學界男女神,吳俊欣,籃球,Poly U

巨肌入樽王 – 吳俊欣

article

廣告

今次呢個男神吳俊欣(Tom)係大有來頭架!佢唔止係籃球界嘅「入樽王」,身高昂藏一米九幾,仲要挺住46吋嘅胸膛,加上一副韓仔嘅面孔,外在條件已經非常夠殺!睇埋血統,原來佢堂妹係協恩嘅金牌女神吳芷柔(Yoyo),嚟自同一個家族,果然唔止運動細胞發達,仲全身都有靚人基因tim!

阿Tom有近兩米嘅身高,生得高大自然行到去邊都矚目啲啦!佢話睇學校嘅Secrets Page,都見過有人留言話佢生得幾cute架!

因為生得高大,阿Tom對腳都一樣好大,着鞋要着到46號,大到咁點買鞋呀?運動員就有呢度好啦,阿Tom啲鞋全部都有廠商贊助,所以完全唔駛擔心!

阿Tom之前因為打波,打到腳骨一裂再裂,所以暫時都唔可以落場比賽住,休息嘅時間多咗,只要唔駛返學,唔駛跟操,佢最鍾意就係匿喺屋企煲劇,仲要鍾意親嘅,全部都係少女韓劇tim!

阿Tom個樣似韓仔,本身都係韓迷嚟架,除咗煲韓劇,平時都係咁追Running Man架!魯芬BB個好拍檔李光洙,仲係佢偶像tim!「光洙好正呀!又搞笑!又識搞氣氛!」

影相當日,我哋發現阿Tom chok樣嗰陣,竟然有啲似欄王劉翔,點知佢一聽到就話:「唔想似佢!佢個樣好兇呀!!」嗰啲叫鬥志啦!小朋友!

影影吓相,發現阿Tom件裇衫,完全束縛唔住佢胸前嘅巨肌,於是索性叫佢不如解放吓啦,點知佢非常大方咁應承!哈~~不過… 好似…「基」味甚濃tim!(FF吓好喇,人哋有女朋友架喇!)

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

「學界男女神」,等緊你嚟挑戰!

撰文: Joanne

攝影: Simpson

拍攝:Carson

剪接: Candy

Hair:Suki@KINGS Makeup

Makeup: Ida@KINGS Makeup

提供場地:Heaha Party ( 9831 1279)

鳴謝:

贊助獎品