Edan呂爵安後援會宣佈解散驚爆5大罪!抽飛疑被黑箱操作兼鬧「爵屎」做白卡
Edan@MIRROR後援會解散被爆5大罪
1)後援會Admin鬧「爵屎」係白卡
自稱Edan後援會總務部Leader的Kiwi貼出多張對話截圖,指後援會Admin經常稱呼唔聽話嘅「爵屎」為「白卡」:「邊個爵屎係谷或外面谷話過EFC,其實都會記落白卡名單。」Admin們不但會一同取笑與攻擊「白卡名單」的爵屎,有Admin誇張到放天燈時候寫埋「白卡去死」。
![Edan Admin都稱部分「爵屎」為白卡](https://imgs.orientalsunday.hk/wp-content/uploads/2023/10/photo_6109224605420992905_y_93924488652389b352b90.jpg)
2)操控抽飛結果 唔聽話會被Blacklist
Kiwi又大爆粉絲會的抽獎活動均是「黑箱操作」,凡是被記落「白卡名單」的粉絲們,都不會抽中演唱會門票:「捉捉下(白卡)應該冇人有得抽」、「發現啲白卡都幾好運,咁都有得抽中」、「抽中左都會起出黎或比西位佢」等。事後Kiwi逐一聯絡「白卡名單」中的粉絲們,證實他們的確從未抽中後援會的抽獎活動。
![Edan 操控投票結果。](https://imgs.orientalsunday.hk/wp-content/uploads/2023/10/photo_6109224605420993033_y_1274627865652389da920ea.jpg)
3)自肥拍Edan MV 鬧Edan為「豬隊友」
Edan後援會Admin早前被指自肥帶朋友齊齊拍Edan MV,事後更出現於Edan MV幕後花絮Vlog中,令事件曝光。當一班Admin發現自己出現喺Edan Vlog入面,就即刻在群組中鬧Edan為「豬隊友」,仲話:「醒少少當幫忙啊豬隊友」、「返工Vlog剪走我得唔得」、「大腦很讚,記得要用」等。
![Edan Admin被發現自肥去拍Edan MV](https://imgs.orientalsunday.hk/wp-content/uploads/2023/10/tdsc09339_600_63455550265238cf084114.jpeg)
4)直言對Edan「唔太愛」直斥偶像「 not first day on9」
Kiwi又貼出截圖大爆Admin們直言對Edan「唔太愛」,又指自己本命並不是Edan,更表示要盡快脫粉,繼續追原本追開的韓國、泰國明星,睇到爵屎們又無言又眼火爆。另外截圖中亦見 admins 對海外Fans Club 並不友善,抗拒合作。因為有海外粉絲會曾dm爵安,希望授權借圖做應援,爵安回覆「OK」,admins就私下討論:「WTF佢O乜K?」「做乜要覆佢哋?」「not first day on9」。
![Edan 直言對Edan「唔太愛」](https://imgs.orientalsunday.hk/wp-content/uploads/2023/10/photo_6109224605420993039_y_19220691496523896fe9b56.jpg)
5)Admin曾私下怒斥其他應援站
Edan粉絲後援會一直是非多多,前年就已經一度被傳出Admin之一的「May」處事能力低,May更一度接受傳媒訪問為自己辯護。今次May又再次被翻出黑歷史,被指曾經私下發長文怒斥Edan Follow其他Edan應援站:「宜家Follow咗姐係點?比起嬲更多洗失望同心淡,覺得自己都可有可無。咁大個人自己識諗啦,路係自己揀。」
![Edan 睇嚟Admin May真係好嬲Edan Follow其他應援站。](https://imgs.orientalsunday.hk/wp-content/uploads/2023/10/img_3242_31530401865238924cdfdc.jpg)
Edan後援會宣佈解散:在此向Edan致歉
爆料一傳出,一眾「爵屎們」都紛紛表達不滿,以hashtag「#adminleaders請解散」、「#adminleaders請向呂爵安及爵屎道歉」提出要求。昨晚(8日)Edan後援會終於在群組中宣佈會解散團隊,現正售賣的周邊產品都會停止發售並且進行退款,後援會所有餘下款項亦將以呂爵安的名義捐出,邀請有意接任者組成團隊接手。雖然在聲明文有對Edan致歉,但就沒有向其他爵屎們道歉。
![Edan Edan粉絲後援會宣佈解散!](https://imgs.orientalsunday.hk/wp-content/uploads/2023/10/image-1888414_186465873365238b1546561.jpeg)
爵屎繼續狠批:未經會員就話捐資金
雖然現任Admin宣佈下台兼解散後援會,但爵屎們依然對後援會的安排感到不滿,不但狠批後援會Admin未有就「白卡」發言道歉之外,又指後援會的資金大部分為爵屎們的會員費,但卻在未經會員的同意下就宣佈捐資金。
![Edan 雖然Admin有同Edan道歉,但就冇同其他粉絲們致歉。](https://imgs.orientalsunday.hk/wp-content/uploads/2023/10/image-3766937_173692866265238be9eabf5.jpeg)
連續兩位MIRROR成員後援會解散
近日不少MIRROR粉絲都對各大粉絲後援會的操作大表不滿,繼上個月MIRROR成員Alton的粉絲後援會解散後,今次又到Edan的後援會被爆醜聞而解散。下個月就係MIRROR成軍五周年,新戲《12怪盜》的互動亦即將舉行,部分Edan和Alton的粉絲們都擔心二人會因後援會解散而冇人搞應援。
![Edan alton 明明前幾日先搞完生日會。](https://imgs.orientalsunday.hk/wp-content/uploads/2023/09/altonwong.hkfc_380326227_18095544625361684_6159873233270428194_n_1557402766651031d03f6a5.jpg)
![Edan MIRROR下個月就五周年,新戲《12怪盜》又就嚟上映,粉絲們都擔心Edan同Alton會冇後援會幫手搞應援。](https://imgs.orientalsunday.hk/wp-content/uploads/2023/10/image-9955095_156132172565238c1b3cdf2.jpg)