了親子時間。

希望媽咪「買個BB」

Evan由兩歲開始就想要弟弟妹妹,希望媽媽去超級市場「買」又好,生又好,盡快增添家庭成員。「佢兩歲幾嗰陣,老師教佢哋去supermarket買嘢,所以佢就叫我去買BB;到三歲幾,佢有日問我星期日使唔使返工,我話唔使,佢就叫我生個BB畀佢;四歲幾佢坐校巴接觸嘅人多咗,又催問幾時畀個BB我呀?我話媽媽好忙,佢就話咁你唔忙就畀個我啦!」40多歲的瑩瑩對於生多個順其自然,有幾多個小朋友是天注定。「我都知兩個係好啲,一個係比較寂寞,我都來自五個小朋友嘅家庭,我係大家姐,有三個妹一個細佬,我哋感情好好,雖然我喺香港,佢哋喺新加坡,但我哋依然緊密溝通,爸爸媽媽點呀?屋企點呀?大家有商有量。」

16
Evan好為食,最鍾意食烏冬。
15
瑩瑩回味囝囝小時候得意的樣子,想把他縮小變回BB。

瑩瑩擔心Evan一個人會滿懷心事,不懂找人傾訴,始終有一日父母會離開,她希望幫兒子自小打開心窗。「我會同佢傾多啲偈,引導佢講嘢畀我聽,盡量睇住佢心理。」Evan笑說好鍾意和爸爸媽媽傾偈,不過爸爸有時好煩,「爸爸惡啲,因為佢成日話唔好食呢個嗰個,呢個唔啱你食㗎!」

17
Evan對他的畫作好滿意!

瑩瑩對囝囝沒有太大期望,只希望他健康快樂成長,做個乖仔。「唔好駁嘴駁舌,依家愈大愈鍾意駁嘴!我湊仔都係邊湊邊學,原來佢呢個年紀都有反叛期,佢好想你聽佢講嘢,唔理佢就會扭計,我要教佢學習忍耐,媽咪做完嘢就會搵你。」

18
Evan親手製作心意卡給媽媽,好窩心。

IMG_2756IMG_8869

IMG_9993

你有獨家湊BB心得嗎?

更多精選內容