初生嬰兒飲水影響腎功能?營養師解答新手媽媽餵奶迷思

初生嬰兒飲水影響腎功能?營養師解答新手媽媽餵奶迷思

初生嬰兒需要飲水嗎?營養師Annie Lee出席不同育嬰講座時,都會收到不少爸媽提出的問題,其中一條最常被問到的問題就是「BB需要飲水嗎?」。今次就由Annie為大家解答這個問題!

撰文:營養師AnnieLee | 圖片:新傳媒資料庫 | 編輯:Sunday Kiss

BB需要飲水嗎?

好多時就算係新手爸媽,都會識答:其實BB淨係飲奶就夠啦,唔使飲水架。不過,如果係兩母女來聽講座,或是奶奶同新抱來,答案就可能未必一樣。

當我解釋BB 0-6個月其實都唔駛飲水嘅時候,準媽媽就會同媽媽/奶奶細細聲講:嗱,係唔係呀?營養師都話BB唔駛飲水㗎!

點知喺呢個時候,準婆婆/嫲嫲有機會會突然好大反應,然後大聲反駁:「咩姐! 飲啖水之嘛,有幾大問題啫?你細個嗰陣時咪又係咁俾你飲? 唔好話飲水,細個驚你唔夠營養,仲會開埋葡萄糖水俾你飲啦!」

初生嬰兒飲水影響腎功能?營養師解答新手媽媽餵奶迷思

世衛建議:0-6個月BB 純母乳餵哺

係,以前老一輩,成日怕阿B唔夠水:人奶怕佢唔夠飽;奶粉怕熱氣;天氣熱流汗;天氣凍又怕皮膚乾燥⋯⋯於是,好多時習慣飲完奶俾BB飲多兩啖水?濕吓個口,覺得飲少少水健康啲。

其實,世衛建議頭6個月BB「純」母乳餵哺 。「純」母乳的意思,是指沒有其他食物和飲料,包括埋水(不過如有需要可添加維他命或礦物質補充劑)。

初生嬰兒飲水影響腎功能?營養師解答新手媽媽餵奶迷思

初生BB飲水影響腎功能?

初生BB唔適合飲水,一方面飲水會影響他們的正常飲奶量和時間表;而且BB的腎臟很小,未發育健全,飲水有機會影響BB的腎功能,甚至水中毒。

初生嬰兒飲水影響腎功能?營養師解答新手媽媽餵奶迷思

一個家庭迎接一個初生B,全家上下都一定緊張期待, 但好多時大家可能都會有自己湊B的一套。有時過份緊張,有時危機意識不足,但有更多時侯,可能唔夠與時並進。所以迎接一個新的家庭成員,最好大家都花少少時間去增值一下,學習一啲最科學,最安全的湊B方法,成個家庭先可以真係開開心心迎接小生命來臨。

初生嬰兒飲水影響腎功能?營養師解答新手媽媽餵奶迷思

參考資料:

* http://apps.who.int/gb/archive/pdf_files/WHA55/ea5515.pdf?ua=1

**Am J Dis Child. 1991 Sep;145(9):985-90.

 

初生嬰兒飲水影響腎功能?營養師解答新手媽媽餵奶迷思

作者介紹:營養師 Annie Lee食物及營養學學士、香港營養師學會 (HKNS) 認可營養師)

家有三寶,一囡和一對龍鳳胎。於體檢中心任職營養師,撰寫多個健康專欄,舉辦健康講座,分享貼地的母嬰和育兒的經驗及營養資訊。

更多精選內容